- إنضم
- 16 نوفمبر 2011
- المشاركات
- 142
- مستوى التفاعل
- 0
- النقاط
- 0
بسم الله الرحمن الرحيم
السلام عليكم ورحمة الله وبركاته
،
صراحه مدري من وين ابتدي
انا حاليآ عمري 23 و نص < عشآن الامانه فَ الكتابه
طول عمري من بلغت مآ شفت وزني فوق الـ 39 الا في حآلآت نادره رآح اذكرهآ بَ موضوعي
الي ابيه صراحه اني اسمن وغير كذآ ابي سمنه تكون طبيعيه وتظل
مو شيء بمجرد مآ اتركه ارجع زي مآ كنت والعن
،
طبعآ جربت سبروفيتآ + زين كبد الحوت + الخميره + العنبريه + انواع العسل ... آلخ
مآنفع شي ابداً
سنه من السنين وبالتحديد 2006 رابعه ثآنوي كآن بعد اختبارات الثانويه زواج اخوي
فَ انا خلآص قفلت براسي اسمن يعني اسمن
والله ويمدحون لي " الحبوب الصينيه " < جعل من سواهآ السلال
المهم والله مآ ترددت ولآ ثآنيه قلت انا استخدمت كل ابو الاشياء وقفت على ذا
ابد واخذته الين في اسبوع وجهي بينفجر من السمنه قسم بالله من كثر فرحتي
اني كل ما افز سواء فجر صبح ظهر ليل اول شي اسويه اقعد على حيلي فَ سريري
عشآن قدامي مراية التواليت واناظر وجهي اول مرآ بَ حيآتي اشوف نفسي سمينه :eh_s(11):
المهم داومت عليه شهر تقريبآ لين عرس اخوي وصراحه كآن شكلي فوق الرهيب
مع ان طلع لي كرش بس بحكم ان اصلا جسمي ضعيف بالاساس ما طلع شي مشوه
يعني كريشه وصار وزني 57 < يالبيه هالوزن :eh_s(16):
المهم تركته من هنآ ووزني بالنازل من هنآ لدرجه اني انزل كيلو كيلو ونص باليوم
والي كسبته في شهر طار في خلال اسبوع ورجع شكلي العن من قبل بزود صرت هيكل
وعشت كذا الين سنة 2010 كآن بعد عندنآ عرس
وامسكي الحبوب الصينيه واخذي الين جآ شكلي الي ابيه وحضرت العرس
لكن هالمره بآسي قوي قلت والله ما اتركهم اصلا وش الضرر مآفيهم ضرر وجه ويجيبون لي وجه سنع
مع ان امي نصحتني ما اخذ تقول كبرتي والحين جسمش مو نفس اول
يعني بيجلس على نفس الشكل ذا ماراح ترجعين ضعيفه قلت طيب هذا المطلوب لا تكلموني
واخذت واخذت الين جيت امي في يوم مقدر امشي رجولي كني فيل
محتبس المآء فيهآ وانا مدري اصلا اقولها يمآ شوفي رجولي صآرو بطآت :eh_s(9):
الين امي بغت تنجلط طلعت عيونهآ تقول وش ذا قلت ابد مدري ودتني للمستشفى
الين يقولهآ من الحبوب الصينيه حآبسه كل المآء ولو ماجيتو اليوم قولي لَ كلية بنتك مع السلامه
وعطآني حبوب " مدر لَ البول " وانتو بَ كرامه عشآن يطلع المآء الي بجسمي
ومن عقبهآ حلفت علي امي مايطبون البيت لو وش مآ كآن
وللامانه كليتي لَ زالت متضرره فيهآ التهآب حآد .. والحمدلله على كل حآل
وطبعآ ما يخفيكم اني تركتهم ورجعت زي مآ كنت ولكن صآدفتني مشكله ان اختفى كل شي
الا معدتي وكرشي صحيح مو كبار حيل بس ابد مآ اختفو
ومآ اهتميت للموضوع ،
مرت الايام وانا اعاني من معدتي وانا من سنين واكلي بسيط وانا احسبه وراثه
ومقدر اكل اكثر من ملعقتين ثلاث باليوم يمرون علي ايام عادي ما اكل بس عشآن
لآ استفرغ لآن معدتي " صغيره " امي تقولي كذآ
الين جآ يوم جآت لَ مرت اخوي جرثومه والبنت ماشاء الله وزنهآ فوق 100 مليآنه
وتعاني زي معآنآتي بالضبط الاستفراغ وماتقدر تاكل وجآ وزنهآ حول 50
استغربت قلت لامي بروح افحص يمكن فيني جرثومه عشآن كذآ عمري ما سمنت
رحت فحصت طلع بالاساس معدتي فيهآ قرح + ارتخاء راس المعده
والاعظم فيني جرثومه نسبتهآ 74 + موجوده فيني من 2005
وانا مدري اصلا الا من سالفه مرت اخوي
المهم عالجت اول هالسنه الين قبل رمضآن ولله الحمد راحت الجرثومه لكن القرح لآبد منهآ
بس ارحم من قبل بواجد اكثر وكذآ
قلت خلاص اجل هذا الحل بمآ ان كآن فيني جرثومه وراحت الحين اقدر اسمن طبيعي
رحت للتغذيه وخذيت موعد فَ الفروانيه
طبعآ مواعيدهم تجيب الهم كل شهرين مرآ
ومن اول شهر معطتني حليب انشور الي بالفانيلا
طيب انا اشكي لهآ اني بالاساس مالي نفس للاكل وتعطيني شي يسد نفسي
لكن الحليب ذا مجرد اشربه كني ماكله يوم كآمل واستغربت
شهرين ماتغير شي وانقهرت قلت تنصب علي هذي
المهم شققت اوراق التغديه وسحبت عليهم قلت بجرب لحالي
دخلت فرفرت هنآ لقيت وحده تتكلم عن حبوب السبرو فيتآ ، قلت اول جربتهم بس مانفعو
يمكن عشآن معدتي الحين اكيد ينفعون والله واشتري لي 3 علب حق شهر وحبوب خميره
هالحكي قبل رمضآن يمكن بأ سبوعين
قلت هالعيد ما اعيد الا وانا احس بفرق واخلي العالم تحس بفرق
والله وامشي على روتين ثلاث حباب سبروفيتآ باليوم وحبه خميره
وشريت للامانه عسل ام سلمان قلت زياده خل اجرب اذا بيطلع لي خدود
ووالله طلع مو يعني انفجر وجهي خدود بس في فرق ووبشرتي صارت طريه
لان على قولة امي العسل بَ حد ذاته مفيد ،
ووالله كآن قبل ابلش هالروتين وزني 39 كيلو
صرت 55 كيلو
صرت شخص ثآني للامانه ، بس مشكله ان الكرشه والمعده القديمات صارو واضحين مع
سمنتي الجديده مو لآن الحبوب طلعتهم بس لانهم صارو على حجم الجسم الجديد
وهذا الشي الوحيد الي يقهر
فَ بعد ماوصلت هالوزن قلت بس خلاص ببلش اكل مثل الناس وبلا الحبوب
وصرت اكل ووزني ثابت بس وجهي فش شوي لان اظن سمن على العسل
لكن الي صار ان الحين مر 3 اشهر تقريبا ما اخذت حبوب ولا شي
وصرت انزل باليوم نص كيلو على نص كيلو
وخايفه ارجع مثل اول =(
،
من كل هالموضوع الي ابيه منكم
1- نصآيح للسمنه وشلون احافظ على وزني الي ابيه ماينزل
2- شلون اوخر المعده والكرش < مع العلم ان الاغلب يقول انهآ ماي مو شحوم
وشكرآ واسفه على الاطآله بس طلعت الي بَ كبدي :eh_s(16)::eh_s(7):
السلام عليكم ورحمة الله وبركاته
،
صراحه مدري من وين ابتدي
انا حاليآ عمري 23 و نص < عشآن الامانه فَ الكتابه
طول عمري من بلغت مآ شفت وزني فوق الـ 39 الا في حآلآت نادره رآح اذكرهآ بَ موضوعي
الي ابيه صراحه اني اسمن وغير كذآ ابي سمنه تكون طبيعيه وتظل
مو شيء بمجرد مآ اتركه ارجع زي مآ كنت والعن
،
طبعآ جربت سبروفيتآ + زين كبد الحوت + الخميره + العنبريه + انواع العسل ... آلخ
مآنفع شي ابداً
سنه من السنين وبالتحديد 2006 رابعه ثآنوي كآن بعد اختبارات الثانويه زواج اخوي
فَ انا خلآص قفلت براسي اسمن يعني اسمن
والله ويمدحون لي " الحبوب الصينيه " < جعل من سواهآ السلال
المهم والله مآ ترددت ولآ ثآنيه قلت انا استخدمت كل ابو الاشياء وقفت على ذا
ابد واخذته الين في اسبوع وجهي بينفجر من السمنه قسم بالله من كثر فرحتي
اني كل ما افز سواء فجر صبح ظهر ليل اول شي اسويه اقعد على حيلي فَ سريري
عشآن قدامي مراية التواليت واناظر وجهي اول مرآ بَ حيآتي اشوف نفسي سمينه :eh_s(11):
المهم داومت عليه شهر تقريبآ لين عرس اخوي وصراحه كآن شكلي فوق الرهيب
مع ان طلع لي كرش بس بحكم ان اصلا جسمي ضعيف بالاساس ما طلع شي مشوه
يعني كريشه وصار وزني 57 < يالبيه هالوزن :eh_s(16):
المهم تركته من هنآ ووزني بالنازل من هنآ لدرجه اني انزل كيلو كيلو ونص باليوم
والي كسبته في شهر طار في خلال اسبوع ورجع شكلي العن من قبل بزود صرت هيكل
وعشت كذا الين سنة 2010 كآن بعد عندنآ عرس
وامسكي الحبوب الصينيه واخذي الين جآ شكلي الي ابيه وحضرت العرس
لكن هالمره بآسي قوي قلت والله ما اتركهم اصلا وش الضرر مآفيهم ضرر وجه ويجيبون لي وجه سنع
مع ان امي نصحتني ما اخذ تقول كبرتي والحين جسمش مو نفس اول
يعني بيجلس على نفس الشكل ذا ماراح ترجعين ضعيفه قلت طيب هذا المطلوب لا تكلموني
واخذت واخذت الين جيت امي في يوم مقدر امشي رجولي كني فيل
محتبس المآء فيهآ وانا مدري اصلا اقولها يمآ شوفي رجولي صآرو بطآت :eh_s(9):
الين امي بغت تنجلط طلعت عيونهآ تقول وش ذا قلت ابد مدري ودتني للمستشفى
الين يقولهآ من الحبوب الصينيه حآبسه كل المآء ولو ماجيتو اليوم قولي لَ كلية بنتك مع السلامه
وعطآني حبوب " مدر لَ البول " وانتو بَ كرامه عشآن يطلع المآء الي بجسمي
ومن عقبهآ حلفت علي امي مايطبون البيت لو وش مآ كآن
وللامانه كليتي لَ زالت متضرره فيهآ التهآب حآد .. والحمدلله على كل حآل
وطبعآ ما يخفيكم اني تركتهم ورجعت زي مآ كنت ولكن صآدفتني مشكله ان اختفى كل شي
الا معدتي وكرشي صحيح مو كبار حيل بس ابد مآ اختفو
ومآ اهتميت للموضوع ،
مرت الايام وانا اعاني من معدتي وانا من سنين واكلي بسيط وانا احسبه وراثه
ومقدر اكل اكثر من ملعقتين ثلاث باليوم يمرون علي ايام عادي ما اكل بس عشآن
لآ استفرغ لآن معدتي " صغيره " امي تقولي كذآ
الين جآ يوم جآت لَ مرت اخوي جرثومه والبنت ماشاء الله وزنهآ فوق 100 مليآنه
وتعاني زي معآنآتي بالضبط الاستفراغ وماتقدر تاكل وجآ وزنهآ حول 50
استغربت قلت لامي بروح افحص يمكن فيني جرثومه عشآن كذآ عمري ما سمنت
رحت فحصت طلع بالاساس معدتي فيهآ قرح + ارتخاء راس المعده
والاعظم فيني جرثومه نسبتهآ 74 + موجوده فيني من 2005
وانا مدري اصلا الا من سالفه مرت اخوي
المهم عالجت اول هالسنه الين قبل رمضآن ولله الحمد راحت الجرثومه لكن القرح لآبد منهآ
بس ارحم من قبل بواجد اكثر وكذآ
قلت خلاص اجل هذا الحل بمآ ان كآن فيني جرثومه وراحت الحين اقدر اسمن طبيعي
رحت للتغذيه وخذيت موعد فَ الفروانيه
طبعآ مواعيدهم تجيب الهم كل شهرين مرآ
ومن اول شهر معطتني حليب انشور الي بالفانيلا
طيب انا اشكي لهآ اني بالاساس مالي نفس للاكل وتعطيني شي يسد نفسي
لكن الحليب ذا مجرد اشربه كني ماكله يوم كآمل واستغربت
شهرين ماتغير شي وانقهرت قلت تنصب علي هذي
المهم شققت اوراق التغديه وسحبت عليهم قلت بجرب لحالي
دخلت فرفرت هنآ لقيت وحده تتكلم عن حبوب السبرو فيتآ ، قلت اول جربتهم بس مانفعو
يمكن عشآن معدتي الحين اكيد ينفعون والله واشتري لي 3 علب حق شهر وحبوب خميره
هالحكي قبل رمضآن يمكن بأ سبوعين
قلت هالعيد ما اعيد الا وانا احس بفرق واخلي العالم تحس بفرق
والله وامشي على روتين ثلاث حباب سبروفيتآ باليوم وحبه خميره
وشريت للامانه عسل ام سلمان قلت زياده خل اجرب اذا بيطلع لي خدود
ووالله طلع مو يعني انفجر وجهي خدود بس في فرق ووبشرتي صارت طريه
لان على قولة امي العسل بَ حد ذاته مفيد ،
ووالله كآن قبل ابلش هالروتين وزني 39 كيلو
صرت 55 كيلو
صرت شخص ثآني للامانه ، بس مشكله ان الكرشه والمعده القديمات صارو واضحين مع
سمنتي الجديده مو لآن الحبوب طلعتهم بس لانهم صارو على حجم الجسم الجديد
وهذا الشي الوحيد الي يقهر
فَ بعد ماوصلت هالوزن قلت بس خلاص ببلش اكل مثل الناس وبلا الحبوب
وصرت اكل ووزني ثابت بس وجهي فش شوي لان اظن سمن على العسل
لكن الي صار ان الحين مر 3 اشهر تقريبا ما اخذت حبوب ولا شي
وصرت انزل باليوم نص كيلو على نص كيلو
وخايفه ارجع مثل اول =(
،
من كل هالموضوع الي ابيه منكم
1- نصآيح للسمنه وشلون احافظ على وزني الي ابيه ماينزل
2- شلون اوخر المعده والكرش < مع العلم ان الاغلب يقول انهآ ماي مو شحوم
وشكرآ واسفه على الاطآله بس طلعت الي بَ كبدي :eh_s(16)::eh_s(7):
