أيهما أحلى وأونس النمسا واللي حواليها ولا ديزني أمريكا( فلوريدا أو كاليفورنيا)؟؟؟؟؟؟؟

[فلونة احلى وردة]

أيهما أحلى وأونس النمسا واللي حواليها ولا ديزني أمريكا( فلوريدا أو كاليفورنيا)؟؟؟؟؟؟؟
شرايكم ودي على الثنتين
بس شنو الاحلى والاونس بينهم
على فكرة معاي أطفال بالروضة

 

[koosa]

حبيبتي انا رايحة الأثنين بس من جم سنه يعني

شوفي امريكا اذا تبين حق عيالج وااايد راح يستانسون لان ديزني هناك في اورلاندو شي عجيييب

اذا تبين الراحة النفسية و الطبيعة العجييييبة روحي زلامسي بالنمسا ماشالله جنة جنة

 

[سياسية]

امريكا عائلية جداً و حلوة و تونس..

النمسا واللي حواليها ..مافيها ترفيه بس الغالب عليها الطبيعة يعني شغل ريلاكس بس

 

[فلونة احلى وردة]

على جذي بختار الوناسة
لان اللي معاي ما يونسون ابد
يمكن يلهون عني شوي
واذا على الطبيعة فما عندنا رومانسية ولا سوالف بالمرة
فما تصلحلي
ان شاء الله ان تحسنت العلاقة بروحلها
ههههههههههههه

 

[بنت العناتره]

حبيبتي اكيد النمسا رغم اني ما رحت امريكا بس النمسا جو ولا بالخيال ...

 

[مســـــافره]

لااااااااااااااااا النمسا مللللللللللللل ملللللللللللللللللللل واااااي تغث صج كآآآآآآآآبه طبيعه وبس طيب وبعدين؟؟؟
رحلات شلال والا جبل والا نهر ملاااااااااااااااغه وبعدين بس قعدي بقهوه واكلي كيك وااااااااااااي



امريكا اااااااااااااااااااه يا حلووووووها ونااااااااااااااسه ديره مغامرات ورحلات اتينن وعجايب


بالنهايه اذا تبين الكآبه النمسا والوناسه امريكاااااااااااا

 

[مشمشة رمانة]

شوفي حبيبتي النمسا حلوة حق اثنين منحاشين من ضغط الدوام ولوية اليهال

لكن ماتصلح كلش لليهال لانة مافيها اي نشاطات او ملاهي حقهم فراح يملون ويمللونج

فانصحج بامريكا انا السنة ان شاء الله بروح امريكا عشان باخذ عيالي وياي

وايد قالولي امريكا حق اليهال

بس عن تجربة انا رحت النمسا مع عيالي لاعت جبدي منهم يبون يلعبون ويستانسون ومافي شي غير جبال وطبيعة حلوة

وعقبها بسنة رحت اسبوعين انا وزوجي بروحنا وايييد استانسنة فيها


والله يسعدج يارب ويصلح امورج

 

[واصله]

انا رايحة النمسا حلوة
بس ما اعتقد مثل امريكا
اذا تحبون الطبيعة النمسا واذا الفرفشة امريكا
والنمسا عجبني سوقهم

 

[طوق الياسمين]

امريكا بالراحه انا لافه اوروبا كلها مافي مقارنه بينها وبين امريكا وناسه وناس حبوبين وبلد رخيص وكل شي فيها حلو وعلى فكره ديزني هناك 7 حدايق انا رحت 5 وتعبت الصراحه لان ال2 الباقي كانو ووتر باركس...وغير ان عندج السي وورلد حديقتين بعد واليونيفرسال ستوديو

 

[فلونة احلى وردة]

مشكووووووووووووووووووورين خلاص
اذا الميزانية تسمح ان شاء الله امريكا
واذا لا بروح النمسا وباريس
بس شكلنا يتنا ظرووووووووووووووووووووووووووف زلازالية خربت الميزانية عدل
شكلي ماني رايحة هالسنة ات شاء الله الشنة الياية
الله كريم
ومشكووووووووووووووووووووووووووورين
على كل الردود والمعلومات

 

[أم أنور]

أكيد دزني لأنه النمسا مافيها شي غير الطبيعه والجو البارد

 

[أم أنور]

بس على فكره طريج أمريكا باااااااااااااااايخ حق اليهال

 

[فرنسا]

اذا النمسا وباريس فهي اغلى من امريكا......... حسبي حسبتج عدل لاتتكلين عالتخمين !!!!!
الحدايق الترفيهية للاطفال بفرنسا
دزني لاند 3 حدايق واعتقد حاليا افتحوا الرابعة
استريكس وايد استانسو اليهال فيها
اكوا بوليفارد حديقة مائية
ومدينة العلوم 4 مباني كبيرة (سيتي ساينس)من عمر 2 لهم العاب واماكن
وفي بالشانز الملاهي

النمسا :
بزلمسي صعدي الجبل للثلج
سالزبورج روحي البحيرة الملحية تحت الارض وبعد روحي لمكان فلم لحن الحياة
في انسبروك في ملاهي

هذا اللي اقدر افيدج فية بالنسبة للنمسا وباريس

 

[Simply_The_Best]

1000% أمريكــا ... الونـاســة و النـاس الطيبيـن المبتسميـن و الرخص سـواء بالفنـادق أو الحيـاة بشكـل عـام

مو النمسـا ... الغلقـة و الكآبـة و الوجوه المغلدمـة و النظرات العنصريـة و الغـلا على ولا شي !! الساعــة 7 كل شي مسكـر !! الكويت أونـس ... لا سـوق و لا مطاعـم بالليـل ... الله عطاهم الطبيعـة بس

 

[majeeeed]

مشكورهواااااااااااااااااايد

 

[ظلال القرآن]

ما رحت امريكا بس النمسا تهبل جنه الله في الارض وفعلا حلوه حق الكبار اكثر واعتقد ان احنا الكبار نستاهل نستانس يعني مو كل شي حق اليهال احنا نبي اجازه نستانس فيها ونريح مو طول السنه ندرسهم ونركض ورا واجباتهم وبحوثهم وبالصيف هم السفره لهم لاااااااااا جذي نظلم نفسنا
انا عيالي بالنمسا استانسو الزحلاقيات الجبليه الثلج قصر النوافير و اذا رجعنا من الرحلات ناجر قواري ويتمشون بالبحيره بالسفن الكهربائيه

 

[*caramel macchiato*]

امريكا اتسفط اوربا كلها.....انا رحت استراليا واوربا وناسة ...بس امريكا غيييييييييير لاتقوليلي...اتونس حدها وكل ماتروحيلها اتحبينها اكثر وتشتاقينلها ولا تملين منها ....long live america

 

[@ضحاوي@]

لفيت أوربااااا كلهااااا بس أمريكاااا غييييييير طيعيني بدون نقاش USA :dddds:​

 

[Pretty Amoola]

الحلو بأمريكا شعبها، صج والله، ذوق، إحترام الآخرين، خدومين و ودودين :ggdw:

وميزة فلوريدا أن فيها برامج ما تخلص ، يعني الواحد ممكن يقعد بأورلاندو شهر وما

يمل منها.

أما النمسا فما سافرتها من قبل لكن يمدحون طبيعة زلامسي ويقولون أنها هادية .

إن شاء الله بزورها هالصيف إذا الله عطانا عمر.​