إبرة الإنسولين لمريض السكر

[نسكافيه بالحليب]

السلام عليكم


بغيت منكم مساعدة

الوالدة الله يخليها ويحفظها فيها سكري وتاخذ إبرة الإنسولين مرتين باليوم وتعبت حبيبة قلبي وتلعوزعت من الروحه والرده للمستوصف

فقلت ليش مااتعلم شلون طريقة الإبرة عشان انا بنفسي أعطيها واقزها بدال الروحه والرده

المشكلة مااعرف شلون ولا اعرف الطريقة وأخاف اجرحها

فهل في مكان معين يعلمني طريقة الإبرة شلون ؟؟

 

[قطــرات مطــر]

قبل كل شي علبة الأنسولين حركيها بكفوفج حيل شوي

مو ترجينها لالا

أتمنى فهمتي علي


أهم شي تتأكدين جم الجرعه الي تاخذها

وتتأكدين الغطاء مال الأنسولين مسكر عدل ومو مبطل

وهذا أهم شي عشان مو زين لادشه هوا

قبل ماتسحبين المحلول مسحي الغطاء بمسحه طبيه للتعقيم

وتسحبين هوا للابره قبل ماتدخلينها للمحلول على حسب جم جرعتها

وتدخلينها للعلبه مالت المحلول وتفرغين الهوا كله بالعلبه وزاويه قائمه

تمسكين العلبه والابره داخل وتحطين العلبه بين اصابعج وتسحبين المحلول

واذا سحبتي المحلول ديري بالج من شغله اذا في فقاعات داخل الابره

رديها للعلبه وردي اسحبي المحلول مره ثانيه ليما تتأكدين ماكو هوا الي اهي

الفقاعات ومكانها فوق السره بالبطن

مسحي المكان الي بتغزينه وشدي الجلد شويه وتكون وضعيه لابره جنها قلم

زاويه قائمه مو مايله كلش أهم شي

وضغطي على الابره وثواني وداش المحلول ويكون عندج قطن وفي مطهر اي مطهر

وحطي على مكان الابره وسحبيها وماتستخدمين الابره مره ثانيه

مره وحده وبس


ماتشوف شر الوالده والله لايحرمج منها :eh_s(7):

انا جذي مع أمي ساعات وساعات أختي على حسب الظروف

واذا للحين تحسين روحج مخترعه وهايبه روحي اي مستوصف والا مستشفى

ودوريلج على سيستر حبوبه جي وتعلمج يعطونها جدامج روحي جم مره

وبتعرفين وتحسين ان سهل لان اهم شي ماتبينين لامج انج خايفه جذي بتحاتي

امي بالبدايه جي وزفتنا حيل


بدورلج صور توضح شرحي ويارب الاقي

 

[قطــرات مطــر]

لقيت ياليوتيوب أوضح شي

ماحبيت الصور الي طلعولي

http://www.youtube.com/watch?v=m3APDM7oHDw


http://www.youtube.com/watch?v=EYVSNwT_yn4&feature=related

 

[نسكافيه بالحليب]

تسلمين قطرات ماقصرتي يالغالية

وجزاج الله خيييير

والله يخليلج الوالده ياااااااارب

 

[قطــرات مطــر]

:eh_s(7)::eh_s(7)::eh_s(7):

 

[om mishaal]

ألف سلامة للوالدة
نصيحتي انه تروحين معاها المستوصف لما تاخذ الابره
وطلبي من السستر نفسها تدربج عليها وشوفيها شلون تعطيها الابره
هذا أضمن شي واحسن طريقة
وبالعافية

 

[نسكافيه بالحليب]

ام مشعل

ماقصرتي ياقلبي

وجزاج الله خيييير

 

[ام الدرر]

المستوصف يعلمونج حبوبة
انا تعلمت للوالدة الله يرحمها منهم
كنت يوميا اروح ويعلموني وعقب يخلونج جم يوم انتي تغزينها جدامهم لما تتمكنين
وفي مستوصفات عندهم خدمة البيوت يروحون لكبار السن
عسى الله يخلي الوالدة ويشافيها ​

 

[نسكافيه بالحليب]

أم الدرر

ما قصرتي يا قلبي عالمساعدة

وبارك الله فيج