أول مره أسافر لندن علاج ابي مساعدتكم

[شيهانه شماليه]

السلام عليكم

شلونكم بنات

طبعا مثل ماقريتوا بسافر لندن باذن الله تعالى بعد جم يوم رحلة علاج واحتمال اقعد شهر هذي اول مره اسافر بعيد حدي دبي وارجع علشان جذي متوهقه مادري شنو اخذ معاي بالضبط مع العلم اني البس عباية راس فشنو تقترحون علي البس هناك يكون عملي وبنفس الوقت ساتر
اخذ بجامات للشقه شتويه ؟ مو عارفه والله بنات اييييييي شي بليز ساعدوني

مع العلم بيكون معاي زوجي وبنتي 3 سنوات ووادي 8 سنوات

 

[بنفسجيه_Q8]

ماعندي فكره ولا مره رحت لها ومثلج بعد اسبوعين بروح لها

 

[شيهانه شماليه]

حبيبتي بنفسجيه ماقصرتي

انتي رحلة علاج والا سياحه ؟

 

[لندنية]

حاليا الجو حلو بلندن بالبيت افضل الملابس القطنية بالنسبة والعيال خليلهم بجامات بكم طويل لليل ينامون فيها وبالنهار ملابس مثل مانكول عنها ربيعيه لان الجو متقلب شوي ايام تكون حاره وايام تكون فيها مطر طبعاا خارج البيت افضل جاكيت للعيال
ممممممم بالنسبة لج ماادري اذا تبين تلبسين العباية او ملابس عملية انتي الي ترتاحين فيه واذا عندج اقتراحات ممكن اساعدج فيها

صدكوني بنات مجرد توصلون هني بتشوفون كل الامور سهله


سفرة سعيدة

 

[شيهانه شماليه]

مشكوره لندنيه ماقصرتي حبيبتي

ممكن اعرف انتي هناك سياحه والا رحلة عمل والا شنو ؟

حابه استفسر عن كذا شغله

يعني شنو اخذ معاي شغلات احتاجها هناك ياليت تقولين لي واكوون شاكرتلج وبدعيلج والله

 

[لندنية]

حبيبتي اني مقيمة بلندن من سنين

بالنسبة للشغلات اول شي انتي وين بتسكنين
الاكل متوفر بلندن خاصة المناطق العربية ملابس حسبي حساب الجو شوي برد بالنسبة لجو الكويت يعني الجاكيتات مهمة
داخل الشقة مايكون برد لان التدفئة تشغلينها متى ماتحبين
احذية سبورت اهم شي واريح بصراحة تنقلاتكم اكيد بتكون بالباص ومشي ملابس مريحة افضل من العباية اذا تبين رأيي

بس الي فهمته من كلامج اول مره بتسافرين لندن شلون حليتي موضوع السكن والتوصيل من المطار
ساليني حبيبتي باي شي تبين

 

[شموووخ بدويه]

اول شي تروحين وتردين بالسلامه,, البسي اللي يريحج انا عن نفسي عباه كتف ونقابي ماقطه ,, لان عرب وااجد بس كلن على طبعه فيه ناس يقطون...

بالنسبه للملابس نصيحه لاتاخذين ملابس واجد عشان ماتثقلين ع الجنطه راح تشترين من هناك فيه محلات حلوه واسعارها مناسبه اشتري ولبسي عيالج والبسي

بس الجو متقلب مره برد مره دفا

بس اخذي احتايطج من ادوات التنظيف ديتول كلوركس لان حماماتهم يبي لها تنظيف

قلافز( دسوس ) اسفنجه عشان تنظيف عدل

غوري للحمام لان مافي حماماتهم هوز
هذا اهم شي ,, الملابس لاتشيلين همها ولاتكثرين اصلا

والاكل فيه مطاعم عربيه وفيه مطاعم للبيتزا تضمنين مافيها لحومواذا اضطريتي ولا عيالج اشتهوا اطلبي جكن مو لحم

 

[بنفسجيه_Q8]

سياحه حبيبتي وان شاء الله تردين بسلامه

 

[المقتصرة]

تروحى وترجعى بالسلامه

 

[أميرة-]

ويييه لندن سهالات كل شي موجود هني لاتاخذين معاج ماجله

اللهم اللي كنت اخذه القهوة العربية والهيل واكيد سكنج بيكون قريب من اجور رود ياكثر البقالات العربية وكل شي موجود حتى اللبس هناك احسن لاتكثرين ملابس .. الجو شهر 4 يعتبر بارد ابرد من جونا حييل يعني للجهال شتوي والعباية والنقاب مو مشكله بلندن

 

[رااحتي قربك*_^]

مثل ماقالوو البنات الجوو مو بارد حييل اذا اسكنج باجورود كل شي يمج من بقالات ومطاعم عريبه