أي سـؤال بخصـوص كليتـي العـزيـرة علـوم اجتمـاعيـة حيـاكم الله آنـا زاهبـة ;)

[اخت خالتهم]

السـلام عليـكم ورحمـة الله وبركـاته

شلـونكم بنـات

آنـا كنت بمكـانكم قبل سنتيـن

و تخـرجـت و الحمـدلله و دخلـت بكليـة مـا كنـت أعـرف عنهـا شـي إلا قبـل التسجيـل
بإسبـوع ..
و حبيتهـا لأن لقيـت فيهـا التخصصـات اللـي أحبهـا
و كـان عبـالي إن هالتخصصـات بس بالتربيـة .. و آنـا ما كنت حـابـة التربيـة
والحمـدلله مرتـاحـه بالكليـة

كليتـي

كليـة العلـوم الإجتمـاعيـة :rerrerek:

أي سـؤال آنـا حـاضـر

و أي سـؤال عن دراسـه المناهـج بـ12 آنـا حـاضرة

ادعـولي الله يوفقنـي بإمتحـاناتي

 

[بـآربيـآ]

هلا ؤاللـُـہ اول سؤال جم كانت نسبتج يوم تدشينها وانتي ادبي ولا علمي وشنو مجالات العمل والتخصصات اللي تقدر ادشها عقب الكليه وبكم وزاره وشكرن

 

[اخت خالتهم]

هلا حبيبتي كـانت نسبتي 87.6
و انـا ادبـي ..
التخصصات علوم سياسيـة
ممكن العدل و وزارة الخارجية و مجلس الامه والديوان الاميري و السلك الدبلوماسي
تخصص علم نفس
عبارة عن استشارية نفسية او اخصائية نفسية
ممكن بالشؤون و التربية و الصحة
تخصص علم اجتماع .. تخصصي
ممكن بالنفط و السلك الدبلوماسي و التربية و الشؤون و الصحة
خدمة اجتماعية
اخصائية اجتماعية .. استشارية اجتماعية
جغرافيـا
تخصص شبه قوي يقبلة التربية والاعلام و الخارجية والنفط

حيـاج الله حبيبتي

 

[ضــمــاد]

هلا والله


زيـــــــن في وحده بتعبرنا وترد عليها



شالفرق بين تخصص علم النفس وعلم الاجتماع ؟

 

[اخت خالتهم]

حبيبتـي علم نفس
عبـارة عن اخصائيـة نفسيـه يعنـي تتعامـل مع الاشخـاص دراسه تهتم بنفسيـة الشخص و تطورهـ
و فيها 3 ميـداني أو 2 ..

أمـا تخصصي حبيبي .. علم اجتمـاع
عبـارة عن دراسـة الشعـوب يعنـي تتعـامل مع مجتمـع و شلـون تطـور و شنـو الافكـار عند الغرب و عندنـا
وشنو سبب تطـورهم
و مافيـه ميـداني

و أي سـؤال ثـاني آنـا حـاضر

 

[Ba6oo6a-Q8]

السلام عليكم ..

تخصص خدمة اجتماعية دراستهم باللغه العربيه ام باللغه الانجليزية ؟

و شكرا
فمان الله

 

[ضــمــاد]

بعد قلبي مشكوره عالرد


أنزين .. ممكن أصير مدرسه لو كان تخصصي علم نفس ومتخرجه من العلوم الاجتماعيه ؟



ولا لازم من من التربيه ؟

 

[اخت خالتهم]

السلام عليكم ..

تخصص خدمة اجتماعية دراستهم باللغه العربيه ام باللغه الانجليزية ؟

و شكرا
فمان الله

كليـة العلـوم الاجتمـاعية الدراسـة كلهـا لغـة عربيـه
بس في مادتين إلزاميتين انجليزي

 

[اخت خالتهم]

بعد قلبي مشكوره عالرد


أنزين .. ممكن أصير مدرسه لو كان تخصصي علم نفس ومتخرجه من العلوم الاجتماعيه ؟



ولا لازم من من التربيه ؟

لازم التربيـه لأن عليـه إقبـال وايـد حبيبتـي من الكليتيـن

 

[آلغرنوقهَ]

حبيبتي تخصصج كدراسه ممتع و مستانسه فيه ولا ملل وكله تعب ؟

 

[نــوره]

مرحبا اخت خالتهم شلونج ؟
بسالج اذا الوحده بتتخصص علم اجتماع واخذت المدخل > لاازم تاخذ مدخل انثربولوجيا والا اختياريه تصير ؟ لاني قريت بالميجورشيت انها الزاميه بس شاكه في الامر 
وشكرا ؛*

 

[اخت خالتهم]

حبيبتي تخصصج كدراسه ممتع و مستانسه فيه ولا ملل وكله تعب ؟

هـلا والله حبيبتـي آنـا كنت راح ادخـل الحقوق او الشريـعة و استغنيت عنهـم عشان هالتخصص
لان انا احب ادرس عن الشعوب و عن الناس و الافكـار .. بالنسبة لي ممتـع
لان صج قمت افهم تفكيـر الغرب و تفكير العرب
و النظريـات
لا بعد صارلي علماء مفضلين
حيـاج حبيبتي

مرحبا اخت خالتهم شلونج ؟
بسالج اذا الوحده بتتخصص علم اجتماع واخذت المدخل > لاازم تاخذ مدخل انثربولوجيا والا اختياريه تصير ؟ لاني قريت بالميجورشيت انها الزاميه بس شاكه في الامر 
وشكرا ؛*

اهـي تفتح مـواد بالتخـصص و حاطين عليها نجمة بالمجرشيت
وانا ما كنت ادري تخيلي خذيت بدالها اعلام و سياسـه
صارت الاعلام اوفر لود
و خذيتها الانثربولوجيا هالكورس
حلوه نصيحه عند مها السجاري تشوووق الدكتورة

 

[اميره العشاق]

حبيبتي ،، كم يقبلون النسبة للعلمي و الادبي ؟. و شنو التخصص اللي يقولون الناس عنا ( يصير تصيرين أبلة روضة ، و مدرسة اجتماعيات ، و أخصائية ) هذا يتبع للمجال الاجتماعي او النفسي ؟؟ و المدخول الشهري بحدود كم يعني الف او فوق او اقل من الألف ؟

 

[اخت خالتهم]

اميرة حبيبتي

الادبي والعلمي نفس الشي
اقل نسبـة للقبول 81

و التخصص اللي تتكلمين عنه علم اجتماع ممكن مدرسة و جغرافيا ممكن مدرسة و طبعا التدريس 1000 صار

اما الاخصائية صار 800 دينار

و علم نفس بحدود 770 و فوق
ماكو اقل من 770

و حياج الله

 

[Ba6oo6a-Q8]

up
up

 

[PO PO22]

يعطيج الف عافيه ع ردج ع البنات
انا ماعندي اساله لاني ان شاءالله ماراح ادش هالكليه 

 

[اخت خالتهم]

حيـاج الله حبيبتـي والله يكتب اللي فيـه الخيـر

 

[اميره العشاق]

حياتي ،، أهي صعبة او سهلة ؟ و مكانها بجامعة الكويت او بالشويخ مدري الشامية ،، انزين ابي التخصص اللي يصير اصير أبلة و بعد اصير أخصائية هذا اجتماع او نفس وصج ايقولون ان كلا حفظ حفظ ادري ههههه عورت رااسج بالأسئلة 

 

[اخت خالتهم]

حبيبتي مـاكو شي سهـل بالجـامعـة
و الفهـم اهم من الحفـظ
و تخصص اللي ممكن ابلة و ممكن اخصائية هذا علم اجتماع ..
و الجغرافيـا ممكن ابلـة

و ترى الدكاترة غيـر الابـلات يعنـي الوحده بكـل كليـة لازم تتعـب عشـان تاخذ الa
سواء سهله الكلية او صعبـه

انا تخصصي اشـوفة حلـو ويبيلـه تركيـز

الجامعة 4 سنين او اكثر بكورس ..
تستاهل التعب كافي اسمج جامعيـه

 

[اميره العشاق]

حياااتي مشكورة و ادري غثيتج بالأسئلة هع