أولياء امور بالمدارس الحكوميه الاعتصام يوم الثلاثاء

[نونا**]

السلام عليكم

احب انقلكم خبر اعتصام جمعية المعلمين يوم الثلاثاء القادم الساعه 10

التفاصيل هني

http://www.q8yat.net/showthread.php?t=713645

ووتواجدكم واجب

لافشال اطالة الدوام

ترا اذا ماصارت اي ردة الفعل السنة اليايه راح يصير الدوام لي الساعه 3 على لسان الوزيره

شاركونا في رفض القرار

والمعلمات والمعلمين ماراح يدامون

 

[عشق]

رد : أولياء امور بالمدارس الحكوميه الاعتصام يوم الثلاثاء

والله ذكرتيني بيوم كنت بالثانويه عسى ما طلع قرار الا سوينا اعتصام واحتجاج

اهو يوم واحد بالاسبوع

ليش معترضين عليه ماني عارفه

 

[أم حمودي**MALL**]

بالنسبه لي عادي خل يدامون ل 2
ماله داعي اعتصام!

 

[نورالقمر24]

عادي بعد شنسوي كله يوم واحد

 

[مجبوس]

رد : أولياء امور بالمدارس الحكوميه الاعتصام يوم الثلاثاء

واي بنات ليش جذي سلبيين ماكو ردة فعل اتقولكم هذي تجربه علشان السنه اليايه يخلونها لي الساعه 3 هم بتقولون

عااااااااادي ليش ماشاءالله جنه الجو يساعد زوقه حر موت وبعدين ابصراحه هالوقت الي زادوه حق النشاط ماله داعي

البنات طاشين لا مستفيدين من نشاط ولا بطيخ يعني هالوقت ضايع علي الفاضي خل يردونه مثل قبل ياخذون من كل حصه

خمس دقايق ويطلع لهم وقت حق النشاط مالع داعي هالويه يعني نطلع 2 من الدوام والي عنده خمس اوست يهال علي ما

ياخذهم من المدارس يويص البيت ويتغدا إلا اليوم ضايع ياناس حراااااااام عليكم رحمونا :eh_s(11):

 

[عشق]

رد : أولياء امور بالمدارس الحكوميه الاعتصام يوم الثلاثاء

مجبوس
احنا مو سلبيين
كل واحد يقول رايه
بعدين المدارس الخاصه يطلعون بعد الساعه 2 محد اعترض
واذا عالنشاط توهم اول اسبوع نطروا عليهم
واذا عالجو قاعد يتعدل

 

[سفرجل]

انا عندي عادي
شىء من مصلحتهم وفي نشاط راح يستانسون
والله انتوا اتحرقون اعصابكم واعيالكم مستانسين

 

[توتاتوتا]

مع اني موب معلمه بس احس فيكم يعني تطلع الساعه 3 ليه ماوراها بيت و مسئوليات... يبون يعفون الكيويتيه من التدريس و تقعد على الوافدين!!

و لا ورا الغرب بكل شي ... ترا الدراسه موب بطول اليوم الدراسي .. الدراسه بالنوعيه من مناهج و اعداد معلمين

لو اني مدرسه او ولية امر لطالب حكومي اعتصمت معاكم

بالتوفيق

 

[اطياب طيبه.أم عبدالله]

الله يعين
يعين شنو ذنبهم اولي ابتدائي ؟؟

منهج اخرطي واغلب المدرسات للحين ماداومو على شنو يقعدونهم للساعه 2 ؟؟

بنتي تقول قعدوا ماسواا شي يوم الثلاثاء يعني على الفاضي واولياء الامور يموتون من الحر بالخيسه

 

[نورالقمر24]

انه بنتي كانت مستانسه من النشاط اوناطره يوم الثلاثه حق النشاط

 

[نونا**]

يا بنات هذا الموضوع للعلم فقط

لان وحده من اولياء الامور اطلبت يعرفون عنه جميع اولياء الامور

مأيدين رافضين براحتكم

لكن احنا المعلمات مابذنا ماي

اللي صار بهذله بيوم النشاط وحر وزحمة والجو مايساعد ان جانكم راضين انتم احرار

وشكرا على تواجبكم

 

[أم حمني المزيون]

آنا ولية أمر مو أبلة ومعاااكم بكل اللي تسوونه أصلا عيالي يقولون يمه سووا الحصة الأخيرة طويييييلة وحتى المدرسات وقفوا الشرح وقالوا هدووووء ما نبي صووووت لين طق الجرس !!!!ليش بالله ؟؟؟؟وعيالي 3 وكل واحد بمدرسة ولا واحد منهم عطوه نشااااط!!!! واحنا كأولياء أمور ماكو أي رد فعل؟؟؟؟؟

 

[كويتية صغيرة]

رد : أولياء امور بالمدارس الحكوميه الاعتصام يوم الثلاثاء

والله انا كمبدأ بصراحة عادي عندي يوم بالاسبوع يتأخرون ....علشان يلعبون رياضة ويستانسون مع اصدقائهم
كاهي المدارس الخاصة كلهم يطلعون الساعة 2ونص ....و3 ويوصلون س 4..... وعلى قلبهم احلى من العسل
ولاصار الشي بالحكومة... قامت القيامة

بالعكس انا عيالي وايد استانسو
بحصة النشاط .....ولدي لعبو كرة قدم بصفه كله حصة كاملة .....يقولي يمه من زمان ودنا نلعب كله يقولون ماكو وقت
وبنتى طلعت مواهبها بالرسم مع صديقاتها

لازم يدخل شويه ترفيه ونشاط ....مو كله جد وحصص كئيبة ودراسة
ملينا من الجد ....خل اليهال يستانسون شوية لو يوم واحد بالاسبوع يفرفشون و يمارسون نشاط او اي هواية تخفف عنهم مايضر

اللي المفروض صح يتغير ومن باب العدالة
الموظفة الكويتية (اقصد المدرسات معترضين لانهم يبون يرجعون البيت مبجر )

وهذي لها حل:
المفروض يخلون التأخير اختياري للمدرسة و يعطون زيادة فلوس على تتحمل مسؤولية النشاط
يعنى المدرسة اللي تتأخر الى س 2 ....يعطونها مقابل

لان اللي لاحظته ان المدرسات معترضين اكثر من اولياء الأمور

 

[Um_3boud]

بدام فيه مصلحه حق اعيالي خلي يداومون لساعه 2 كله يوم واحد بالاسبوع
انا مع مصلحة اعيالنا

 

[::كيك وعسل::]

ما اقول الا هاذي الكويت صل على نبي

 

[أم حمودي**MALL**]

انزين انا مو مدرسه بس موظفه وكل يوم اطلع الساعه 2 من الدوام؟!
ويومي ضايع على ما اييون اليهال ونتغدى صارت 4 وللعلم ترى بعدي مادرست
ومثل حالتي واااااااااايد موظفات اللي تطلع 3 واللي 4
بس ماسوينا نفسكم!!

 

[نونا**]

بس ماسوينا نفسكم!!

طبعا ماتسوين

مكتب وبالبراد وماكو شغل

اضافة لان الدوام يبتدي من 8!!

وكادرات وبدلات

المعلمة من الساعه 7 وربع بالمدرسة مناوبة وحصة اولى وتدريس اكثر من صف واوراق عمل وتصحيح ومطلوب نماذج امتحانات منها وتحضير

وتحضير الدرس ووسايله عشان توصل المعلومه للطالبه غير انه ننصح الطالبات اذا شفنا سلوكياتهم مو زينة

ومناوبة على الهده

وبيع بالمقصف والمناوبة بالفرص

كل هذا مابين بعينكم كوليات امور

والله انه الهدايا انييبها من معاشاتنا عشان نشجع طالبتنا

دام هذي نظرتكم الله يعينا

جحود ونكران لدور المعلمة

اللي يبي عياله يداومون لي الساعه 2 كيفه

لان هادينهم يفترون بالشمس ولا ابله رضت بالمنظر

لكن اذا وليات الامر راضين لي شفنا هالمناظر راح نسكت احنا شكو

اخرتها جاحدينا وجنه مسوين جريمه

المهم انا نفس ماقلت والله حطيت هالموضوع لان في امهات يبون يشاركون عشان مصلحة عيالها

اما والله اللي تبي نقعد مع عيالها لي الساعه 2 عشان حضرتها تشرف للبيت عبالها حضانه مو مدرسه والله براحتها

احنا امهات ومتزوجات وعندنا بيوت

وهم في وليات امر مو راضين عيالهم ينقعون بالشمس ويومهم كله يضيع على شي مايسوى!

اجدد شكري لكم هالكلام ريح ضميرنا وشال مسؤوليتنا كمعلمات لما نشوف طالب او طالبة بالشمس مهدود نقول امهاتهم راضيين!!

 

[نونا**]

مع اني موب معلمه بس احس فيكم يعني تطلع الساعه 3 ليه ماوراها بيت و مسئوليات... يبون يعفون الكيويتيه من التدريس و تقعد على الوافدين!!

و لا ورا الغرب بكل شي ... ترا الدراسه موب بطول اليوم الدراسي .. الدراسه بالنوعيه من مناهج و اعداد معلمين

لو اني مدرسه او ولية امر لطالب حكومي اعتصمت معاكم

بالتوفيق[/quote

والله هالحجي يبرد الجبد

استغربت الصراحة من ردود اللي تقول والله هذي شغلتكم!!

واله عيب جنه في بينها وبين المدرسة عداوه خل يخلون الحقد شوي

المدارس مو مغلقه ولامكيفه اليهال بالشمس هادينهم بالساحه ماكو مظلات!

باي حق طالب عمره ماتعدى 7 سنين يقعد بدرجة حراره فوق 45!!

في امهات اعوذ بالله شلون الله قسى قلبها

لو المدارس مصكره ومكيفه وفي برادات ماي وكتفتيريا نفس المدارس الخاصه ميخالف لكن بالهمدارس التعبانه لا والله!

عالعموم اشكر ردج وانا مثل ماككرت ماحطيته الى على طلب ولية امر

اهوا بالمره مايتعبون نفسهم ويودون عيالهم لان راح نغيب

 

[أم حمودي**MALL**]

اختي صاحبة الموضوع ترى ماله داعي هالرد سويتيني حقوده ومو هامني مصلحة عيالي!!
احب اقولج دوامي من 7-2 لازم اقعد من فير الله عشان ازهب اليهال واكون 7 بالظبط بدوامي
غير جذيه يحوشني شفتات دوام من 2 الظهر لي 9 بليل اكو وحده تهد عيالها هالفتره؟
والله يكسرون خاطري محد درى عنهم يا قلبي
وغير الخفارات مايحوشني غير يوم واحد بالاسبوع اجازه
تخيلي نفسج مكاني تشتغلين 6ايام بالاسبوع ويوم واحد راحه
هذا غير دوام الاعياد والعطل الرسميه كل يوم وترك
لو بتحجى ما اخلص

 

[مــ_ــا مــ_ــي]

والله اذا هالاطاله في مصلحة عيالي ما اعارض عليه ... وما حطو هالوقت الزايد عشان الطلبه ساكتين ينطرون الجرس .. هذا تقصير من المدرسين وشي بذمتهم وعادي اغلب الدوامات يطلعون الساعه 2 ومافيه احسن من دوام المدرسه غير عن باقي الدوامات هذا غير عن العطله 3 شهور بعض الدوامات عندهم شفتات ومخلين عيالهم هذا شغل ولازم النشاط يتم على وجه كامل مو قاعدين لا شغل ولا مشغله ومخلين الطلاب جذي ....

لو قالو هالاطاله فيها زياده 100 دينار جان قلتوو عادي بس بدون زيادات ما تبونه ... لو تشوفون الدول الثانيه شتسوي المدرسه المسكينه جان حمدتو ربكم ... والا هني كل مدرس ومدرسه يدوام بالمدرسه اللي جنب بيتهم عكس بعض الدول يتغربون عن اهلهم عشان لقمة عيشهم