- إنضم
- 15 يوليو 2010
- المشاركات
- 587
- مستوى التفاعل
- 0
- النقاط
- 0
إجـازة الـيـابـانـيـيـن وإجـازاتـنـا
تعلم أن اليابانيين أكثر شعوب العالم المتقدم حرماناً من العطلات ..
إذ لا يتعدى متوسط إجازاتهم تسعة أيام في العام
بينما الفرنسيون هما أصحاب النصيب الأكبر من العطلات
بمتوسط يبلغ 34.5 يوم سنوياً.
وتمنح الولايات المتحدة العاملين ثاني أقل عدد من العطلات سنوياً
بمتوسط 17 يوماً يأخذ معظم العاملين منها 14 يوماً ..
ويمنح النيوزيلنديون 19.5 يوم سنوياً يستهلكون منها نحو 17
بينما يستخدم الأستراليون 16.5 يوم تقريباً من إجمالي العطلات وعددها 20 يوماً.
مساكين يا اليابانيين
صج أنكم شعب محروم من الراحه
تلفون في الدنيا لا راحه ولا نوم ولا فلة حجاج
علشان تقدمون إختراعات تفيد الإنسانيه
هم بتموتون واللي ما اسلم منكم بيخلد في النار
وخلوا الإنسانيه وسوني ومتسوبيشي وتويوتا تنفعكم
اقول خلوكم مثلنا بس
والله يا الإنسانيه ما قامت ولا قعدت عندنا
فالين ام الحياة.. إجازات ونوم وتسدح وتبطح ولله الحمد والمنـّه
شوفونا أيام السنه 365 وإجازتنا 355 يوم
الموظفين ..شهر أجازه دورية و10 أيام إضطراريه
و3 شهور تروح ما بين إجازاة وفاة والدية وعمانه وعماته وخواله وخالاته
وامهاته من الرضاع وابوانه من الرضاعه وأصدقاه من الرضاع
الموظف الكويتى هو الوحيد في العالم اللي تتوفى له 12 جده و12 جد في السنه..
ومنها شهرين إستئذانات من المدير علشان يجدد الرخصه والإستماره
ويضيف ولده في البطاقة المدنية ويسجل ولده الثاني في المدرسه
ويطلع رخصة ولده الثالث من المرور ..
و55 يوم يطلع من الدوام يبلغ الشرطه عن حدامتة المنحاشه
و3 شهور إجازات مرضيه منها شهر ونص في السنه
إجازات خلع أسنان .. تماسيح مو موظفين
وبعدين مدري شنو هذى الأسنان اللي يخلعونها وتنبت ..
تصدقون يا جماعه ان بعضهم يكون باقي عليه ويتقاعد سنتين
ويجيب إجازه مرضيه بسبب خلع ضرس عقل
واللي موقع الإجازه طبيب نساء وولاده
والطلاب والطالبات إجازات الصيف 3 شهور
ومعها مكرمه من أهالي الطلاب نص شهر
وإجازة حج 20 يوم
معها مكرمه 10 أيام من أهالي الطلاب والطالبات
و10 أيام إجازة نص سنه
ومعها 15 يوم مكرمه من أهالي الطلاب والطالبات
وإجازة ربيع ومعها 15 يوم مكرمه من أهالي الطلاب والطالبات
وإجازات أمطار وإجازات غبار
وغيابات بسبب الأنفلونزات
وغيابات للطلاب بسبب خسارة فريقهم ..
واللي مسكوه المرور وخلوه يفك أنوار الزينون
وعلم ابوه ولعن .. ..وتعبت نفسيته
وغيابات للطالبات بسبب ان بطونهم تعورهم
وغياب لأن نفسياتهم تعبانهم ..
وأسباب تعب نفسيات البنات متعدده
اللي قصت شعرها وطلع وع
واللي محد عطاها ويه على البي بي
واللي طلعت لها حبة شباب في خشمها
وقاعده طول الليل تراقب هالحبه لين تعبت نفسيتها ..
الزبده أن الطلاب ما يصفى لهم من دراسة الـ8 شهور إلا 18 يوم
اما المدرسات والموظفات فحدث بلا حرج بس
إجازات مثل الإجازات الرسميه للطلاب والطالبات
واضيفوا لها إجازات مرضيه أثناء الحمل
وإجازات نفاس ممكن توصل لـ 3 شهور
عشان جذى المدرسات هم أكثر من يحمل ويولد
بزعمها إنها بتكثر أمة الإسلام وهي تبي تتبطح وتتسدّح
طبعاً إضافه للإجازات المرضيه بأنواعها
المدرسه تراجع كل التخصصات الطبيه علشان تجيب منهم إجازه
أسنان وأنف وأذن وباطنيه وبوليه وجلديه ونساء وولاده
وعظام وإصابات ملاعب
وإجازه علشان فيها ضيقه وشاكه إنها محسودة
على طاري الضيقه ..
قسما بالله لو للرقاة الشرعيين صلاحيات منح إجازات مرضيه
ان ما تلقون مداوم في مدارس البنات إلا الحارس والكلينر و5 طالبات
نرجع لمحور حديثنا ..
وغياب بعض أيام الخميس لإنها بتروح عرس
ولازم تمسك دور عند الصالون من الضحى
وإجازه مرضيه بعض أيام الاحد لأنها كانت عازمة حمولتها وتعبت
مع ان حمولتها كانوا عندها يوم الأربعاء ..
الحين الحدامة هي اللي تتعب والمدرسه هي اللي تاخذ إجازه!!!
انا اقترح إقتراح بيفيد الإنسانيه
وهو اننا نتناسب إحنا واليابانيين
نتزوج منهم ويتزوجون منا
نعطيهم مما أعطانا الله من زود العيون
ويعطونا مما أعطاهم الله من زود العقول
نعطيهم مما أعطانا الله من الحرص على المظهر
ويعطونا مما أعطاهم الله من الحرص على الجوهر
وبكذا بننتج للإنسانيه نسل يحبه قلبها..
والله يا إنها بتنبسط فينا هالإنسانيه
هاه !!
لا لا
هونت عن إقتراحي
اخاف ان تأثيرنا يكون اقوى
في الفهاوه والدلاخه والرفاله والرباده
وتأثيرهم يكون أقوى في صغر العيون وحب الجوهر
وتطلع عندنا سلاله تلوع الجبد
تعقد فيها الإنسانيه ..
كسل وعيون نقط ..
ولا مظهر ولا جوهر ولا سوني ولا متسوبيشي
ولا حتى تويوتا يارس قيير عادي
تعلم أن اليابانيين أكثر شعوب العالم المتقدم حرماناً من العطلات ..
إذ لا يتعدى متوسط إجازاتهم تسعة أيام في العام
بينما الفرنسيون هما أصحاب النصيب الأكبر من العطلات
بمتوسط يبلغ 34.5 يوم سنوياً.
وتمنح الولايات المتحدة العاملين ثاني أقل عدد من العطلات سنوياً
بمتوسط 17 يوماً يأخذ معظم العاملين منها 14 يوماً ..
ويمنح النيوزيلنديون 19.5 يوم سنوياً يستهلكون منها نحو 17
بينما يستخدم الأستراليون 16.5 يوم تقريباً من إجمالي العطلات وعددها 20 يوماً.
مساكين يا اليابانيين
صج أنكم شعب محروم من الراحه
تلفون في الدنيا لا راحه ولا نوم ولا فلة حجاج
علشان تقدمون إختراعات تفيد الإنسانيه
هم بتموتون واللي ما اسلم منكم بيخلد في النار
وخلوا الإنسانيه وسوني ومتسوبيشي وتويوتا تنفعكم
اقول خلوكم مثلنا بس
والله يا الإنسانيه ما قامت ولا قعدت عندنا
فالين ام الحياة.. إجازات ونوم وتسدح وتبطح ولله الحمد والمنـّه
شوفونا أيام السنه 365 وإجازتنا 355 يوم
الموظفين ..شهر أجازه دورية و10 أيام إضطراريه
و3 شهور تروح ما بين إجازاة وفاة والدية وعمانه وعماته وخواله وخالاته
وامهاته من الرضاع وابوانه من الرضاعه وأصدقاه من الرضاع
الموظف الكويتى هو الوحيد في العالم اللي تتوفى له 12 جده و12 جد في السنه..
ومنها شهرين إستئذانات من المدير علشان يجدد الرخصه والإستماره
ويضيف ولده في البطاقة المدنية ويسجل ولده الثاني في المدرسه
ويطلع رخصة ولده الثالث من المرور ..
و55 يوم يطلع من الدوام يبلغ الشرطه عن حدامتة المنحاشه
و3 شهور إجازات مرضيه منها شهر ونص في السنه
إجازات خلع أسنان .. تماسيح مو موظفين
وبعدين مدري شنو هذى الأسنان اللي يخلعونها وتنبت ..
تصدقون يا جماعه ان بعضهم يكون باقي عليه ويتقاعد سنتين
ويجيب إجازه مرضيه بسبب خلع ضرس عقل
واللي موقع الإجازه طبيب نساء وولاده
والطلاب والطالبات إجازات الصيف 3 شهور
ومعها مكرمه من أهالي الطلاب نص شهر
وإجازة حج 20 يوم
معها مكرمه 10 أيام من أهالي الطلاب والطالبات
و10 أيام إجازة نص سنه
ومعها 15 يوم مكرمه من أهالي الطلاب والطالبات
وإجازة ربيع ومعها 15 يوم مكرمه من أهالي الطلاب والطالبات
وإجازات أمطار وإجازات غبار
وغيابات بسبب الأنفلونزات
وغيابات للطلاب بسبب خسارة فريقهم ..
واللي مسكوه المرور وخلوه يفك أنوار الزينون
وعلم ابوه ولعن .. ..وتعبت نفسيته
وغيابات للطالبات بسبب ان بطونهم تعورهم
وغياب لأن نفسياتهم تعبانهم ..
وأسباب تعب نفسيات البنات متعدده
اللي قصت شعرها وطلع وع
واللي محد عطاها ويه على البي بي
واللي طلعت لها حبة شباب في خشمها
وقاعده طول الليل تراقب هالحبه لين تعبت نفسيتها ..
الزبده أن الطلاب ما يصفى لهم من دراسة الـ8 شهور إلا 18 يوم
اما المدرسات والموظفات فحدث بلا حرج بس
إجازات مثل الإجازات الرسميه للطلاب والطالبات
واضيفوا لها إجازات مرضيه أثناء الحمل
وإجازات نفاس ممكن توصل لـ 3 شهور
عشان جذى المدرسات هم أكثر من يحمل ويولد
بزعمها إنها بتكثر أمة الإسلام وهي تبي تتبطح وتتسدّح
طبعاً إضافه للإجازات المرضيه بأنواعها
المدرسه تراجع كل التخصصات الطبيه علشان تجيب منهم إجازه
أسنان وأنف وأذن وباطنيه وبوليه وجلديه ونساء وولاده
وعظام وإصابات ملاعب
وإجازه علشان فيها ضيقه وشاكه إنها محسودة
على طاري الضيقه ..
قسما بالله لو للرقاة الشرعيين صلاحيات منح إجازات مرضيه
ان ما تلقون مداوم في مدارس البنات إلا الحارس والكلينر و5 طالبات
نرجع لمحور حديثنا ..
وغياب بعض أيام الخميس لإنها بتروح عرس
ولازم تمسك دور عند الصالون من الضحى
وإجازه مرضيه بعض أيام الاحد لأنها كانت عازمة حمولتها وتعبت
مع ان حمولتها كانوا عندها يوم الأربعاء ..
الحين الحدامة هي اللي تتعب والمدرسه هي اللي تاخذ إجازه!!!
انا اقترح إقتراح بيفيد الإنسانيه
وهو اننا نتناسب إحنا واليابانيين
نتزوج منهم ويتزوجون منا
نعطيهم مما أعطانا الله من زود العيون
ويعطونا مما أعطاهم الله من زود العقول
نعطيهم مما أعطانا الله من الحرص على المظهر
ويعطونا مما أعطاهم الله من الحرص على الجوهر
وبكذا بننتج للإنسانيه نسل يحبه قلبها..
والله يا إنها بتنبسط فينا هالإنسانيه
هاه !!
لا لا
هونت عن إقتراحي
اخاف ان تأثيرنا يكون اقوى
في الفهاوه والدلاخه والرفاله والرباده
وتأثيرهم يكون أقوى في صغر العيون وحب الجوهر
وتطلع عندنا سلاله تلوع الجبد
تعقد فيها الإنسانيه ..
كسل وعيون نقط ..
ولا مظهر ولا جوهر ولا سوني ولا متسوبيشي
ولا حتى تويوتا يارس قيير عادي
