إإإإذلـــــــــــــف زززززين..

[caramil]

السلام عليكم ورحمة الله وبركآآتـــه..

يمه والله احبكم..:eh_s(22):

آخر موضوعين نزلتهم رغم براءتهم إلا ان واجهني هجوم :23_asmilies-com:
شوااازن..و شحاطااات قامت تتطاير.. وصعارير..

علشان جذي قلت خل ارد حق مووود مواضيعي القديمه..
ابي اريح اعصااابي شووي...

للي ماتابعت موضوعي " سووي فورمات حق حياتج "..

هذا راابط الموضوع..دشوا تطمشوا شوفووه يمكن ايييوز لكم..:
http://www.q8yat.com/t832774.html

مع ان سبحان الله بهذا الموضوع اللي حبيت اريح فيه اعصابكم
ماخذا حقه من المشاركات..وينكم يللي صوتكم يلعلع..
ولا بس فالحين حق الهواش ..لأنكم ماتتواجدون الا بمواضيع " طقني واطقك"

عموماً استهدوا بالله..
وصلوا على النبي..
" اللهم صلي وسلم عليه"..



اما موضووعي هذاا.. خطر على بالي وانا اشوف المشكلات الاجتماعيه ..
بعنوانيهاا اللي تسد الخاطر .." وقلت خل اقط عليكم معلومه كلكم تعرفونا لكن
للأسف ماتطبقونها "

" انا متضايقه"
" انا انتهيت"
" انا انظلمت"
" حوبتي ماتعدت فلانه"
" اللهم لا شماته"

حسيت بغيمه سووووده..
ماتحسووون بشي يكبت على صدووركم !
ليش صرنا ذيابه !..ليش كبيرنا قام ياكل بصغيرنا...
ليش نسيء الظن بالناس ..
ليش نزكي انفسنا و نعيش في رياء
ليش نسخر من الناس
ليش مانتمنى الخير للناس
ليش عيوونه ضيجه مايمليها الا تراب القبر
ليش مانتحمد ربنا على الصحه والعافيه


ريحوا اعصابكم وسألوا نفسكم هالاسئله ..:

شنو مفهوم الدنيا بالنسبه لج ؟
جم مره بتعيشيين؟
منو / شنو يستاهلون تحرقين ثانيه من عمرج ..علشانه !
شنو تبين الناس يقولون عنج عقب وفاتج ؟

( كلكم جاوبوا صج ترا مو لعب :eh_s(14) سألوا نفسكم .. جاوبي بينج وبين نفسج

يلا يييبوا ورقه وقلم و جابوااا واحتفظي بالورقه وكملي قراية موضوعي

كلنا ندري الدنيا متاع..و فانيه ..وان احنا بنعيش مره وحده بس :eh_s(22):
وبنروح وعقبج الناس ياتقول :
" الله يرحمها ماسوت خير..ارتاحت وريحت"

او تقول:
" الله يرحمها كااانت انسانه بمعنى الكلمه..ماقط شفت مثلها..بذوقها وقلبها الوسيع و بالها الطويل
وخوفها من الله و حبها للناس.."


شنو امضايقج ؟
- اهلج
-دراستج
-زوجج
-عيالج
-حماتج
-خالتج
-تأخر نصيبج
- تأخر الذريه
-مظلومه ؟
-مريضه

جاوبي..بينج وبين نفسج ..شللي مضايقج وامكدر خاطرج ..!

تعلمي" فن التكيّف"..

ما انقبلتي بكلية احلامج.."ياحلوووو كليتي اليديده شحليلها وشحلااااتها..كافي اني لي دخلتها احس برااحه "
ما تزوجتي الزوج اللي تتمنينه..."شحليله ريلي..صج اغبر بس شحليله احسن من غيره...كافي شوفته بالبيت كافي كشته لي قعد الصبح..كافي ويهه السمح لي طل علي"

عيالج امضايقنج برسوبهم..."الحمدلله يت على السقوط..الحمدلله انهم بصحه و عافيه ..لك الحمد يارب..ياحلو لجتهم و لسانهم الطويل..حتى لي ادبلوا جبدي..بس يختفون عني شوي اشتاق حق لجتهم "


اهلج امضايقنج..".الحمدلله على كل حال ..يازينهم وياحلاتهم بملاقتهم و ثقل طينتج مالي غناة عنهم"

حماتج ... "صج تسد الخاطر وشوفتها اتييب اليهد بس الحمدلله كافي انها كافه شرها عني.. زين منها ذاك اليوم ضفت عيالي مع عيالها..والله فيها الخير يوم انها انصحتني اسوي الشغله الفلانيه"


دوري الشي الايجابي..وكبيريه بعينج بــ مكبر ..
شنو الشي الزين بأهلج...طالعييييه بالعين الوسيعه ..وصغري عيوبهم وعذاريبهم بعينج..

قطي الهم وراج ترا الهم ماينطرج !!
بــ معنى...

متهاوشه مع ريلج ..ودخلتي حصتج الصبح بتشرحين للبنات..لا تطلعين الحره فيهم مالهم ذنب والله بيحاسبج .....قطي الهم عند باب الصف

: السلام عليكم بناات..يمه اسمالله عليكم ينشرح قلبي من ادخل عليكم..اتيننون .. هاا عسى دارسين او عسى استانستوا بالويك اند...يمه والله شحلاتكم احسدني عليكم تبارك الرحمن.."

ترا صج لا تخافين ماراح يقولون عنج مينونه :krkrkr:جربيهاا والله والله تكسبينهم..
عودي لسانج على الحجي السنع ..بتشوفين هالشي ينعكس على نفسيتج وحياتج وتعامل الناس معاج..

ردي طلعي من الكلاس..!! الهم ماينطرج !! ماراح يرجع مزاجج يتعكر لأنج طردتي الشر..

طردي الشر...
طردي الهم

قوليله إإإإذلف.. ناس مو كفو ناس اظلموج قولي الحمدلله انهم اظلموني وييه اسليمه تصكهم
خموووا ذنوبي و مشوا..
قوليلهم بالحرف الواحد " والله ماقصرتوا الله يهنيكم بذنوبي.."

ضححكي..
ضحكي
شنو يكدر ؟؟؟
ماكو شي يكدر
الحياة جذي

الحيااااااة هاذي :
لقاء - فراق
ولاده - موت
ابتلاء ..مرض .. وحده ..

كل الناس عندهم ناس غاليه راحوا..
كل الناس استمرضوا وتشافوا
كل الناس اتعبوا و ارتاحوا

مو بس انتي..
وكل مشكله لها حل

قطيييييها

خليييها على الله ..
يحلها ..يحلها..ااذا مو اليوم ..باجر..

" والله اليوم جني باخذ عيالي من المدرسه بخيستهم بودييييهم مطعم..خاطري انا وبو العيال..
نتغدا بره.."

تالي ردي شوفي النشاط و النفسيه الحلوه اللي بتطلع ..حتى بدراستهم راح تجددين نشاطهم حق الدراسه..


وحياتج إبتسامه كل يوم على الريج من صباح الله خير تخلي يومج كله وناسه بـ وناسه
طلعي شمي هوا روحي و ردي..

ترا الدنيا بتروح ..وكلنا بنروح.. ماراح يبقى ورانا الا الذكر الزين..و اعمالنا الصالحه

صيري easygoing " سهله ..بسيطه .. مثل البلسم...عسل.. ذهب.."
لا تعقدين الامور وتصيرين " حجر..ثقيله طينه.. يااكرهج..ياملقج..ياااا شينج.. تييبيين اليهد..تيييبيين الويعه...يعووووو يت البومه "




ملاحظه : الله شاهد الكلام مو موجه لأحد معين.. ترا هذا عباره عن درس نفسي..بس بالعاميه
وبطريقه مبسطه و سهله ..وتفيدكم بإذن الله..وتغير حياتج مع :
- اهلج
- عيالج
- زوجج
-زملائج بالعمل

اللهم اجمعنا وإياكم بالفردوس الأعلى قولوا آآمين يا بنيييّات..:eh_s(22):


تحياتي:
اختكم : مها الملا

 

[وردة-الكويت]

الحمدالله عن نفسي ماكو شي مضايقني ابد

لاني دايم اقول الحمدالله على كل حال

والشخص القنوع مرتاح

 

[caramil]

الحمدالله عن نفسي ماكو شي مضايقني ابد

لاني دايم اقول الحمدالله على كل حال

والشخص القنوع مرتاح

عسى دوم ان شاء الله حبيبتي و يبعدج عن ضيقة الخلق و الخاطر :eh_s(17):
شكراً على المشاركـه..

 

[غرق بالماي]

انا مضايقه من اشياء وايد شقول وشخلي بس الحمدالله ع كل حال



بس قولي ياهم عندي رب كبير لا تقولين ياربي عندي هم كبير

 

[احساس ملكه]

ليش مواضيعجج تعرضت لهجوم !!

 

[caramil]

انا مضايقه من اشياء وايد شقول وشخلي بس الحمدالله ع كل حال



بس قولي ياهم عندي رب كبير لا تقولين ياربي عندي هم كبير

الله يقربج من الفرج ... وياحلو الفرج..عقب الصبر..:eh_s(17):
له لذه و طعم خاص..مايحس فيه الا الصابرين..
" وبشر الصابرين..

الله يبعد عنج الضيقه اللهم آمين..:eh_s(17):

 

[malte]

والله موضوعج يا بوقته:rerrerek:
الله يفرج همج ويسعدج يارب
داشه المنتدى وانا ضايق خلقي:eh_s(2):
صاجه ماكو احد مرتاح بهاالدنيا
يزاج الله الف خير مهاكلامج وايد يريح

 

[caramil]

ليش مواضيعجج تعرضت لهجوم !!

بإختصار..لأننا في هذا المنتدى نخاطب عقليات مختلفه..
نفسيات مختلفه..
بيئات مختلفه..
نماذج غير متشابهه
فئات عمريه..

ولا تتوقعين ياحبيبتي انج تكتبين رايج بدون مايعارضج اي شخص
لأن لكل شخص وجهة نظره التي تبنى من خلال شخصيته وبيئته ونفسيته
وماتعرض له بحياته..

"والاختلاف في الرأي لا يفسد للود قضيــه.."
ويبقى النقاش والتحاور الراقي هدفنا...

اما غير جذي فإسمحولي اكيد ماراح اقبل اتحاور مع اناس
مستوى حديثهم " هجوم" ويعتبرون النقاش " معركه"
وسلاحهم " الصوت العالي..".." والطنازه / السخريه "
و " الانتقاص من قدر الناس..لإعلاء كلمتهم "


مشكوره على المشاركه..

 

[رورو 88]

لوووول صاجه ضحكتيني ما ايون الا عالهجوم والانتقادات الله يهديهم

موضوعج وايد حلو يعجبني اسلوبج

كلامج هذا انا عرفته توا قمت اشتري راحتي واضحك حتى باسوا الظروف

مممم يعني باختصار صرت بارده مو نفسي قبل شهر يعني

في حكم قريتيها اتايد كلامج ووايد اثرت فيني

لا تحزن على المفقود حتى لا تخسر الموجود

لا تسمح لاحد بان ياخذ الاولويه في حياتك عندما تكون خيارا

ثانويا في حياته

لا تحزن ان مررت بامور صعبه في حياتك افقدتك توازنك وعانيت منها الكثير

فقلم الرصاص يتعرض لبري مؤلم بين فتره واخرى ليكون قلما افضل

وكملي مالج شغل بالعذال انا معاج

 

[caramil]

والله موضوعج يا بوقته:rerrerek:
الله يفرج همج ويسعدج يارب
داشه المنتدى وانا ضايق خلقي:eh_s(2):
صاجه ماكو احد مرتاح بهاالدنيا
يزاج الله الف خير مهاكلامج وايد يريح

يابعد قلبي..ليش ضيقة الخلق ياحلوه..
انتي اتيننين شحلاتج ومحد يستاهل يكدر خاطرج
يلا عاااد :eh_s(14): فلييهاا..

يمه فديييييتها
انشالله الله يبعد عنج الضيقه ...:eh_s(17)::eh_s(17):

 

[caramil]

لوووول صاجه ضحكتيني ما ايون الا عالهجوم والانتقادات الله يهديهم

موضوعج وايد حلو يعجبني اسلوبج

كلامج هذا انا عرفته توا قمت اشتري راحتي واضحك حتى باسوا الظروف

مممم يعني باختصار صرت بارده مو نفسي قبل شهر يعني

في حكم قريتيها اتايد كلامج ووايد اثرت فيني

لا تحزن على المفقود حتى لا تخسر الموجود

لا تسمح لاحد بان ياخذ الاولويه في حياتك عندما تكون خيارا

ثانويا في حياته

لا تحزن ان مررت بامور صعبه في حياتك افقدتك توازنك وعانيت منها الكثير

فقلم الرصاص يتعرض لبري مؤلم بين فتره واخرى ليكون قلما افضل

وكملي مالج شغل بالعذال انا معاج

يختـــــــي....

إي هذا الحجي السنع
هذا الحجي الزززين..

شحلات الحكم شحليلهاااا كلكم طبقووها يابناات والله درر..

قولي آآميـــــن :



" عسى الله لا يغير عليج " :eh_s(17):

 

[المرتاحة]

ماشا الله عليج

والله انا مضايقه من جم شغله بس والله اذا شي ما اقدر احله اخليها على الله و اعيش حياتي بالطول و العرض حسافه يضيع العمر بالزعل و الهموم

مالت بس مالت على اللي في بالي ويا ويهه جليل الحيا << اشتغلت الدعاوي تذكرت المشكله هههه

اييييه ما علينا الله كريم و الله يشوف

 

[Tom ♥ Jerry]

.


اي و الله كلآمج صح !

(=

 

[caramil]

ماشا الله عليج

والله انا مضايقه من جم شغله بس والله اذا شي ما اقدر احله اخليها على الله و اعيش حياتي بالطول و العرض حسافه يضيع العمر بالزعل و الهموم

مالت بس مالت على اللي في بالي ويا ويهه جليل الحيا << اشتغلت الدعاوي تذكرت المشكله هههه

اييييه ما علينا الله كريم و الله يشوف

لوووووووووووووووووووووووووووووووووووووووووول

الله يحفظج موتيييني ضحك..

إإي هذا السنع..

عسى الله لا يغير عليج...

والعمر فيه جم يوم ..حتى نعيشه بــ آآآآه ..! :eh_s(17)::eh_s(17):

 

[caramil]

.


اي و الله كلآمج صح !

(=

والله انتي الصـــ،ــــح ..:eh_s(17):

عاااد توم وجيري عآإد..

 

[أبلة فاتن]

مشكوورة

 

[caramil]

مشكوورة

حيآج يالغاليــه..:eh_s(17)::eh_s(17):

 

[صآعده تحت}..]

معاج حق

فلها وربك يحلهاا

 

[caramil]

معاج حق

فلها وربك يحلهاا

بالضبـ،،÷.,ـط >> احلى شي التقسيم اللي بالنص :$ ديكور شفيكم :eh_s(22):

مشكوره على المشاركـه..

 

[ام متلق]

ماشاء الله عليج بميزان حسناتج كلامج حلو واسلوبج احلى
عاد كنت مضايقه جني استانست شوي
مشكووووووره