أين تذهب هذا المساء !!

[منانا]

السلام عليكم ورحمة الله وبركاته

كل عام وانتو بخير وصحة وسلامة

وعساكم من عواده :eh_s(9):


قعدت احوس بالقسم ادور على اماكن ممكن نقضي فيها وقتنا بالعطلة القصيرة مالت العيد بس للاسف كله مطااعم

ضاق خلقي لاني مسويه ريجيم واخر شي افكر فيه اني ارووح مطم لان اكلي بالبيت :flower:


فقلت افتح هالمسااحه علشان كل يوم نكتب الاماكن الي نروحلها شنسوي

ويكون موضوع مستمر وفيه تفاصيل للطلعه

الافلام الي نشووفها مو نحجز فلم واخرتها يطلع بايخ فناخذ افكار من بعض

الاسواق ممثلا ممكن يكون فيها دواعيس تونس ما استكشفناها من قبل فنستمتع باكتشافها

كافيه مثلا مو معرووف بس قعدته واكله حلوين ما يتطوفوون :nbptr:


مثلا

امس طلعنا انا واختي رحنا مجمع 360 الي بجنوب السرة تمشينا شوي وعقب قعدنا بمطعم لورنزو انا طلبت شوكليت جيز كيك ( ماله شغل بالريجيم لووول ) وشاي مغربي لذيييييذ كله اطلبه عندهم


مثال ثاني :

مره طلعنا انا ورفيجتي وعيالها رحنا رحلة الى منطقة الاحمدي وتمشينا بالسيارة بشوارعها الحلوة وانا قعدت اصور ايام الزينة الي بالشوارع بمهرجان هلا فبراير وطبعا بما ان مافيه مطاعم هناك رحنا مكدونلند الي يمنا وكانت طلعه لطيفة


اتمنى فهمتو قصدي

نبي تفاصيل طلعة لان ساعات يكون الواحد متعود على روتين بطلعته بتصير ممله كل مره بس لما ناخذ افكار من بعض ونجرب اشياء غير تصير حلوة وتكسر الروتين

:s142:


ناطرين سوالفكم عن طلعااتكم :icon30:​

 

[منانا]

تذكرت مره من السنين وهم كان بالعيد


عقب صلاة العيد رجعنا البيت بدلنا ولبسنا لبس صباحي

ورحنا تريقنا بمطعم مركز سلطان البحر

وعقب ما طلعنا من المطعم فكرنا نبي نسوي شي يديد ما سوينا من قبل ولا فيه طراريد او يخووت صغيره صوب البحر رحنا سألنا ولا الشخص بدينار جنه نص ساعه او ساعه مو ذاكره


بس كاانت من احلى الطلعاات الي طلعنااها وكان الجو لطيف خصوصا الصبح مو حر وايد نفس الظهر والهوا يبرد علينا من كل صووب واغااني ووناسه


انصحكم تجربوون هالطلعه عائليه وونيسه جدا لا تطوفكم

 

[semaasem]

والله موضوعج وااااايد حلو وطلعاتكم حلوة

واكيد راح نستفيد منه فكرة حلوة يعطيج العافية

 

[برتقاله بلبقاله]

رد : أين تذهب هذا المساء !!

ووناااااااااااااسه وعليكم بالعافيه

 

[منانا]

حيااكم الله اسعدني مروركم


امس كانت طلعتنا لطيفه


رحنا مطعم ليالي الخيام واهو مطعم ايراني راقي ديكواته وايد تعجبني واكله حلو واسعارة مناسبة

موجود على البحر عقب اكوابارك يم شرمبي ومطعم دون ماريوز الاييطالي وهم حلو حق الي ما يعرفونه وعجبني فيه القعده الي برا قعدنا مره ايام ما كان اجو حلو



وانصحكم تروحون هالمكان لاكثر من سبب اول شي انه هادي وماعليه دووس وايد يمكن ما عرفوه ناس وايد مع ان امس عيد المفروض بس كلش ما كان فيه زحمه

والسبب الثاني ان في بالنص العاب لليهال لعبنا بنت اختي سمالله عليها وحلوين ويونسوون ومجاانا طبعا

والسبب الثالث ان المكان حلو حق التمشي ديكوراته وممراته فيه رذاذا يلطف و يبرد الجو وانا شخصيا احس جني مو بالكويت لان المكان وايد حلو


وعقب مرينا محل العاب بالسالميه شرينا لعبه حق تووتي فدييتها


شرايكم بالطلعه ؟؟


ياريت تسولفون عن طلعااتكم ناخذ افكاركم وتاخذوون افكارنا وكلنا نستانس ؛)

 

[gogosh]

رد : أين تذهب هذا المساء !!

امس طلعت انا وريلي وعيالي ورحنا السينما عالساعه 6 كان فلم كاتس اند دوقز (طبعا الفلم اي شي مايسوى)
وعقب ماخلص الفلم ودينا العيال العاب شرق وشروا اللي يبونه قواري وغيره
ولما خلصوا مرينا خذينالهم عشا وجبات ورديناهم البيت وكملنا انا وبو العيال ورحنا تعشينا في بي اف جينج بالافنيوز
وردينا البيت عالساعه 12ونص تقريبا وبس هذا امس
واليوم بالبيت ماطلعت كلللللش مالي خلق ماخذته استرخااااااااء قبل الدوام باجر.

 

[ريـمــاس]

بصراحه خووش موضوع يعطيج العافيه

قبل يومين طلعنا انا واختي رحنا المركز العلمي طبعا مع ولدها العنونو عمره 10 شهور الله يخليه يعني بنوديه يشوف السمج عشتواا
المهم عادتا كل مانروح المركز العلمي ندش حق السمج ولا السينما وعلى طووووول نطلع نركب السياره لكن هالمره كانت غير بصراحه الجو كان حلوه مضرب هوااا قلت لها توالناس شرايج نطلب شي من ستاربوكس ونقعد بره الجو حلو وفعلا قعدنا برااا وناسه كانت الاجواء جميله احس اني اول مره استانس جذي طبعا العموم ماخذ عياله معاه واليهال يدورون بقواري واسكوترات وناس اتمشى وناس اتسولف يعني القعده حلوه هناك كانت تغييير وانصحكم تروحون تقعدون بره حتى لو ماتبون اتدشون الاكواريوم كافي القعده بره وسلامتكم

 

[منانا]

حيااكم الله


طلعااتكم تونس والله وان شاء الجو بيتعدل هالاياام والطلعات الخارجيه تصير احلى واحلى


من الطلعات الي احبها بعد

سووق المباركيه

حلو كل فتره نطلع انا واهلي نروح سوق المباركيه وخصوصا سرداب الشايع نتمشى وناخذ خرابيط اي شي لان انا مو زوود مع المكيااج ما اشتري وايد فألقط سوالف

والحلو بالموضووع ان اغلب الاوقات نقعد بمطعم الفطاير الي فوق اسمه بوابة الشاميه الفطااير مالته روووعه

ومادري ليش لازم نطلع من المطعم ادش المطحنه اشتري ككاو الي جنه بنك لوووول واشتري شعر بنات ايرااني تعودت على جذي مادري ليش

ومره رحنا مطعم متواضع جدا يم سوق الخضرا والسمج جنه نسيت اسمه عنده مشوياات عجييبه


حلو تكسروون جو طلعاات المجمعاات والمطااعم بطلعة شعبية نفس ظلعة سووق المباركية يا ولد الحجية ​