أي شهر اعطي بنتي حلمة الرضاعة اللي فتحتها x

[حب1985]

السلام عليكم شخباركم يا امهات
حبيت اسأل متى اعطي البيبي حلمة الرضاعة اللي شكلها x اللي فتحتها شوي واسعة
واذا عطيتها بنتي بالشهر الرابع او نص الثالث تشرق ولا عادي
ويصير اعطيها منها ماي او اعشاب ولا راح ينزل متدفق بسرعة ؟؟؟
ادري اذيتكم بالاسئله بس ياريت تجاوبوني لاني ماعرف شي عن هالموضوع

 

[-فلانة-]

والله حبيبتي ما أدري أي حلمة تقصدين..
انا أستخدم الحلمة العادية بس أوسعها شوي..أشقها من الأطراف بالسجينة أو المقص شوي نتفة مو وايد..
وهالحجي من يت للدنيا اسم الله عليها..
إنتي وسعي الحلمة العادية و شوفي تمشي مع بنتج أو لأ..
الله يحفظها لج و يبلغج فيها يارب.
​

 

[-فلانة-]

إي و نسيت أقول شغلة حبيبتي..
انا مسوية فتحات مختلفة..
لأني حاليا أخلطلها سيريلاك مع الحليب فالرضعة تصير ثقيلة..
أما حق الماي و الرضعات الخفيفة الفتحة تكون أصغر حبيبتي.​

 

[نـعـومـه]

قصدج اكس لارج ؟!؟

اذا هذا قصدج حيل حيل كبيره

عطيها ميديوم حدها بس

 

[KOKO_284I]

حبوبه خلي ميديوم ليش تبين كبير شوي شوي تشرب احسن لها

 

[حب1985]

انا علشان بحط لها فارليز مع الحليب فما ينزل عدل مع الفتحة الضيجه

 

[-فلانة-]

انا علشان بحط لها فارليز مع الحليب فما ينزل عدل مع الفتحة الضيجه

سوي نفس ما قلتلج حبيبتي و سعي الحلمة شوي شقيها من الأطراف ينزل معاج الحليب تمام..:eh_s(15):
الله يخليلج بنيتج و يبلغج فيها إن شاء الله..
​

 

[•Brown•Sugar•]

اهي تقصد الفتحه اللي شكلها x
مو مقاس الفتحه :/

انا استخدمتها حق بنتي من اول مايبتها حق الحليب
والماي استخدملها النقطه

بس بنات مايعرفون شلون يستخدمون الاشكال هذي
- الاكس يطلع الحليب بس مع المص ولاحظي اذا قلبتي المميه ماينزل شي منها
- النقطه تصب الحليب صب بدون لايبذل الياهل مجهود بالمص ويبين حتى اذا قلبتيها تشوفين حليب ينزل
(يعني تنفع حق اللي ولدها يشرب شوي ويوقف حلجه او اللي ينام واهو يرضع )

 

[•Brown•Sugar•]

ف انتي اذا ناويه تحطين لها فارليز او سيريلاك مع الحليب
يفضل تستخدمين النقطه الكبيره فيه سمول وميديم ولارج
جربي معاها اول شي الميديم اذا شفتيها تتعب ومايطلع عدل حطي اللارج

 

[حب1985]

مشكوين بنات يعطيكم العافية