أول رواية (( فطومتي ))

[Super.Dano0o]

بسم الله الرحمن الرحيم

هذي اول رواية كتبتها و أنشالله تنال اعجابكم ..
حطيتها بمنتدى قبلكم بس مالقيت الردود و كان نكي (( b6_b6 ))

وقالولي ناش نزليها اهني راح تلاقين الردود وانشالله تعحبكم ..

أحمدشهاب الـــ .... ،ولدعايلةمن أغنى العوايل الكويتيةالكل كان يفتخرفيه وكان محطأ نظار،والكل يشهدعلى اخلاقه وجماله،عمره20سنه طالب بكليةالهندسة،يتميزبجماله العربيا لاصيل،الشعرالاسودولمايوقفه يكون أحلى وأحلى،وفوق هذاكله الله وهبه صوت مبحوح كان حلوةبمعنى الكلمه وخصوصاًلمايغني،وكان ذكي ومثقف ومن احسن شباب الكلية .


أم أحمد الــ..... بنت عم بو أحمد عندها غير أحمد (( ريم و ساره و دانه)) و تموت على زوجها و تحترمه و مربية عيالها تربية حريم قبل يعني أهما سييييييييييييدة .


أبو أحمد الــ..... الأكبر بأخوانه يحب عياله حيييييل و خصوصاً البنات لأنه مثل مايقولون البنات بنات أبوهم ، بس هم يحب أحمد لأنه البجر و عندا شركة مسجلها بأسم ولده و بالفلوس ما يبخل على عياله و يحط شهريناً بحساب كل واحد فيهم 3000 دينار بس شديد شوي و كلمته لازم تمشي مع انه مايحب يغصب عياله على شي .


سارة توأم أحمد و مدام أحمد حلو أهيا بعد حلوه بيضة و شعرها أسود طويل لي نص ظهرها و تحب تسوي عنقوص لي فوق و عيونها مو كبار حيل و لونه أسود و تدرس حقوق و أبوها واعدها بس تخلص دراسة يحطلها مكتب و بعد أشياء وااايد .


ريم أخر العنقوووووود و تحب اخوها أحمد وااااااااااااااااااااااااااااااااااااااااااايد لأنه مايرفضلها طلب مو مثل ساره ، عمرها 16 سنه و مو طويله و لا قصيره و جسمها يهبل متروس شوي بس حلو و شعرها قصير و لونه كستنائي يهبل و تدخل القلب و شيطانه بس أخلاقها أحلى و أحلى و بس ...


دانه أختهم الكبيره عمرها 28 سنه متزوجه و مسافره لأنه زوجها يدرس طب أب أيرلندا و حلوه و بيضه و الكل يتمناها حق ولدها بس حبت عبدالوهاب و تزوجوا.




<<< الجزء الأول >>>


الساعه 6 ونص .. شهر 7
بيت شهاب .
شهاب و مريم و ريم وساره قاعدين يتريقون و ريم و ساره فيهم النوم لأنهم سهرانين .
أم أحمد تطالع البنات : ويي شفيكم قمتوا أتطقون رقبة أيي خلاص مو ألا تتريقون .
أبو أحمد : لا خل ينثبرون أنتي تدرين أنه أنا أحب أتريق و كلهم موجودين .
ريم تحط القفشة بعصبية : يبا شدعوه يعني شدعوه ( تتثاوب ) .. كا حموود مو موجود وينه ؟!
أبو أحمد يعصب : ريموو و يهد كلمين يعدل .
ريم تنزل راسها : Sorry
أم أحمد : بعدين لا تتكلمين عن اخوج لأنه قاعد يلبس عندا أمتحان واعليا على وليدي .
ريم تتحلطم : أي هذا أحمد .
أم أحمد : يالله عاد .
ينزل أحمد ( بطل القصة ) لابس بدي أسود و بنطرون جينز لونه أزرق فاتح شوي .
ساره تشرب ماي : لو قايلين مليوون أحسن .
أم احمد أتطق ساره بالقفشة .
أحمد يضحك و يبوس راس أبوه : صباح الخير يا نور البيت .
أبو أحمد : صباح النور يبا .
أحمد يبوس راس أمه : صباح الخير .
أم أحمد : هلا بحبيب أمه .
يقعد أحمد يم ريم و يطالعها اهيا و ساره : هذولا شفيهم ؟
أم أحمد : لأنه مو نايمين أمس طول الليل مجابلين هل تلفزيون مسلسل يروح و مسلسل أيي و ضلو لي الساعه 5 ونص جذي.
أحمد يبتسم : أهااااااااااااااااااااا ( يطالع ساره ) أنتي ماعندج أمتحان باجر ؟ّ!
ساره توقف : أمبله بس ما اقول ألا الله ياخذ الحقوق .
أحمد يشيل كتبه و تيلفونه و يضحك : محد قالج ( يروح يوقف يم أبوه و يبتسم .
أبو أحمد يوقف : الله يهداكم بس ( يطلع بوكه ) أنا ليش أحط بحسابك بالله خلاص من اليوم ورايح راح اعطيك أياهم .
أحمد ياخذ الفلوس : زين تسوي .
بو احمد : أقول مريم أبيج اليوم تفضين روحج .
ام احمد : ليش شصاير .
ابو احمد يغمز لها : بعدين تعرفين .
أحمد يصارخ : الله الله عالغمزه ما اعبر .
أبو أحمد يمسك احمد من شعره و يسحبة برا .
ساره تصارخ : هياااااااااااااااااااااااااااااا بروح انام .
ريم تركض و تصارخ : تحياااا الحريه .
أم أحمد تشيل الصحون : الحمد لله و الشكر .


سيارة أحمد .
كان مشغل المسجل و قاعد يغني بصوت عالي .
أحمد : فقدتك يا أعز الناس فقدت الحب و الطيبة و انا ملي في هالدنيا سواك ان طالت الغيبة ..( يطالع السلسلة الي معلقها و متعلق فيها حرف الــ R .
سيارة أبو أحمد .
أبو احمد قاعد ورا و قاعد يتكلم بالتيلفون .
أبو احمد : ايي قاعد اقولك اليوم الساعه 8 و نص ابي كل شي جاهز ،............، خلاص مع السلامة .
كومار السايق : باب أبو أهمد انا بقول سي هق انتا ( باب او احمد انا بقول شي حق انتا ).
أبو احمد : قول .
كومار : بس بليييز باب انت لايقول هق ماما ساره و ريم .
أبو أحمد بقلق : قول شفيهم البنات .
كومار : باب أمس ساره و ريم سوي تيلفون هق شكه مال انا و ميري و يقول هق ميري السائه 4 الفجر قومي روهي بكاله يبي اكراد .( باب امس سارة و ريم سوي تيلفون حق شقة مال انا و ميري يقول حق ميري الساعه 4 الفير قومي يبي أغراض .
أبو أحمد يضحك .
كومار : باب انا واايد يهب أيله مال انت .( انا وايد احب عايلة مال انت .


الساعه 12 الظهر .
جامعة الكويت .
كلية الهندسة .
احمد قاعد يتمشى مع رفيجه ابراهيم .
(( ابراهيم كبر احمد و مو بس رفيجة ألا اخو لأنه من الروضة لي الحين اهما مع بعض و ابراهيم شاب و النعم فيه اخلاق و تكانه و عقل و كل شي بس عيبه لسانه شوي طويل بس مايغلط بدون سبب و دم ضروسة البنات الي الخفاف و كل مايشوفون ابراهيم و احمد يروحون يسولفون و يضحكون بدون سبب .<< أسمر و شعره اسود و طويل و معضل و جسمة اينن و صوته في بحه عجيييييييييييبة .))
أحمد ماسك كتبه و لابس نظارته : أي شي ماتوقعت الأمتحان جذي .
أبراهيم : تصدق حتى انا .
أحمد يقعد : و انا امس طول الليل ماسك الكتاب و ( يفصخ النظارة ) ادرس و مارحت مع عيال عمامي الفلم و اخرتها جذي ؟! والله قهر .
أبراهيم يضحك : الله كل هذا بقلبك حراام ...... عاد انا الحين ابي مخدتي .
احمد يطق على راسه : اففففففف ذكرتني اليوم بيت عمي جراح عازمينه .
ابراهيم يضحك .
أحمد : افففففففففف حر يالله قوم .
أبراهيم يمسك ايد احمد : ايي احمد نسيت اقولك .
احمد يطالعه : شنو ؟
ابراهيم : باركلي ترا خطبت بنت عمي .
أحمد يوقف جدام أبراهيم مستانس : جذاااااااااااااااااااااااااااااااااااااااااااااااا اااب برهوم قول الصج .
أبراهيم يضحك على احمد : والله العظيم .
احمد : خطبت دانه ما غيرها ؟
أبراهيم يتنهد : فديتها و الله .
احمد يلم ابراهيم و مستانس : مبروووووووووووووووووووك و الله فرحتلك من قلب ( يوخر عنه ) يا المليق و انا اخر من يعلم ؟
ابراهيم ينزل راسه : سامحني .
احمد : ماعليه بس لاتعيدها انزين و متى الملجة ؟
ابراهيم : الاسبوع الياي يوم الخميس .
أحمد : مبروووووووووووك و منك المال و منها العيال ( يطق ابراهيم ) والله كبرت و صرت ريال .
ابراهيم يبطل عيونه : اقوووووووووول .
احمد يضحك : يالله عيل انا رايح ( يلبس نظارته ) تبي شي ؟
ابراهيم : ابي سلامتك يا الغالي .
احمد : باي .
يركب سيارته و يحرك .


غرفة سارة .
مبطله كتابها و قاعد تدرس و تتكلم بالتيلفون << قلبها عالدراسة .
سارة منسدحة على بطنها و رافعه ريلها : واااااي واايد واااايد.
فاطمة بنت عمتها : ههههههههههههه محد قالج تاخذين كورس صيفي .
سارة : شسوي فطووم والله عشان اخلص امبجر و اشوف ابوي شمسويلي ؟
فاطمة تتذكر ابوها : الله يخلي لج .
ساره تقعد : فطوووم ترا ابوي ابوج يعني ماكو فرق .
فاطمة تضحك : اليوم اشوفج بيت خالي ؟ّ!
سارة : لامابي اروح قاعده ادرس .
فاطمة : لاعاد تعالي و الله ملل نقعد انا و برور بروحنا .
سارة : خلاص اخلص و ايي .
فاطمة : يالله باي حياتي .
سارة تضحك .
فاطمه : شفيج ؟
سارة : تذكرت انج بتشوفين فاارس احلامج .
فاطمة : سارو جب حب .
سارة تضحك و تسكر التيلفون .


سيارة احمد .
احمد تذكر ابراهيم و فرحته و دمعت عيونه و مسك حرف الــR و تذكر ابرار و مسك تيلفونه و اتصل عليها .
أحمد يقصر عالمسجل و يعض شفايفه : ألووووو.
أبرار : هلا احمد .
أحمد يطالع يمينه : شلونج ؟!
أبرار : تمام و انت ؟!
أحمد : تمام و لله الحمد ......اليوم شفتج و انتي طالعه كنتي متضايقة فيج شي ؟ّ
ابرار تتنهد : والله مادري شقولك احمد أبوي اتصل و قالي انه اليوم بنروح بيت عمي جراح .
احمد يضحك و يطول عالمكيف : انتو شفيكم شنو عمي بياكلكم ؟!
ابرار : ليش في احد شاكيلك ؟
أحمد : أي اليوم سارو و فطوم كانو بعد متضايقين .
ابرار : ما ننلام .
أحمد : شسويتي بالأمتحان ؟!
أبرار : زين والله .
أحمد يتنهد : ابراار .
أبرار : هلا ؟
أحمد : لا خلاص ولاشي تبين شي؟!
ابرار : ابي سلامتك يالله باي .
أحمد : باي .
يسكر التيلفون و يعلي عالمسجل .
(( ترا احمد و ابرار مابينهم علاقة حب ولاشي بس احمد كان يحس انه ابرار اهيا الوحيدة الي تفهمه ).


و الردود عشان اكمل البارت ​

 

[Super.Dano0o]

وين الردود

 

[sweet.sanfoora]

ما فهمت يعني احمد وابرار فرندز ! ولا حب من طرف واحد

وبثث

كمليها !!

ثانكيوو

 

[Super.Dano0o]

ههههه لا حياتي أهمما عيال عم و فريندز بنفس الوقت ...

و البارت انشالله بالطريج
​

 

[Super.Dano0o]

((البارت الثاني ))

الساعة 1 ونص

بيت جراح .
نورية : ويييييييييييييع وييييييييييييييييييييييييييييع أنا اليوم مادري شلون بتحمل اخوانه و اخته و حريمهم .
خالد ياكل : يمااااااا ماعليه خو عادي هذولا اهلنا بعدين أنا ماشوفج وايد معاهم ؟!
نورية : ضحكتني تبيني انزل مستواي حق هل أشكال؟
خالد يعصب : أستغفرالله .
تنزل عايشة و تقعد يم أمها : يماااا أنا أموت و أعرف ابوي ليش عازمهم يدري انه ما انواطنهم .
خالد يصارخ : عوشو لاتقولين جذي هذولا بنات عمامج .
نورية : البنت ماقالت شي غلط ؟
خالد : يما انتي معاها ؟!
عايشة : واااي هيلق هيلق .
خالد يتل شعر عايشة : شوفي عوشو والله لسانج اقصه .
نوري : خل البنت يا خالد .
خالد يدز عايشة : والله العظيم اذا اذيتيهم اليوم يويلج ؟!
عايشة و نورية : مالت حتى مالت .
خالد يصعد .
خالد كبر أحمد و يدرس أدارة أعمال .
عايشة عمرها 23 سنة أكبر من بنات عمامها و عمتها بس حاطة دوبها بدوبههم لأنه تغار .

بيت شهاب .
كلهم قاعدين عالغدا .
أبو احمد : هااا سارونه خلصتي دراسة ؟!
سارة : بقالي 3 صفحات و أفتك ( تاكل ).
أحمد : لا غالطانه من الساعه 7 لي 1 و باقيلج 3 صفحات ؟!
سارة : ليش مو مصدق لا مو مصدق أخاف مو مصدق ؟!
أحمد يطالعها : انا قصدي .....( تقاطعه سارة و تمسك القفشة : شنو كان قصدي شنو يالله قو قول لا افلعك بلي بيدي الحين ؟!
ريم ميته من الضحك .
أحمد يصارخ : ويعه حتى ويعه نطري خل اكمل قصدي يعني لو يعطوني هالوقت أدرس جان درست الماده الي وراها بعد .
أم أحمد تمسح على راس احمد : مالت عليج كليتي ولدي .
أبو أحمد : عالعموم اليوم ترا العزيمة في بيت ابو خالد .
الكل : عارفين .
أبو أحمد يطالع احمد و توا بيبدا كلام يقاطعه احمد : عارف يبا شبتقول بس والله اهيا الي تطلعني عن طوري .
أبو احمد : ماعليه يبا عشاني .
أحمد : اففففففففف حاظر ( يشرب ماي ) .
و ياكلون ....
أم أحمد : أحمد .
أحمد : هلا .
أم أحمد : اليوم رحت بيت ام عماد جارتنا توهم ساكنين اهني فقلت أروحلها و ولدها كبرك .
أحمد يطالعها : زين اليوم أشوفه خلاص .
أم أحمد : أنا مو قصدي عن ولدهم .
أحمد و اللقمه بحلجه : عيل ؟
أم أحمد : بنتها عالية تهبل والله يا احمد قمر قمر و طيبه و على نياتها اليوم لما قعدت معاي كانت عسل و مثل البلسم .
أحمد يطالع سارة الي قاعده جدامه : و المطلوب ؟
أم أحمد : شرايك أخطبها لك ؟
أحمد يطالع أمه : يماا انتي تدرين اني حاط على هل موضوع أكس .
أم احمد : أي لي متى يا يما ياحبيبي ترا الدنيا ما وقفت بعدين انت ليلحينك صغير و ألف بنت تتمناك .
أحمد ياكل .
ام احمد : ودي اشوف عيالك قبل لا الله ياخذ امانتي .
احمد تغورق عيونه : عندج حسن ولد عمي ابراهيم و عندج خالد ولد عمي جراح و عندج عبدالله ولد عمتي حصة شمعنى انا يعني ؟
أم احمد : انت ولدي .
احمد يوقف : سكري الموضوع و غير رغد ماراح أخذ .
يصعد .
سارة : يمااا الله يهداج الولد مايبي .
ريم : وهذا انتي موصيتنه انه ما نفتح هالموضوع جدامه .
أم احمد تعصب : بل بل كليتوني بقشوري احسن عساه ماتزوج .
سارة تقوم تبوس راس أمها : خلاص يا الغالية .
ابو احمد : سارونه روحي شوفي اخوج .
ريم : انا بروح اشوفه .
سارة : خل ايي معاج .

بيت ابراهيم.
أبراهيم قاعد مع امه و ابوه و اخوه بدر .
بدر عمر 19 سنه و يشابه ابراهيم .
بدر : اقول برهوم الحين لما تتزوج راح تقعد اهني ؟
ابراهيم : اكيييييييييييييييد اهني يعني وين ولا تبيني اخليلك البيت و اطلع ؟
بدر يضحك .
بو ابراهيم : أبراهيم قلت حق رفيجك احمد ؟
أبراهيم : أي يبا قتله و بعدين لاتنسى احمد اخوي و ما اخش عنا شي .
بو ابراهيم : هل احمد هذا ماشفت منه بالكويت .
بدر : أي والله شكثر تعجبني شخصيتة .
أبراهيم : تصدق يبا من عقب رغد و أهوا شايل فكرت الزواج من باله .
أبراهيم : الله كريم .

بيت شهاب .
غرفة احمد .
قاعده عالسرير جدام احمد : وااااااااااي انت وايد صاير حساس ترا .
ريم قاعده تلعب بالمسدس الي فيه ماي : ترا انت وايد كبرتها و وماله داعي هالعصبية .
احمد : شتبوني أسوي يعني انا قايلكم لا تفتحون هالسيرة جدامي و زواج ماني متزوج غصب يعني غصب ؟
سارة تمسك أيد احمد : احمد حبيبي احنا نبيلك الخير .
احمد : مااااااااااااااااااااااااااااااااااااااااااااااااا ااااااااااااااااااااااااااااااااابي .
ريم تطشر على احمد ماي : ماكو فايده طول عمرك راسك يابس ( تطلع .
احمد يمسح ويها : امي معصبه صح ؟
سارة : لأ تضايقت بس .
أحمد : ماعليه الحين انزل اراضيها .
سارة : عن اذنك .
طلعت سارة و طلع احمد وراح يراضي امه .
نزل ومالقا احد بالصالة و راح المطبخ و شافها قاعده تسوي حلو و جيس كيك .
أحمد واقف يم الباب و حاط ايدا ورا راسه : يمااا .
أم احمد : وااحد قيمر .....( تروح صوب الثلاجة ) هلا يما .
احمد يوقف يمها : يما انا اسف على الي صار اليوم .
أم احمد : ماصار شي بس الظاهر ...
يقاطعها احمد : خلاص يما اسف ( يبوس راسها ) سامحيني .
ام احمد : خلاص حبيبي مسامحتك يالله روح ارتاح عشان تقعد المغرب .
احمد : انشالله .

,,, تم البارت الثاني ....








​

 

[دلوعة بيان 98]

الرواية شكلها عجيبة so keep going
:rerrerek:

بس شسالفة رغد :eh_s(10):


​

 

[Om 3lawii]

لا يوقف لا يوقف لا يوقف Pp;~


تسلم ايدج حجيه بانتظار البارت اليديد ^_^​

 

[احلى قدساوية]

نااطرينج يا قلبي الرواايه رووعه



اب اب اب​

 

[Føzöø]

ناطرينج يا قلبي الروايه عجيييييبه

 

[άGώâ ми àώàŁ]

Waayy 3ajeba elRwaayaa
Ya q9at hlFa6mat wya ala7mdat;p
Yallaah Waitingg eltkmlaa
Bas Shsalfat Raghad?!

 

[Føzöø]

نااطربنج بأحر من ااجمر مو اطولين قلبي :$ 

 

[toomy]

حلوه القصه كمليها عفيه

 

[Føzöø]

عسى المانع خير يا قلبي !!! :$

 

[Super.Dano0o]

مشكورين حبيباتي و الله شجعتوني ....
و رغد راح تعرفون قصتها بالبارتات اليايه ..
وأبطالنا بالبارتات اليايه محتاجين وقفتكم معاهم ..

(( البارت الثالث ))​

الساعة 6 .
بيت بو أحمد .
ابو احمد واقف يم السلم و يصارخ : يالله يا عيال خلصوني .
ينزل احمد و كان لابس قميص اسود و شورت جينز : يالله جاهزين .
و تنزل ام احمد و بعد خمس دقايق نزلوا البنات .
أبو أحمد : مثل ماوصيتكم يا عيال .
العيال : حاضرين .
طلعوا و ركبوا السيارة .
شهاب يشوف احمد قاعد يدور شي .
شهاب : شفيك يبا شتدور ؟
أحمد يحط ايدا بمخباته : تيلفوني ؟
شهاب : مانسيته ؟
احمد ينزل: أظاهر يبا .
شهاب : لاتطول يبا .
أحمد : انشالله .
يدخل و يطلع بعد دقيقتين .
أحمد : الله 5 مرات برهوم متصل شيبي ؟
يوقف يم الباب و يتصل : ألوووووو.
أبراهيم يصارخ : أحلف و راس امك أحلف والله بذبحك برهوووم .
أحمد يوخر التيلفون عن اذونه : ويييعه ويييعه بس بس .
أبراهيم : الملجة يوم الخميس باي .
أحمد : انزين ( يسكر التيلفون ويروح يم الباب يفتحه ).
....: السلام عليكم .
أحمد : هلا وعليكم السلام ؟! منو ؟
....: أفااااا ماعرفتني ؟
أم احمد من داخل السيارة : هذا عماد يما .
أحمد يفكر : عماااد ؟!............( يتذكر : أيييييي هلا والله .
عماد : شلونك شخبارك ؟
أحمد : تمام الحمدلله انت شلونك شخبارك شمسوي ؟
عماد : والله تمام الحمدلله .
أحمد : يالله سامحني عماد مضطر أستأذن الحين .
عماد : مسموح حبيبي يالله لنا قعده ثانية هااا .
احمد : من عيوني يالله مع السلامه .
يركب السيارة و يحرك .

بيت ابراهيم .
ابراهيم أصغر من شهاب أب سنة و قاعدين بشقة لانه وضعه مايسمح و عندا ثلاث ( حسن و ابرار و رناد ).
ليلى أم حسن تحب عيالها و ماتفرق بينهم .
حسن : اصغر من ابرار بسنه .
أبرار : كبر سارة و فاطمة و تدرس هندسة مع احمد .
رناد : كبر ريم و عبد العزيز و أهما الثلاث يكملون بعض .
أبراهيم : يالله يا جماعة ترا تأخرنه واااااااايد .
ينزل حسن : يالله يبا انا جاهز و البنات مع امي يقولون على مانروح السيارة الا اهما نازلين .
ابراهيم : يالله يبا .
أبراهيم و حسن واقفين يم الأصنصير و يرن تيلفون حسن .
حسن : أووووه هذا عبووود .
أبراهيم : رد يبا رد .
يطلعون البنات مع امهم .
حسن : هلا العُبد .
عبدالله : وينكم ؟
حسن يدخل الأصنصير : تونا طالعين .
عبدالله : أييي .
حسن : دقيت على أحمدوو ؟
عبدالله : لا الحين أدق يالله تامرني بشي؟
حسن : سلامتك يالله باي .
يسكر التيلفون .

سيارة أحمد .
احمد قاعد يسوق و ابوه يمه و امه و سارة و ريم ورا .
ريم : أحمد حبيبي انت .
أحمد يبتسم : شتبين قولي ؟
ريم : مابي شي بس جذي .
أحمد : ريوووووووم بتعلميني فيج يالله قولي .
ريم : في فلم واايد حلو بالسينما ابي اروحلة بلليز .
سارة : لا والله ماكو انا توني بادية امتحانات .
احمد : سارو يا النصابة هذا اخر امتحان ليش تألفين ؟
ريم : خلاص عيل خل نحجز حق باجر .
أحمد : نشوف حسون و عبود و خلوود و نحجز .
ريم : هيااااااااااااا .
سارة : بس من وين لنا لابتوب ؟
ريم : لاتخافين انا يايبه لابي .
ساره : فديتها اختي .
ام احمد : و الاب توب شكو ؟
سارة : عشان نحجز يمااا .
ام احمد : مو لازم تروحون هناك ؟
احمد يطق يبهته : ويييي يما قديمة الحين في اختراع اسمه انترنت و الشبكة العنكبوتيه .
ام احمد : وي و شتطلع البسكوتيه .
ريم : وييييي امي صار فيها حول بالأحرف .
احمد و سارة ميتين من الضحك .
ابو احمد : ياعيال ديرو بالكم من لسانكم .
احمد : يبا مرت عمي ليش جذي ؟
ام احمد : ماقول الا الله يصبر ولد عمي .
ريم : ترا بس مرت عمي و عايشة الي شايفين عمرهم اما خالد لا .
سارة : أي والله خالد غير عنها .
أحمد ساكت .
أم احمد : يابخت الي بتاخذه .
ريم : أي والله يما صج يا بختي .
ساره + أحمد : ويهج ريمو ويهج .
ريم : أي شنو بيني و بينه 4 سنوات .
سارة : أي شي صح .
ريم : أي قولي انج تبينه وميته عليه .
سارة : لاحبيبتي انا حاطه عالزواج من العايله أكس .
أحمد : مو الي يقول أهوا ناطر موافقة وحده منكم صح ؟! بعدين ريووم انتي توج صغيره و ألف واحد يتمناج .
ريم : لاوالله مابي مابي ابي خالد و بعدين شصار يعني و اذا بيني و بينه 4 سنوات ليش نسيبت جم كان بينك و بين رغد ؟!( تستوعب الي قالته : ويي اسفه ماكان قصدي .
أحمد يبلع ريجه : لا عادي حبيبتي .
ريم تطالع احمد و اهيا حاسة بالذنب .
سارة : حماااده حبيبي .
أحمد يطالعها : ويييع خربتي اسمي .
الكل : هههههههههههههههههههه .
سارة : يقولون يقولون صوتك ........ حلو بليييييز غن لنا .
أحمد يطالع ابوه : اذا ابوي وافق راح اغني .
شهاب يضحك : غن يبا غن .
احمد : يالله شتبوني اغني ؟
سارة : ابيييي اغنية بشار الشطي فاقد لي عالم .
شهاب : شهالاغاني يبا احمد عن لنا شي قديم مثل غريد الشاطئ او عبدالكريم عبدالقادر .
سارة : واااااااااااااي يبا لا لا مانبي شنو هذا ؟
شهاب يضحك : شرايج مريم .
مريم : والله فراقة ركز بس عالطريج .
احمد : ريوووم ليش ساكته ؟
ريم :.............. شقول ؟
أحمد : الاغنية الي تطلبينها راح اغنيها يالله .
ريم تطالع سارة : أي اغنية حق بشاااااااااار .
أحمد : ياحبكم لهل ولد هذا .
سارة : يهبل يهبل .
أحمد : خلاص نقوول اقوى من اول ؟
سارو و ريم : ايي .
أحمد : أقوى من اول صرت اقوى من اول صرت اعرف اصحابي و الي تحول ماعدت الاول لا ولاقلبي الاول لعذري و اسبابي ماعدت الاول ....تذكر قبل عام جيت اشكيلك جروحي ....( يقاطعه ابوه : خلاص خلاص اغنية تضيق الخلق .
احمد يضحك و يرن تيلفونه .
احمد : عبدالله !!!!!!!!..........ألووووو.
عبدالله : هلا والله بولد الخال .
سارة اول ما سمعت اسم عبدالله فز قلبها .
احمد : تونا داشين المنطقة .
عبدالله : أمممممممممم احنا ليلحين ما طلعنه .
احمد : أي عادي خو انتو بنفس المنطقة .
عبدالله : ههههههه صح .
احمد : يالله عبوووووود وصلنا تبي شي ؟
عبدالله : لا يالله باي .
يسكر التيلفون و ينزلون ؟


بيت جراح .
يوصلون عايلة شهاب و بعد دقايق وصلوا عايلة ابراهيم و سلمو على بعض .
يرن الجرس و يروح خالد عشان يفتحه .
خالد : هلا والله هلا بعمامي .
شهاب : هلافيك حبيبي انت ؟!
أبراهيم : هلا والله .
أحمد يوقف يم حسن و يتصنع بالزعل : شدعوه عليك بس حق عمامك؟!
حسن ينزل راسه : مالنه رب .
خالد يبقق عيونه : لا لا أنتوا مستحيلييييييييين دخلوا خلصوني .
و يدخلون .
جراح يوقف : هلا والله هلا بالغالين .
شهاب + ابراهيم : هلا فيك .
جراح : تفضلوا ليش واقفين ؟! ( يقعد ) شلونكم شباب ؟
أحمد + حسن : تمام و لله الحمد .
ساره : شدعوه عمي بس حق الشباب ؟!
جراح : والله انتو بقلبي .
و يروحون الحريم و البنات صالة الثانية .
تقعد مريم : هذي صج ماتستحي مخليتنه تحت .
ليلى : عشتوا شدعوه احنا يايين لها .
ساره : يمااا هذي وينها زرعتنا تحت ؟
مريم تطالع ليلى : يماااااا هذا الي ماخطر على بالي .
ليلى : شنو خرعتيني ؟!
مريم تأشر على سارة و أبرار : الثلاثي المرعب بعد دقايق راح يجتمعون الله يستر .
ليلى تضحك .
يرن جرس البيت و يقوم خالد يفتحه .
خالد : هلا هلا والله ( يبوس راسها ).
حصة : هلا فيك يما .
تدخل حصة و معاها عبدالله و فاطمة و عبدالعزيز .
حصة عمة الشباب و أصغر وحده و الكل يحبها .
عبدالله : عمره 21 سنة و يشتغل بالمطافي .
فاطمة : كبر ابرار و سارة و تدرس حقوق مع سارة .
عبدالعزيز : كبر رناد و ريم .

تروح حصة حق الحريم طبعا عقب ما سلمت على اخوانها .
ريم : ههه وصلت عمتي .
مريم + ليلى : هلا والله .
حصة : هلا فيكم هاااا وين السندريلا ؟!
سارة : فوق قاعده ترسم ويها .
نزلت نورية مع بنتها .
نورية من غير نفس : السلام .
حصة + ليلى + مريم : وعليكم السلام .
حصة : شدعوه ياحافظ البنات صارلهم نص ساعه تحت ليش مانزلتي ؟
عايشة بغرور : أمي كانت تتمكيج .
سارة بصوت خفيف : تتمكيج .
نوريه تلف على ابرار و فاطمة و سارة : و انتو ليش ماتسلمون ؟!
أبرار+فاطمة + سارة : السلام .
عايشة : أظاهر ماعلموهم شلون يسلمون .
أبرار معروف عنها انه ماتسكت عن حقها و خصوصا اذا غلطوا عليها او على فاطمة و سارة .
أبرار : نعم هي انتي أحترمي نفسج .
عايشة : ماني محترمتها شبتسوين يعني ؟
سارة تمسك ايد ابرار : خلاص برور خليها .
عايشة توقف و تتخصر : الله الله عدال الي ماتبي تسوي مشاكل انتي لو فيج خير جان تحجبتي مو ليلحين سفور .
سارة بهدوء : أبرار لو سمحتي مالج شغل فيني .
عايشة : انتو اظاهر مو متربين .
و بدا الصراخ بين البنات الأربعه .

،،، تم البارت الثالث ....

وراح احاول أنزلكم باارتين باارتين ​

 

[مينؤؤنه نؤؤدهـ]

كملييييييييييييييييييييييييييييييييييييييييييييي !!!!

 

[نؤر دنيآي]

رووووووعه الرواية بليز كملييييييييي
نبي باااااااااااااااااااارت

 

[Super.Dano0o]

و الحين راح انزل لكم بارتين ....

(( البارت الرابع ))​

الديوانية .
خالد و عبدالله و حسن و احمد و عبدالعزيز مندمجين بالسوالف و فجأه .
أحمد : شهالصراخ شصاير ؟
جراح يوقف : مادري امشوا خل نشوف .
و يروحون .
صوب الحريم .
عايشة ماسكه شعر سارة و أتله حيل : انا اعلمج يلي ماتستحين على ويهج عيل على اخر عمري اتيين انتي و تصارخين علي .؟َ!
سارة تبجي: وخري عني آآآآآآآآآآآآآآآآآآآى شعري وخري .
أحمد ماقدر يستحمل الوضع و راح سحب سارة من ايد عايشة و سارة حطت راسها على صدر أحمد و تبجي .
أحمد يصارخ : انتي شنو ؟!
عايشة : الله الله يا روميو .
أحمد : عايشة سكتي دام النفس عليج طيبة .
عايشة : ماني ساكتة شبتسوي ؟!( تمد ايدها على سارة بس احمد دزها )
أحمد يطالع خالد بنظره يعني سكتها .
خالد عصب و تل عايشة من أيدها و صعدها فوق و نورية لحقتهم .
حصة تلبس عبايتها : حسبي الله عليج من بنت لا أحترام ولا شي ( تأشر حق فاطمه و عبدالله و عبدالعزيز : يالله يالله مالي قعده و لا راح أطب بهالبيت يالله .
جراح : يا حصة تعوذي من بليس هذي بزر ( بس وين لا حياة لمن تنادي طلعت و اهيا مكسورة .
شهاب : يالله يا عيال اظاهر ماكو احترام بالمرة .
طلعو و لحقهم ابراهيم و الكل راح .
غرفة عايشة .
خالد قافل الباب و قاعد يطق عايشة و نورية تحاول تقنعه يبطل الباب بس وين ؟!

سيارة أحمد .
أحمد كان معصب و الي زاده بجي اخته .
أم أحمد : بس ياحياتي بس لاتبجين .
سارة تبجي بقهر و تحط راسها على جتف امها : يمااا عورتني و الله ماسويت لها شي أهيا ليش سوت جذي ؟!
ريم تمسك ايد ساره : خلاص سارو لاتبجين ترا قطعتي قلبي .
سارة تمسح دموعها : الله يسامحها .
أبو أحمد : حسبي الله عليهم من عايلة .
أحمد يطق ايدا بالسكان : انا اعلمها والله لا اخليها تندم عالساعه الي مدت ايدها عليج .
أم احمد : خلاص يا احمد خلاص عاد .
أحمد كان يتعذب لما يسمع سارة تبجي .
و يقاطعهم تيلفون احمد قاعد يرن و يشوف الرقم : أبراهيم ؟! ....... ألوووو.
أبراهيم : هلا حموود ها وينك ؟!
أحمد : راد البيت .
أبراهيم : مدامكم تروحون عشان تردون ؟!
أحمد يتنهد : برهوم أقط الأهل و أييلك اوكي .
أبراهيم : أوكي باي .
يسكر التيلفون و يتذكر شي .
أحمد وصوته رايح من كثر الصراخ : اييي يبا نسيت اقولك ترا أبراهيم خطب و ملجته الخميس الياي .
أبو احمد : يحليله برهووم والله كبر و صار ريال .
أحمد يتنهد تنهيده طوووووووووووووووووووووووويله .
سارة ميته من البجي و يرن تيلفونها .
سارة تطلع تيلفونها : هذي ابرار .
ريم تمد ايدها : عطيني أرد عليها .
سارة تتنهد : لا انا برد ......ألووو.
أبرار : انتي ليلحينج قاعده تبجين خلاص خليها تولي .
سارة تبجي و تحذف التيلفون .
أحمد يمد ايده ورا : ريووووم عطيني التيلفون .
ريم : حاضر.
أحمد : الووو.
ابرار : هلا احمد عفية قولها تسكت و الله عورت قلبي .
أحمد : ماكو فايده تعبنا و احنا نقولها سكتي بس وين .
أبرار : حط السبيكر خل اكلمها .
احمد : اوكي ( يضغط عالسبيكر : يالله تكلمي .
أبرار : سارونه حياتي لاتبجين توا عمي جراح متصل على ابوي و قاله انه خالد شوي و يذبح عايشة كل هذا عشانج حياتي خلاص حقج أنأخذ يا حياتي .
أحمد يبتسم و يطالعها بالمنظرة .
سارة تمسح دموعها : احمد عطني .
تاخذ التيلفون : ألووووووو،...................، أي اوكي خلاص ،.......................، با ي.
تسكر التيلفون .
شهاب : شعليه سارونه خالد دافع عنج .
ريم معصبه : أي لو انا جان خلاها و ما جاسه بس هذي سارة .
سارة تطالع ريم : ريووم جب .
ريم : هذا الصج .


بيت جراح .
جراح كسر الباب و نورية دخلت لمت بنتها و جراح ماسك خالد .
خالد يصارخ : والله يا عويش ان شفتج مطولة لسانج عليهم والله العظيم محد راح يفكج مني غير الموت .
عايشة تبجي .
نوريه تصارخ : حسبي يالله عليكم جانكم خربتوا عيالي .
خالد : محد خربنا غيرج ( و يطلع .

بيت شهاب .
جدام البيت احمد و ابوه واقفين .
شهاب : انا و امك راح نطلع و ماراح نرجع الا الساعه 12 او 1 أوكي .
أحمد : الله شبتسون ؟
شهاب يطق احمد : سوالف كبار و انت شكو ؟
أحمد : ليش يبا و انا صغير يعني ؟
شهاب : أحمد.
احمد يبوس راس ابوه : خلاص .
يدخل البيت و يحرك شهاب .
غرفة سارة .
سارة اول مادخلت قطت روحها عالسرير و غرقت راسها بالمخده و قعدت تبجي .
غرفة ريم .
ريم منسدحه عالسرير و تكلم عبدالعزيز : حاضرين .
عبدالعزيز : عفية ريوووم الولد يبي .
ريم : خلاص لاتحن باجر اخلي احمد اييبلكم اياه .
عبدالعزيز : يالله باي.
ريم تسكر التيلفون و تنام .
أحمد و اهوا صاعد قاعد يكلم ابراهيم .
أحمد : لا ما اقدر خواتي بروحهم بالبيت أشوفك باجر .
أبراهيم : خلاص عيل اخليك الحين .
أحمد يسمع صوت سارة تبجي : خلاص يالله باي .( يسكر التيلفون و يروح صوب غرفتها و يطق الباب .
أحمد : سارة ليلحين تبجين .
سارة من ورا الباب : احمد خلني بروحي .
أحمد يبطل الباب و يشوف شكلها ويبتسم : سارونه والله مايسوى .
سارة تقعد : شلون مايسوى فشلتني جدام الكل والله حرام انا ماسويتلها شي .
أحمد يقعد جدام سارة و يمسح دموعها : خلاص حبي انتي لاتبجين سارونه .
سارة تلم احمد وتبجي: تدري شنو الي يقهر ؟1
أحمد : شنو ؟
سارة : اني انا ما اقدر اشيل بقلبي عليها .
احمد يحط ايدا على راس سارة و اهيا ليلحين بحظنه : تربيت شهاب و مريم .
سارة : تخيل تقولي انتي مغتره بأخوج و تقولي انه اخوج مو حلو .
أحمد يبتسم : اووه اووه دافعتي عني ؟
سارة : أي .
احمد يرفع راس سارة و يبوس راسها : يالله نامي عشان باجر يمديج تقومين و تقدمين زين بالأمتحان .
سارة : اوكي يالله تصبح على خير .
احمد : و انتي من اهله .
يطلع و يسكر الباب .
يدخل غرفته و يسكر الباب ، يفتح الكبت و يطلعله تي شيرت و بنطرون سبورت حق النوم و توا ياي يفصخ فنيلته يرن تيلفونه .
احمد : حسووون ؟! شيبي ؟؟؟..........ألوووو
حسن : بو شهاب عندي لك خبر بمليووووووووووووون .
أحمد : قول .
حسن : عمي يوسف .
احمد : شفية ؟!
حسن : باجر راح يرد الكويت .
أحمد يصارخ :جذااب .
حسن يضحك : والله .
أحمد ينسدح عالفراش : ياني مشتاقله .
حسن : باجر الساعه 6 اهوا عندنا .
احمد : وين راح يقعد ؟!
حسن : اكيييييييد عندنا .
أحمد من غير قصد : لايبا تبونه يقعد بالجحر الي انتو قاعدين فيه ؟!
حسن يسكت .
أحمد يتذكر و يعض لسانه : حسووون اسف بس ماكان ( يقاطعه حسن : لاعادي اصلا متعود يالله تبي شي ؟
أحمد يقعد : حسووون زعلت ؟
حسن : لا ليش ؟
احمد : والله زعلت ادري .
حسن يتثاوب : فيني النوم بسكر تبي شي ؟
احمد بأسف : سلامتك تصبح على خير .
حسن : و انت من اهله ؟
يسكر التيلفون .
أحمد : حمار و الله حماار .

بيت حصة .
عبدالله يتكلم بالتيلفون مع احمد .
عبدالله : صج !!!!!!!! متى ؟!
احمد بحزن : باجر الساعه 6 .
عبدالله يحس بصوت احمد : احمد شفيك متضايق ؟
احمد : مافيني شي .
عبدالله : لأ فيك شي شنو من الي صار ليوم ؟
احمد : لايبا بس ....
عبدالله : أي بس شنو ؟
احمد : توا اتصل حسن و انا ضايقته و زعل .
عبدالله : ليش شصار ؟
احمد : قالي عن عمي يوسف و بعدين وين بيسكن و ...
عبدالله : أي كمل بعدين شنو ؟
أحمد : قالي انه بيسكن عندهم و انا من غير قصد قتله من صجك تبي يسكن بالجحر الي انتو ساكنين فيه ؟
عبدالله : احمدوو احنا شقايلين ؟
احمد : والله نسيت شدراني ؟
عبدالله : باجر تسامح منه .
احمد : اوكي .
عبدالله يشوف التلفزيون : حمووود يالله بدا المسلسل با ي.
احمد : باي .
ويسكر و يفكر بأبرار .
عبدالله : افففففففف هل ابرار شحلاته .
تنزل فاطمة تغني : وينك أناديلك تعال ودي اشوفك انا تعال و اسهر معي الليله ...( تشوف عبدالله : انت اهني ؟
عبدالله : أي ....فطوم تعالي قعدي ابيج بموضوع .
فاطمة : أي اوكي بس انطر بروح اسويلي قهوه.
عبدالله : لاتطولين فطوم .
تروح و بعد دقايق اتيي .
فاطمة : يالله قول .
عبدالله : فطوم شرايج أب برور .
فاطمة : تهبل ليش ؟
عبدالله : ابيج تكلمينها عني .
فاطمة تطالع الساعه : أي اوكي يالله انا بقوم انام بعد تدري باجر بنروح بيت عمي .
عبدالله : أي والله نسيت تصدقين ؟؟

الساعه 12 ونص .
سيارت شهاب .
شهاب : شرايج بالهدية ؟
مريم : مشكور يابعد عمري تهبل .
شهاب : ترا مابقى عالسفره شي زهبي عمرج .
مريم : حاضر .


.... تم البارت الرابع ...
​

 

[Super.Dano0o]

<< البارت الخامس >>​

يوم الخميس الساعه 12 .
بيت شهاب .
غرفة أحمد .
أحمد ناايم بسابع نومه و يرن تيلفونه .
احمد مغمض عيونه و يرد : همممممم
رغد : نايم ؟
احمد مغمض عين وحده : همممممم منو ؟
رغد : حبيبي شفيك انا رغد ؟!
أحمد يفز من مكانه : رغد !!!!!!!!!!!!!!!!!!!!!!!!!!!!
و يفز احمد من النوم و اهوا مخترع : بسم الله الرحمن الرحيم ....بسم الله الرحمن الرحيم ( يحط ايدا على راسه : اعوذ بالله من الشيطان الرجيم .
يشوف الساعه و يقوم .
غرفة سارة .
سارة : أي والله افتكيت قطيعة .
ابرار تضحك : هاا شبتسوين حق عمي يوسف ؟
سارة : مادري والله بشوف .
ابرار : اممممم.
الصالة .
ريم ماسكة الريموت و تفرفر بهالقنوات : أفففففففففففففففف مافي شي حلو ايام المدارس و التعب كل شي حلوو و ايام الوناسه حتى مقالب مايحطون .
ينزل احمد : شفيها السيدة ملعقة تحن ؟
ريم : على هالزفت هذا ( تحذف الريموت .
أحمد يقعد : ألا أمي و ابوي وين ؟
ريم: مادري ؟
أحمد : أمممممممممم .
لحظة صمت .
احمد يتذكر الحلم و يوقف : سارونه وين ؟
ريم : بغرفتها .
أحمد : اوكي .
يطلع و يسكر الباب .
ريم : اففففففف .
بالحديقة .
احمد قاعد على الديرفه و يدز روحه عالبطيء و يتصل على ابرار .
احمد : الووو .
ابرار : هلا والله .
احمد : هلافيج .
ابرار : امرني ؟
أحمد يوقف: ابرار انا حلمت برغد .
ابرار : رغد ؟
احمد : ابرار انا خايف .
ابرار : من ؟
احمد : انها مو مرتاحه و متضايقه و زعلانه علي .
ابرار: احمد خلاص هذا حلم .
احمد : اوكي .
ابرار : يالله تبي شي؟
احمد : لا مشكورة .
يسكر التيلفون و يرفع راسه : آآآآآآآآآآآآآآآآآآه .

بيت ابراهيم .
غرفة ابرار .
ابرار منسدحه عالسرير : مالت عليه يقول حلمان فيها و انا اهني ميته عليه .
تدخل رناد الغرفة : افففففففف مليت مليت ابي اطلع .
ابرار : اليوم بنروح بيت عمي شهاب .
رناد : امممم.
يسمعون صوت امهم تناديهم عشان الغدا .

الساعه 1 ونص .
بيت شهاب .
الكل قاعد يتغدا .
شهاب : ياعيال انا و امكم عندنا خبر .
سارة : اكييييييييييييييد حامل ؟
ريم : Nice .
أحمد : بيصير عندي اخو صغير ؟!
شهاب : لا مو حامل .
احمد : عيل ؟
شهاب : انا و امكم بنسافر .
سارة + ريم : وين ؟
مريم : الإمارات ثلاث أيام و نرجع .
ريم : واحنا ؟
احمد : شنو احنا ؟
سارة : الله يهنيكم .
ريم تهد القفشة و تصعد .
شهاب : بنتج زعلت ؟
سارة : يبا شفيك دلع بنات .
شهاب يشرب الماي .
أحمد : يبا شقة عمي يوسف زاهبه ؟
شهاب : أي زاهبه .
احمد مستانس : والله اني مشتاقله ثلاث سنوات مو شايفه .
سارة : أي والله .
أحمد : أي ساروو ملجة برهوم يوم الخميس .
سارة : صج عالبركة ، بيسوي عرس ؟!
أحمد ياكل : لأ .
سارة : حسافه ليش ؟
أحمد : يقول بيملجون ويسافرون ولما يرجعون بيسون حفل أستقبال .
سارة : أمممممم .
أم احمد ترع ايدها و تدعي : الفال حق ......( يقاطعها احمد ويدعي : الفال حق سارة و بعدها ريم أنشالله قولو أميييييييين .
الكل : أميييييييييييييييييييييييييييييين .
ام احمد : بس مو هذا قصدي .
أحمد : اكييد قصدج ابوي ؟
سارة تضحك .
أم احمد أتطق احمد : فال الله ولا فالك .
سارة تشجعت : يما يما قولي الصج شتسوين اذا ابوي تزوج عليج؟
أحمد : ماتسوي شي لأنه تحبه .
أم احمد : سارة حطي لسانج أب لهاتج و اكلي .
شهاب : لا مريم قولي شتسوين .
مريم : مصممين ؟
الكل : أييييييييييي .
مريم: انا اقولكم ، اول شي أباركله و اهني و استانس ....و وقت النوم اخليه ينام معاها و بليل اروح اخذ سجين و اقطعه قطعه قطعه ...
أحمد يطالع امه بأستغراب .
مريم : بعديييين احط كل خمس قطع أب جيس و اوزعه عالفريج و اقولهم هذي دفعة بلا عني و عن عيالي و إذا سألوني عنك أقولهم سافر لا هاااااااااااجر.
أحمد يبلع ريجه : انا شبعت ( ينحاش.


بيت جراح .
خالد : يبا يعني عمامي ماراح أيوون بيتنا بعد ؟
جراح : ما اظن عقب الي صار امس .
خالد يوقف : الا يبا ترا عمي يوسف اليوم راد و كلهم بيروحون بيت عمي شهاب .
جراح : ادري بس ماراح انروح .
خالد يقعد : ليش يبا ؟
جراح : متفشل من اخواني والله .
خالد : افففف يبا انا بروح .
جراح : كيفك بس انا لأ .
يرن التيلفون و يشيله جراح .
جراح : الوو.
شهاب : السلام عليكم .
جراح : وعليكم السلام هلا والله .
شهاب : شلونك جراح شخبارك ؟\
جراح : تمام الحمدلله أنت شلونك شخبارك ؟!
شهاب : الحمدلله والله الا جراح شوف انا بسافر باجر و ابيك تدير بالك عالعيال .
جراح : ياغالي و الطلب رخيص .
تنزل نورية و تقعد يم خالد .
جراح : يالله مع السلامة .
خالد : شيبي عمي ؟
جراح : عمك يقول انه باجر بيروح الامارات ثلاث ايام و يرجع مع مرته و يبيني اتطمن عالعيال .
نورية : والله قهر الحين مريووم تسافر و انا لأ ؟
خالد : بدينا ( يوقف : يالله يبا تبي شي ؟
جراح : سلامتك و سلم عليهم .
خالد : يوصل ( و يطلع ) .
يطلع خالد و تلحقة نورية .
نوريه : خالد يمه وقف ( تمسك ايدا : شوف حبيبي ابيك تروح هناك و تنقلي الأخبار اوكي .
خالد يطالع أمه بأستغراب .
نوريه : يالله بونسوااااااااااار .
خالد يركب السيارة : لا لا امي مستحيييييييييييييييييييييله بالمره .
يفتح المسجل و المكيف : أف أف شهالجو الخايس ....آآآآآآآآآآآآآآآآآآخ يا سارة لو تحسين فيني بس وين الله كريم.

بيت شهاب .
ريم و احمد قاعدين يلعبون سوني و ساره قاعد وراهم و ميته من الضحك .
احمد : اييب راسج والله اييبه .
ريم : لاتحاول حموود .
سارة : أي شي احمدووو ريم مصخرتك .
احمد : سكتي لا اقوملج .
سارة : انت اقدر عالصغيرة عشان تقدر علي .
أحمد يحذف اليده و يلحق سارة .
سارة تركض و ميته من الضحك ,
احمد يصعد وراها : والله ايييبج يا دلوعة ابوج .
سارة تدخل غرفته و تتسند عالباب بس ماقفلته نست .
أحمد دز الباب دزا وحده و دخل عليها.
ساره طايحة عالارض و ميته من الضحك .
أحمد يقرب صوبها و يسحبها من ايدها شوي شوي : يبتج ولا لأ ؟
ساره : حموود اسفه خلاص .
أحمد يشيلها و يحذفها عالسرير ويمسك دولكت الماي و يفرقها على سارة و يركض تحت و يروح يفتح الباب على اساس بينحاش و يدعم بخالد و يطيح .
خالد يقوم أحمد : شفيك طاير ؟
احمد يلهث : سارو لاحقتني .
تنزل سارة و تشوف خالد و تنزل راسها .
خالد يشوف سارة الي متسبحة بالماي و يضحك : شفيج ؟
سارة : ولد عمك فرق الدولكه على راسي .
احمد ميت من الضحك .
خالد يطالع احمد و يطالع سارة .
سارة : خالد ولي يسلم عمرك مسكة .
خالد يقول بقلبه فديت اسمي على لسانج : حااااضر ماطلبتي شي يا بنت العم .
احمد يطالع خالد : يا الخاين .
خالد يقرب من احمد بس احمد كان اسرع منه و دش داخل البيت و دعم بسارة و كمل .
سارة تقوم و تلحقه و يركض وراهم خالد الي كان ميت من الضحك عليهم .
ريم نزلت : شصاير ؟؟؟

,,, تم البارت الخامس ..
​

 

[Super.Dano0o]

وين الردود

 

[نورة أشعاري]

واصليي احنا معاج