أي كريم أساس يناسب البشرة السمرة ساعدوني ياخبيرات

[بنت-السلطان]

بنات تكفون ساعدوني
لون بشرتي شرات لون هند البلوشي يعني سميرة
اشتريت كريمات اساس وايد اجربها ع المحل ع ايدي اوكي من ارد البيت واجربه ع ويهي يصير لوني رصاصي وع وع وع
نسيت اقولكم انه بشرتي دهنية
بليز تكفون اي كريم اساس يناسب لوني واي درجه لاني زيرو ع الشمال ف الميك اب

 

[e.ngland]

اكيد ماك

 

[red flower]

استي لودر وعندج بعد شيسيدوو

 

[قاهره عذالي]

اتوقع لون وجهج مو واحد

اختاري الكريمات اللي لونها طبيعي مايل للبرتقالي او البيج

واختاري كونسيلر صح يناسب بشرتج

 

[بنت-السلطان]

وينكم بس ردين !!!

 

[<miss botamba>]

روحي بوبي براون عجييييييييييييييييييييييييييب واخذي الكومباكت واهوا اويل فري وفي درجات وايد

واذا انتي نفس هند هند مو حيل غامجه اتوقع رقم 5.5 او 6 بكون زين

هذا لونه حلو على برونز


نفس الصوره اهوا بين الكراميل والتوفي

واذا ويهج مافيه عيوب مع الفاونديشن بصير بيرفكت


انا استعمله ويهي نوعا ما صافي الحمدالله وما احط شي ثاني


واذا فيج عيوب عقب الفاونديشن تغطين بس الحبوب بالكونسيلر



واذا في سواد تحت العين تحطين عليه كونسيلر بني غامج او برتقالي وعقب الكونسيلر العادي


وبس بلاشر واضاءه اذا تحبين وبرونز على جوانب الوي واطراف الحنج وعالخد قليل

 

[حكآية قلب]

انا انصحج بكريم ديورررررر قمةةةةةة

و كأنج مو حاطة شي و انا فيني مسام بويهي كلش مايبينه يجنننن




انا الحمدالله مكياجي روعه و طبعا لازم تتعلمين لان اذا خليتي المكياج فترة تنسينه


لان كلنا ماكنا نعرف مكياج تعلمنا

 

[عرموشة]

بوبي بروان روعه

 

[عاشقة الدوحة]

ان شاءالله يفيدونج البنات
لكن اذا تحبين تروحين عند دكتورة علشان تعطيج شي يخفف من افراز الدهون يكون افضل ، لكن لازم تجربين في المحل على ويهج والافضل تخلينه على ويهج فترة ساعة او ساعتين عقب تقررين اذا ترجعين ترشترينه او لا..

موفقة

 

[اليسا بنت صنهات]

انصحك تاخذين عينه من المنتج وجربيها بالبيت واخذي الدرجات البيج والاغمق منها وجربي كذا درجه اما الماركات اشوف المدح ع ماك او بوبي براون

 

[جوانا2011]

كريولان درجة التان يهبل وتغطيته حلوه

 

[oorccia]

ماكس فاكتور ابو خط بنفسجي للبشبرة الدهنية والحساسة

بس ما ادري اي درجة عندهم درجة golden تجي على ذهبي اتوقع مناسبة للبشرة السمرا ء


وبما ان بشرتك دهنية ابعدي عن البلشرات اللي فيها لمعه لأن هي راح تلمع بدون غير كذا اللمعه راح تبين عيوب البشرة

واستخدمي اساس مكتوب عليه matt او free oil او mineral

لان هاذي الاشياء خاصة للبشرة الدهنية


ولاتحطين بودرة بعد كريم الاساس لانه راح تتكتل الا كان شي خفيف جدا" للتثبيت الميك اب

والله يوفقك


وابتعدي عن الاساس الثقيل لانه راح يعدم بشرتك <<نصيحة لوجه الله

 

[do0ora]

ماكس فاكتور ماينفع للسمر يقلب رمادي
جربي لوريال

 

[1001]

اول شئ
لاتجربين على ايدج لان لو الايد والملمس مو نفس الوجه
جربي على جزء صغير على وجهج مثل اسفل الذقن صوب الرقبه
او على الرقبه

علشان مايطلع لون بشرتج اسود او رصاصي حطي بيس
في انواع
افضل نوع من ايف سان لوران
البرتقالي للسمر ينور الوجه
او البنفسجي يعطي على بياض
سعره في وجوه تقريبا21 د.ك

وفي بيس من برجواز يعطي البشره شكل مخملي ويسهل توزيع الاساس سعره تقريبا 6د.ك
كريم الاساس برجواز هيلث روعه في منه ثلاث درجات غامقين والتغطيه روعه سعره في سنتر بوينت تقريبا 7د.ك

او كريم اساس بوبي راون في غامق

 

[كويت الاناقه]

ان شاءالله يفيدونج البنات


مايقصرون ان شالله