إبرة الدورة؟ ابي رايكم يالمتزوجات

[ابتسامة نثيه]

السلام عليكم
شلونكم شخباركم..
بنت خالتي املج عليها وكل ماتجيها الدورة تتألم بشكل موطبيعي واتصيح من ارحامها ويجيها عوار موطبيعي قوي قوي
فالشهر هذا والشهر الي طاف استخدمت ابرة اولفين مالت الدورة الي تخفف واتسكن الالام ....
وخالاتي وامها يقولون موزين لاتتعوديــــــن عليها واهي موهامها رايهم......
ابي نصيحتكم هل هالابرة هذي زينة او مو زينة تسبب العقم بليز ردووو وجاوبوني بسرعة لاني حدي خايفة عليها :jumpon:

 

[الأميرة جوري]

بعد الزواج تخف وتخف اكثرررررررررر بعد الولاده .......الله يعينها الامها عذذاااب انا كنت جذيه ما اختفت الا بعد الولاده ,,,,,,,بس ليش ابر ليش مو حبوب مسكنه افضللللللل.....ززبس ترا عادي اختى تاخذهم كاهى مافيها الا العافيه يابت عيال

 

[احلى سماء]

شوفي

المفروض تهتم بنفسها بوقت الدوره
وما تمشي حافيه كلها تلبس دلاغ وسروال طويل

وتشرب اعشاب

دارسين مع الزنجبيل

او تشرب البابونج يهدي عوار الدوره
او الكمون
هالاعشاب تجي شكلها مثل كرتون الشاي
بس مكتوب عليهم
زنجبيل - قرفه - بابونج - كمون
وهم تخلط التمره منزوعة النوى مع شوية سمن حيوان او نباتي مع ملقعه صغيره رشاد(تلقاه عند العطار) مع شوية حبة سمره وحبة حلوه وذرة كمون طبعا كل هالاشياء تكون مطحونه
وتسوي هالخلطه وتاكلها وقت الدوره

وممنوع منع باااااااااااااااات

تشرب الاشياء الحامظه والعصاير والمعكرونه لانها ترخي الرحم والفاصوليا والطماط والروب واللبن ممنوع

وطبعا ما تجوع روحها نهائي

واذا حست بالم تقدر تسخن كوب من الحليب وتحط معاه مسارين (قرنفل) مع عود دارسين مع رشة فلفل اسود

حيل هالحليب ينظف الرحم

وما تجوع روحها ابد ولا تشرب الماي الا بعد الاكل مو زين على خلوه

وتغصب نفسها على الاكل ريوقها مثلا بيض وترش عليه شوية ملح وفلفل اسود سواء بيض قلي والا مفيوح بماي

وتشرب شوربه وترش عليها فلفل اسود هم حلو مع الشوره وقت الدوره وما تكثر الفلفل يعني شويه رشة بس طعم

وقبل النوم كوب حليب ساخن مع ملعقه صغيره زنجبيل مطحون

وصدقيني اذا سوت هالاشياء ماراح تحتاج طبيب وابره

ولا تتحرك واجد وقت الدوره لازم ترتاح ترى المشي يخلي الوحده تتعب بالدوره

وهالاعشاب والتمر مع التدفيه وعدم الجوع والراحه
ماراح تحس بعوار دوره قوي

وهالاشياء لازم تتعود عليها لانها تنظف الرحم وما يجمد الدم الفاسد بالرحم ويسوي سدد والام قويه

 

[بشور]

اختي كانت مثلها تموت من العوار وكانت تاخذها كل شهر. صج عقب ماتزوجت مااحملت الا عقب سنه بس مااظن من الابره لانه اهل ريلها كلهم جذي يطولون على مايحملون

 

[ابعد واستريح]

والله انا اخذها قبل الزواج وعقبه لانيي امووووووووووووووووووووووووووووووووووت ان ما خذيتها بس طحت ع حبوب مفعولها نفس مفعول الابر بس اامن اكثر من الابر اسمها كوتو فلام اخذ حبه واذا تالمت حبتين نص ساعه ولا انتي مثل الحصان وسلامات

 

[صديقتك ياليل]

رد : إبرة الدورة؟ ابي رايكم يالمتزوجات

انا 5 سنوات وانا مستمره عليه ولا سببت لي عقم من اول زواجي حملت ,,,, الله لايعيد ايااام هالزوااج

 

[يرخصلك كل غالي]

انا كل ماتجيني اخذها :'( وربي عذاب

 

[قطوة@@]

رد : إبرة الدورة؟ ابي رايكم يالمتزوجات

عادي مت اخوي كانت تستخدمها قبل و بعد الزواج و بعد 3 اشهر حملت .. عاادي ماصار فيها عقم

و من وحده لوحده تختلف

 

[بنت احلام]

اببببب بنات بلييز فيدونا