إجازة الأمومة براتب كامل ولا نص راتب ؟

[الكويت ديرتنا]

السلام عليكم ...... شخباركم بنات ........






حبيت أسأل اللي يعرفون إجازة الأمومة براتب كامل ولا نص راتب ؟





حبايبي اللي تعرف عفيه ترد علي ......




واللي ماتعرف أتشرف بمرورها .......

 

[ام الدرر]

بعد الولادة شهرين راتب كامل
و4 شهور نص راتب ​

 

[الكويت ديرتنا]

بعد الولادة شهرين راتب كامل


و4 شهور نص راتب ​

بعد قلبي فديتج على سرعة الرد ما شاء الله عليج



يعني يصير آخذ شهر بس ؟

 

[سارونة الكويت]

هلا حبيبتي انا موظفه بقسم الاجازات والدوام بمنطقة الفروانية التعليميه
الامومة صارت اول شهر براتب كامل ابتدى من شهر 4 ,واذا تبين اي خدمة انا مووجوده

 

[كـ غلا ــلي]

بعد الولادة شهرين راتب كامل


و4 شهور نص راتب ​

كلامج مضبووط وبضيف شغله 4 شهور هاذي اختياريه يعني تقدرين ما تاخذينها وترجعين الدوام

عقب شهرين اجازه الوضع

 

[الكويت ديرتنا]

هلا حبيبتي انا موظفه بقسم الاجازات والدوام بمنطقة الفروانية التعليميه
الامومة صارت اول شهر براتب كامل ابتدى من شهر 4 ,واذا تبين اي خدمة انا مووجوده

هلا وغلا فيج بعد قلبي سااارونه



آنا المفروض مباشرتي بعد الوضع 17/5 / ودي آخذ أمومة شهر لأن عطلتنا تبدأ 17/ 6 / بس تقول السكرتيرة الأمومة بنص راتب ؟!! يعني ما طبقوا القرار ؟!!!



شراااآيج ؟!!!!

 

[الكويت ديرتنا]

up up​

 

[سارونة الكويت]

هلا حبيبتي ,لا طبقولها وراح يمشي عليج القرار, امبلى اخذيها شهر واحد بس احسن , انتي بأي مدرسة ؟؟؟؟؟

 

[الكويت ديرتنا]

هلا حبيبتي ,لا طبقولها وراح يمشي عليج القرار, امبلى اخذيها شهر واحد بس احسن , انتي بأي مدرسة ؟؟؟؟؟

آنا بروضة ،،، ساااااارونة إذا عندج صورة القرار ،،، تكفين أبيها ،،،
يقولون لي ما مشى القرار؟!!


أكون شاكرة لج ،،،:eh_s(7):

 

[Lady-_-fushia]

هااااااي

يعطون اجازه امومه للتعينات اليديده متى؟
يعني اذا توظفت توني وباخذ اجازه وضع وامومه شلون؟
صج في اجازه قبل الولاده وعقب؟ يعني ناخذ على اخر الاشهر اجازه و عقب بعد الولاده ؟
سوري اول مره اتوظف و احمل وبنفس الوقت لوووول
ماني فاهمه

 

[ام _خلودي]

حبيبتي اذا اليوم توظفتي باجر ولدت عادي اتقدمين اجازه وضع وعقبه علي طول امومه بس بشرط انج كويتيه

 

[ام _خلودي]

سارونه يعني الحين اجازه الوضع صارت ٧٠ يوم عدل ؟!والامومه ٤ اشهر اول شهر براتب كامل واخر ٣ شهور بنص راتب عدل اخيييه جان زين اتنزلين صوره من القرار مع انه واصلنا بالواتساب بس قلت ممن مفبرك

 

[أم حمودي**MALL**]

حسافه طافني القرار انا خذيت شهر واحد امومه من 21-2 الى 21-3

 

[الكويت ديرتنا]

كلامج مضبووط وبضيف شغله 4 شهور هاذي اختياريه يعني تقدرين ما تاخذينها وترجعين الدوام

عقب شهرين اجازه الوضع

تسلمين ياقلبي ومشكورة على الإضافه




تحياتي

 

[ضوى شمعه]

بنات انا الحين ماخذه امومه وعطونى نص راتب الوضع شهرين راتب كامل و4شهور نص راتب من تاريخ 30 -1 الين 1-8

 

[Lady-_-fushia]

اممم مافهمت عدل سوري اذيتكم وياي

الحين يعني الوضع اللي اهو قبل الولاده شهرين وشوي 70 يوم يعني بالثامن والتاسع ؟
و تاخذ نص راتب عليه؟
وعقب 4 شهور امومه اول شهر منهم تاخذ راتب كامل والثلاث شهور اللي عقب نص راتب؟

والله خوش شي

 

[ام خالد 78]

القرار للحين ماطبقوه الامومه 4 شهور بنص راتب

 

[ام _خلودي]

ماكو شي اسمه بالثامن والتاسع الوضع عقب الولاده شهرين براتب كامل

 

[الكويت ديرتنا]

أخيتي ساااارونه واللي يعافيج نبي صورة من القرار ،،،






​

 

[الكويت ديرتنا]

up . . . up




​