..مفاهيم الغرور..
New member
^
^
^
خوش فاصل موو ؟؟ << :krkrkr:
قوة كويتيات شلونكم هذا اول موضوع لي بالهمنتدى بنكي الخاص انا قبل كنت متابعه بس بإسم أختي
و الحين سجلت و قلت اشارك بروحي
سويت نيويوورك تشيز كيك مثل مالت ستار بووكس و أحلى بعد << أمووت على الثقة
يعني بأختصاار ستار بووكس رااح يخسر واايد << اقول طسي بس
بنات بغيت تسامحوني لأن الخطوات مو وافيه حيل بس شسوي اندمجت بالشغل و نسيت أصور << خدامتهم مسافره
يلا نبدأ
المقادير :
أولا راح تلاحظون اني استخدمت قلاص الجبن وطبعا هذا لغايه الا وهي ان كل اغلب البيووت عندها قلاص جبن كاااااااااااااااك علشان جذي علشان يكوون المقياس دقيق علشان تضبط التشيز كيك عند كل وحده تسويها لأن المقياس مضبوط
الطبقة الأولى :
ا ونص علبة بسكويت بيتي بور المطاحن الطول مثل ما هو واضح بالصورة
اصبع زبده
الطبقة الثانية :
600 جرام جبن كيري يعني علبة 24 حبه + علبه 8 حبات = 600 جرام او علبتين فلاديلفيا الحجم الكبير الوحده 300 جرام يعني الثنتين 600 جرام بس انا استخدمت كيري
1 1/2 كوب سكر مطحون بودره
3/4 كوب حليب سائل
1 كوب ساور كريم كريمة حامضه مثل اللي بالصورة تلاقونها بكارفور او اللولو هايبر سعرها تقريبا 400 فلس انا اشتريت ماركة ندى وفي كي دي دي بعد
4 بيضات
1 ملعقه صغيره فانيلا (يمكن الاستغناء عنها )
1/4 كوب دقيق
الخطوات :
نكسر البسكويت عدل مدل جذي :23_asmilies-com: لا تطحنون بالطحانه لأنها تخليه ناعم احنا نبيه خشن << شعر مو بسكووت لووول
يصير جذي
و بعدين بنفس الصحن نحط عليه اصبع الزبده بعد ما ذوبنااه بالميكرو ويف يعني صارت سايله و تخلطوون عدل مع البسكويت و ترصونه ببايركس حجم كبير
و حطووه بالثلاجه على ما تخلصوون الخطوه الثانيه
تجيبوون الخلاط
و تحطوون فيه كل الجبن يعني 32 حبه + الكريمة الحامضة + الحليب لما ينخلط عدل مدل
لما تتأكدين انه انخلط ضيفي البيض بيضة بيضة لا تحطينهم كلهم مع بعض لا وحده وحده اذا انخلطت الاولى حطيها الثانيه و هكذا << هكذا متعووب عليها :dddds: << اي شعبالكم ؟؟
بعدين ضيفي الفانيلا ان وجدت و الطحين و خليه ينخلط عدل مدل
يصير جذي
بعدين تجيبين الصينيه من الثلاجه و تصبين عليها الخليط و تجيبين صينيه مستطيله معدن تصبين فيها شوي مااي و تحطين داخلها الباريكس لأن الحمام المائي اهو سبب نجاح كل تشيز كيك
بعدين تدخلينها الفرن اللي طبعا تكونين مسخنته من زمان و تخلينها ساعه و نص على نار متوسطه و لا تفتحين الفرن كل شوي لا خلي عنج اللقافه << بدت تزف لووول
روحي شغلي نفسج بأي شي و بعد ما تخلص الساعه و النص طفي الفرن بس لا تبطلينه نطري نص ساعه بعد لما يبرد الفرن ذيج الساعه طلعي التشييز كيك و حطي عليها اللي تبينه فوقها و بعدين دخليها الثلاجه ما لا يقل عن 4 ساعات
وهذا بعد ما طلعتها من الفرن اهي للحين بالحمام المائي انا حطيت عليها كراميل
وهذا بعد ما قطعتها
وبالهنا و الشفا
..
