إحبــــــــــــــــــــــــــــــاط..

[أميره بحزني]

السلام عليكم ورحمة الله وبركاته










والله بنات مادري شقول مايحس بالنار ألا أللي واطيها مادري شفسر الحاله أللي فيني أحباط يأس بقولكم ليش أنا بنت من النوع أللي واصله بالأهل وكثر ماقدر أطوف حتي لو ينقط علي حجي من خواتي أو أخواني أخذه علي مبدأ أنه غشمره حتي من حبي لهم عادي أقصر علي نفسي بس واعطيهم من فتره الوالده تعبت وراحت للعلاج بلندن بس أنا أحس أنها ماتحسنت والحمدلله علي كل حال أنا قبل لاتتعب الوالده أحب اقرأ قرأن وأذكر ربي وأحب أصلي قيام الليل يعني كنت مرتاحه من ناحيه أني راضيه ربي بس الفتره الأخيره أحس حاشني يأس وأحباط أللي كنت قريبه لله سبحانه المصحف شلته وحطيته بالدرج قناة السعوديه للقرأن أللي كل صبح أشغله وألبس واتزهب لدوامي عليه قمت ماشغله صلاتي زين مني أصلي الفرض وأحيانا أتعايز بصلاة الفير عقب ماكانوا خواتي وأخواني لاقلتهم بصلي وكانوا يبون أروح معاهم مكان يقولون يووووووووووه يعني بطولين لأن كنت أصلي الفرض والسنه عقب وأنا علي السياده أقعد أستغفر وأقرأ قرأن ألحين تبدلت أحوالي مو أنا أحس أني تغيرت مادري ليش البنت أللي ماعندها غير تهتم بنفسها صرت زين مني أتسبح أللي كنت كل فتره أغير بداري شغلات صارت الخدامه تشوف داري معفوسه أتيي من نفسها تنظفها .... مالي خلق وكرهت الحياه وصرت عصبيه وصراخ علي أهل البيت وأحسهم يكرهوني بأستثناء أمي والله تكسر خاطري أمي تتظايق لما تشوف صراخي عليهم وهواش مع أنها مريضه أحاول أمسك نفسي جدامها بس مادري شفيني موقارده أذا ماصرخت وهاوشتهم أحس يحوشني غامت صرت اشك باأللي حوالي الكل يبي يضرني ويظايقني مادري شالسبب يمكن لأن أهلي يناقشون مشاكلهم جدامي وأنا من النوع أللي ماعلق أكمت بقلبي وحاشني أكتئاب ...​

 

[گـحِـلْ |~]

رد : إحبــــــــــــــــــــــــــــــاط..

أقولج ع معجزهـ تقلب حيآآتج للآحسن وتخليج أسعد شخص ع وجه آلارض !!





































( الاستغفآر )



-دآومي عالاستغفآر ورآح تدعين لي

وآلله يشرح لج صدرج حبيبتي

 

[كنوشة 2009]

تعوذي من الشيطان وردي اقراي قران وما ضاقت الا فرجت

واحرصي هلى الصلاة والله يفرجها ان شاء الله وعليج بالدعاء

 

[xprincessx]

رد : إحبــــــــــــــــــــــــــــــاط..

روحي دروس دينية
تجددين فيها عزمج و نشاطج

 

[الحلا و الزين كله]

(ومن اعرض عن ذكري فان له معيشة ضنكا) سبحان الله شنو تاثر فيني هالايه كلما احس ني مقره بحق ربي
حتى الستجابه تتطلب ان الانسن يكون مع الله في السراء والضراء .. استعفري ادعي لنفسج بالثبات ..وتعوذي من الشيطان الله يصلح امورج..

 

[الفتاة السماوية]

كل ما يالج هالاحساس قولي اعوذ بالله من الشيطان الرجيم

واقرى الاذكار يمكن احد حاسدج على إلتزامج أول

يوميا اقري ذكار الصباح والمساء

واذكار النوم

وكرري هالدعاء
( اللهم أعني على ذكرك وشكرك وحسن عبادتك )

وكثري الاستغفار لان الاستغفار يفرج الهم

واقرى الرقيه الشرعيه على نفسج مو شرط أحد يقرى عليج انتي اقريها

غيري روتين حياتج ووخري عنج الكسل حتى لو كان غصبن عنج
قولي اعوذ بالله من الشيطان الرجيم وفزي من مكانج وسوي اللي كنتي اتسوينه أول

وعسى ربي يفرج همج ويردج مثل أول وأحسن بعد.
ويشفي أمج