في كتيب بمكتبة جمعية الفيحاء اسمه العمرة المصورة يوضح لج المناسك ببساطة، روعة روعة الكتاب
و تقدرين تاخذين بمكة مطوف ( تدفعون له 50 ريال ) لأن صعب بالزحمة تحسبين جم مرة درتي حوالين الكعبة
مناسك العمرة بالصور في هالموقع
http://www.isboo.org/pages/omraa.htm
شنو تاخذين معاج ؟
آنا أقول لج
عبي من المباركية الوحدة ب5 دنانير بس انتبهي لا تكون تشف ،العدد على حسب جم يوم قاعدة بمكة
ململ ( ثوب قطن خفييييييييف شفاف أبيض أو أسود) تلبسينه تحت العباية بسرداب الشامية مول بدينار إلا ربع ، بالفيحاء فوق بدينارين و نص لأنه فيه سحاب
في بالفيحاء جنطة العمرة بدينارين و نص ، جنطة صغيرة خيطها طويل و تكون مثل البوك بس أكبر شوي، تنفعج إتحطين فيها فلوس ، كتيبات الأدعية ، كلينكس ، موبايل
كتيبات أدعية مثل الدعاء من الكتاب و السنة ، و كتبي بنوت منو راح تدعي له عشان لا تنسين ( و كتبي اسمي لا تنسينه هههه)
ملافع سادة ، دلاغات
دراريع أو بجايم للفندق
شال أو ملابس شتوية لأن الفندق باااااااارد و يمكن تمرضين خصوصا مع كثرة الحركة و الاستحمام الواحد يبرد
فوط
كثري ملابس داخلية عشان تبدلين و تقطين ، وين راح تغسلينهم؟؟؟؟؟؟ العبي في مصبغة الفندق لكن ملابسج الداخلية وين؟
عزج الله إخذي الورق اللي ينحط على التواليت ( إفرنجي بيكون ) أنظف ، ينباع بالجمعيات
المقص ، عشان تقصين أطراف شعرج بعد العمرة
موس حق ريلج أحسن له من اللي عند الحلاقين عشان لا تنتقل له أمراض
شي مهم حييييييييييييييييييييييييل
خط سعودي أول ما تنزلون مطار جدة اشتريه أولا أرخص ، ثانيا طلعت روحنا بمكة ما لقينا كروت تعبئة كويتية!!كان في محلات تبيع و سكرت!!!
سلبرز حق الغرفة ، و عزج الله نعال حمام
في بجمعية الفيحاء طقم سيباميد بدينارين و نص شامبو و صابون و مرطب و....... جنطة صغيرة حيل عملية حق السفر
و آنا أحب آخذ بطانيتي و مخادي معاي ما أحب ملوت الفندق
و عمرة مقبولة إن شالله
