أول حمل لي ومحتاجه مساعدتكم ..

[بنت بني تميم]

السلام عليكم ورحمة الله وبركاتهـ ..
راح ادخل بالموضوع على طول هذا اول حمل عسى الله يسهل لي ويثبته ويجعله سليم معافى يارب ..
انا توني داخله بالشهر الثاني وحجمه مرررررره صغيرررر داخل الكيس ..
أنا حابه اسأل عن الغذاء بفترة الحمل
ايش الماكولات اللي مهمه بفترة الحمل والمشروبات والأشياء المضرة للحامل ؟
وكمان عندي سؤال متى أبدأ عنايه للوجه والجسم في أي شهر ؟
ودعواااااااااتكم لي بالتوفيق ..

 

[بنت بني تميم]

سويت بحث بقوقل لقيت انه استخدام العطر والمكياج يضر الجنين وقد يسبب العقم هل هذا االكلام صحيح او خاطىء ؟؟؟؟

 

[نونه الزعفرانه]

نفس سؤالج ؟
اول حمل لي

 

[قتوة البدو]

الدكتور اللي تراجعيين عنده راح يعطيج ورقه مكتوب فيها كل شي وراح يعطيج فتامينات واهم شي فولك اسد
والله يتمم عليج ويرزقج بالولد الصالح​

 

[@ام يوسف@]

الله يتمم ويرزقج الذريه الصالحه

 

[ام شيخوه]

ماله علاقة المكياج والعطر مو كل شي تصدقينة

 

[بنت بني تميم]

الدكتور اللي تراجعيين عنده راح يعطيج ورقه مكتوب فيها كل شي وراح يعطيج فتامينات واهم شي فولك اسد


والله يتمم عليج ويرزقج بالولد الصالح​

مشكورة حبيبتي لكن هو قال لي الفيتامينات ماراح يعطيني هالحين لأني توني داخله بالشهر 2
اللي ملتزمة فيه حمض الفوليك ..

 

[بنت بني تميم]

نفس سؤالج ؟
اول حمل لي

الله يسهل لنا ويقوينا يارب ..

 

[بنت بني تميم]

الله يتمم ويرزقج الذريه الصالحه

آمين يارب مشكورة حبيبتي ..

 

[بنت بني تميم]

ماله علاقة المكياج والعطر مو كل شي تصدقينة

خوفوني والله من قريته
مشكورة حبيبتي ..

 

[Eng.Kokoro]

الاكل نفسه من المجموعات الأربعه 
الحليب ضروووووري كل وجبه نوعي فيه روب جبن لبن وغيرهم لانه يسحبه منج ومع الحمال بتحسين بعوار بعظامج بيكون من الكالسيوم
الفواكهه والخضرا وتوني عرفت انه عصير البرتقال و الأفندي وغيرهم مفيديييين حق الماي حولين الجنين
خففي الفاست فوود

في موضوع منزلين فيه الاشياء اللي تتفاداها الحامل


واذا الجنين صغير عادي بالشهر الثاني شوي شوي بيكمل جسمه واعضائه

والعطور. والمكياج ماله شغل :/ لو جذي ممنوع عالحامل العروس و الطلعات خخخ وخل تطلع ووبيهها اصفر 

 

[mamlaka33]

الف مبروك والله يتمم لج على خير \\ انا اللي عرررفته ان الحليب مهم جداا للحاامل خصووصا اول 3 شهور ومشتقااته والفوااكهه مهمه بس ابعدي عن الاناااناس والكيوي وهم بعد الخضرواات مفيده وابعدي عن اكل المطااعم لان ممكن يسبب تسمم لا سمح الله وانتي بعد ماتدرين عن نظاافتهم والفلفل الاسوود والداارسين والقرنفل والاعشااب كلها بعدي عنها لانها ممكن تسبب اجهاض لا سمح الله \\ والله يتمم عليج حبيبتي

 

[ابدا يالغالي مانساك]

مبروك حوبي ورربي يمم ويبارك
وبخصوص العطور والمكياج مافيه بنت تستغني عن هالاشياء لووووووول
خخخخخ حتن لو حامل ومايتوقع يضر يعني من صجج فيه وحده حملت ستغنت 9 شهوررر عن المكياج والعطر مستحيل

 

[ام الحلوااات]

مــــــــبـــــــرووووك اللــــــــــه يـــثـــبــــت حــــــمـــــــلـــج ويــــتــــمـــــم عــــلـــيـــــج

 

[om MaRyooM]

الله يتمم عليج



اخذي الامور ايزي ولاتتسالين وايد وخلي حياتج طبيعية جدا هذي اول نصيحة


وثاني شي اهم شي تكثرين من الماي والخضار والفواكه

واهم شي الفيتامينات (بريجنا بلان) من افضل الفيتامينات للحامل


ولاتاخذين اي دوا ثاني او حتى فيتامين من غير ماتشوف دكتورتج تحليل الدم



والاشياء المضرة طبعا الاكل الدهني والمقلي نفس اكل المطاعم

ولاتكثرين من الانناس
واي شي ثاني عادي :eh_s(9):




والعناية تبلش من الحين

ولما تكبر بطنج كل يوم دهنيها بكريم بالمرز عشان التشققات

 

[om MaRyooM]

فيه وحده حملت ستغنت 9 شهوررر عن المكياج والعطر مستحيل

اي انا استغنيت عن هالسوالف :eh_s(11):

كانت نساتي جايدة استغفراللللللللللللللله ذكرتيني

 

[KOKO_284I]

هلا حبوبه

الفوليك مهم جدا واستوري طول الحمل عليه

الاكل اكلي كل يوم هالسوالف

زبيب اسود 21 حبه .. سنه عن النبي غير فوايده العظيمه

المشمش المجفف غني جدا ومفيد للحامل

التونه على الاقل مره بالاسبوع

البروكلي السبانح الفلفل الاخضر للحديد ... انا احط البوكلي الفلفل الاخضر والبروكلي بالسلطه

الفواكه بانواعها بس عندج الموز غني جدا ... والكيوي غني بفيتامين سي اكثر من البرتقال

كثري من عصير التوت البري ( عشان لا يصير لج التهابات بالرحم وحق الافرازات )

اللوز يخلي الطفل ذكي ويقويج ( خمطه ايدج ) مو محمص

السفرجل يحلي الياهل ويطلع ذكي

التمر 3 او 5 او 7 طبعا ما يحتاج اشرح فوايده ( اخذيه بارقام فرديه لان يعطيج السكريات المفيده ( سنه عن النبي )


الرمان اكلي رمانه كامله بروحج لا احد يشاركج فيها عشان تاخذين فايده كامله وما يصيبج اي مرض خلال فترة الحل

واخيرا طبعي سوره ال عمران كامله ولبسيها طول قتره الحمل تحفظج وتحفظ البيبي

انشالله اكون فدتج : )