أيهو قبل التبييض ولا الحشوات؟

[noody a&a]

السلام عليكم

شلونكم عساكم بخير

بس اللي مرو بالتجربة او يعرفون غيره رفعوا الموضوع

بليز ماابي فتاوي

كل وحده تعطي تخمين من بالها

واللي بتقول سألي الدكتور أحسن

لاإتعب نفسها وتكتبها

بسوي تبييض حق أسناني بس هم عندي لازم أسوي حشوات

فأيهو الأفضل قبل

التبييض ولا الحشوات؟

لأن أعتقد الحشوة مايتغير لونها

:eh_s(17):

 

[شموخ نثيه]

التبيض اول
لان الحشوة مايتغير لونها ويحطونها لج نفس لون اسنانج
صح نفس ماقلتي التبيض اول

واحسن تبيض بالقوالب بس يبيله فترة يعني مو بنفس اليوم
الليزر بنفس اليوم

 

[noody a&a]

شكرا شموخ

بس إنتي مجربة؟

بعد أبي تجارب بنات

 

[شموخ نثيه]

بصراحة لا مو مجربة لان انا مركبة زيركون وسويت تبيض حق الي تحت
اذا تبين احسن لج دقي سالي بالعيادة وانا بسال لج

 

[noody a&a]

شموخ نثيه

مشكورة حبيبتي

انا سألت الحكومي وسألت الخاص

الحكومي الدكتور توه خريج شكله خربوطه مايعرف شي قالي الحشوات قبل

الخاص ارتحت له خوش دكتور سالته قال التبييض قبل ونغيرلج الحشوات اذا تبين

فبغيت اد مجرب لأن الحكومة ماريحني والخاص مايندرى يمكن يبي المهم فلوس صج شغله تمام بس هم مايهمه ايهو قبل ويمكن يقولي التبييض علشان اضطر عندهم اغير الحشوات

محتاره علشان جذي سألت أبي احد مجرب

مشكوووووره تسلمين

 

[B.44]

أنا بعد ودي اعرف ..
اب

 

[خلود ..~]

up up

 

[MISS_LIZLIZ]

الافضل تخلصين شغل اسنانك و بعدين تبيضين

لاني اشتريت مبيض للاستخام المنزلي عبارة عن قوالب و كان مكتوب ضمن التحذيرات ان الاسنان اذا فيها مشاكل او تحتاج حشوات

اول شي تتعالج و بعدين ترتاح لمدة اسبوعين بعدين استخدم المبيض

الدكتور اللي في المستشفى الحكومي نصيحته مشاء الله في محلها
​

 

[جوري 88]

لا حبيبتي اول شي تخلصين كل شي من حشوات وغيره واخر شي التبيض