آه واويلاه مــــــــن عمن ظـــــلوم
بعد مـــا ابويه رقد تحت الــــــــتراب
القمر لو غاب ماتفيد النجـــــــــــوم
وعسى بيتن عقب عمــره خــــراب
كيف ابهجع وأهتني في حــل نوم
وأمسح ادموعن مثل طش السحاب
بعد ماحكمي على اسرتنا عمـــوم
صرت أنا بعـــيونهم مثل الذبــــــاب
أرتدي للمدرسه برد الهــــــــــــدوم
وبنت عمي ترتدي أغلى الثيـــــاب
إن طلبته حاجتن فيـــــها لـــــــزوم
صد عني دون يعطينــــي جــــواب
طال همي وأغتيابي واللـــجـــــوم
آه يادنيا التعاســـــــه والعـــــــذاب
ومرحباً يا قبر في كفــــــــن رحـوم
وعسى يجـــزاه ربي بالثــــــــواب
ليت من قبره ولو ساعه يقــــــــوم
يشهد اللي صابني بعز الشبـــــاب
فوق ماعندي من أحزان وهمــــوم
زوجوني شايبن غـــدر الثيــــــــاب
الدقيقه جنها تسعـــــــــــــــين يوم
ليتني ارقد معه تحــــــــت التراب
الجزء الاول
عائله حمد..
حمد ابو سهيل متزوج وعنده سهيل عمره ثمان سنين,واليازيه عمرها
ست سنين وما شالله عليها حلوه وفاهمه مع أنها صغيره ,وفاطمه عمرها اربع سنين,وندى عمرها سنتين,ومحمد عمره ست شهور,وزوجته ميثاء..
العم راشد أخو حمد بنته موزه عمرها ست سنين..وزوجته حصه...
المكان:مدينه العين
الوقت إجازه الربيع.
قرر حمد الذهاب بعائلته إلى جميع إمارات الدوله وفي السياره
حمد:شو رايكم من وين نبداء من الفجيره ولا بوظبي..
ميثاء:بنشوف شو راي الاولاد ياحمد بنسوي تصويت وفي خاطرها
تقول ,,الله يستر من هذي الرحله,,هاه من وين نبداء رحلتنا
سهيل وهو يصيح ما يبا يسير ما صدق بالاجازه يبا يلعب فالحاره:أنا
قلتلكم ما بسير بيلس في بيت عمي راشدويلس يصيح.
اليازيه:الراي رايك أبوي
فاطمه بعدها صغيره همها اللعب وتقول:بنثير حديقه هيلي.
ندى راقده.
حمد:خلاص بنسير الفجيره هناك المناظر حلوه وعقب بنكمل شو قلتوا
ميثاء:أوكيه الراي رايك يابوسهيل يعلني ما خلا منك.
حمد:فديتج ياأم سهيل أهم شي راحتكم ماعندي غيركم.
سهيل:أبوي دامك مهتم لراحتنا رجعني بيت عمي راشد دخيلك يا بوي
حمد:لا حول ولا قوه الا بالله,يا ولدي عمك مابيهتم فيك أخوي وانا
أعرفه.
اليازيه :خلاص سهيل لا تزعل كم يوم وبنرجع.
سهيل:أوكيه بس مره ثانيه مابروح معكم.
حمد مطول على المسجل أغنيه عبد الكريم.
مشتريه وبماي عيني ومدلله مشتريه
ويطالع زوجته ويغمزلها و ميثاء منزله راسها ومستحيه
وفجأه بنجر التاير وحاول حمد يسيطر على السياره والكل
يصارخ وخايفين
حمد:تقبظوا أنتبهوا
ميثاء حضنت محمد وهو يالس يصيحوالسياره تفتر يمين ويسار
واليازيه تحاول تمسك فاطمه وندى ويالسه تقرا سوره الافتحه وتدعي
أن الله يسلمهم.
سهيل يصيح:ابوي وقف السياره الله يخليك.
وفجأه انجلبت السياره يمين الشارع وكان المكان كله رمال وعراقيب
وتجمعوا الناس والشرطه على السياره يحاولون يطلعون اللي فالسياره
حولو يطلعون حمد لكنه كان متعور وايد ويقول للناس عيالي ورى الله
الله فيهم وفجأه انقطع صوته أخذه الموت عن عياله,الله يرحمه,وبطلوا الباب اللي ورى وحصلوا اليازيه حاضنه فاطمه وندى وأندهشوا الناس حليلها صغيره وتخاف على أخوانها وطلعوها من السياره واليازيه مغمى عليها وملابسها دم ومتعوره وركبوهم الاسعاف..وشويه يحصلون سهيل طايح حذال السياره ويشيله واحد من الموجودين ويوصله المستشفى ,
ويلسوا الناس يدورون وسمعوا صوت ياهل يصيح وتبعوا الصوت ولقو
محمد وتأثروا من الموقف ميثاء حاضنه محمد وهي متوفيه والدم ينزف منها ومحمد يصيح وويه مغبر وعلى ويهه دم من أمه الله يرحمها.
الضابط:وين الاسعاف حد يشيلهم ويوصلهم المستشفى وأتصلوا على
قرايبهم وخبروهم بالحادث
عائله أحمد
أحمد وزوجته نوره متزوجين لكن الله مارزقهم باولاد وكانوا موجودين
وقت الحادث,وما شاءالله عندهم فلوس ومرتاحين.
نوره متأثره لحال اليهال أبوهم مات وأمهم ماتت وأصرت على زوجها
بانه يلحقهم للمستشفى..
أحمد:والله مايستاهلون الله يعينهم ولازم نوقف وياهم ونقوم بالواجب
عند باب الطوارئ في مستشفى راشد في دبي.
أحمد هاه يا دكتور بشر اشحال الاولاد عساهم بخير.
الدكتور:والله الاصابات خفيفه رضوض وشويه جروح بس لازم يترقدون
يوم أو يومين تحت الملاحظه,أنت تقربلهم
أحمد: لا والله بس حيبت اطمن عليهم.
الدكتور جزاك الله خير بس أبوهم أمهم ماتوا فالحادث كانت الضربه قويه
من صوبهم.
أحمد:الله يرحمهم.
نوره يالسه عند اليهال وتحاول تسكت محمد االلي يالس يصيح,,اليازيه نظفوا الجروح اللي فيها
وعالجوها ويالسه تصارخ وين ابوي وين أمي
ماتعرف أن الموت أخذهم بعيد عنها وبتعيش وبدون اب وأم بتعيش يتيمه
ونوره تأثرت من كلام اليازيه والدموع في عينها وحاولت تخفي دموعها
عن اليازيه كم هي مؤلمه هذه اللحظه,وطلعت من عند اليازيه ومعها محمد وتصيح وسارت صوب
زوجها وقالت له:أتصل على حد من قرايبهم ايي يساعدهم,أحمد سار عند الضابط وأتصلوا على
عمهم راشد وصله الخبر وكان ياي فالطريق بس كان ما يعرف ان أخوه وزوجته ماتوا.
العم راشد:يله أنا ياي فالدرب وكانت الساعه الرابعه عصراً,ويقول
فخاطره(ياخوي والله أنك بليتني الله يسامحك).
العم راشد:هاه ياحضره الضابط وين أخوي وعياله.
الضابط:ايلس يارشد واسمعني عدل ترى الموت حق ومحد
دايم وأخوك هو وزوجته الله يرحمهم توفوا فالحادث.
العم راشد:لا حول ولا قوه الا بالله.الله يرحمك ياحمد,والحين شو المطلوب يا حضره الضابط..
اليوم الثاني.
في مسجد الشيخه سلامه فالعين.صلوا صلاه الغائب على حمد
وزوجته وبعد الصلاه دفنوهم في مقبره العوهه...وكان العزا في بيت
راشد وخلص العزا..
في بيت العم راشد
زوجه العم راشد:هاه ياراشد شو بتسوي فاليهال أنت تعرف اني
ما أحب الحشره ومب ناقصه عوار راس.
العم راشد:مالهم حد غير شو بيقولون الناس عني.
زوجه العم راشد:شوف أنا بربي عيالي وأنت تصرف ويا عيال أخوك.
العم راشد:حاضرين.
في بيت أحمد زوج نوره.
اليازيه متأثره ومب مصدقه اللي صار وتفكر فالمستقبل كيف بيعيشون
ومنو بيصرف عليهم وقلبها على أخوانها خايفه عليهم من الايام...نوره
طالعه من دوره المياه سبحت محمد,هاه اليازيه وين أخوانج
اليازيه:سهيل يالس فالحجره مايكلم حد وفاطمه وندى رقدوا
نوره:بسير أشوف سهيل.....
نوره:سهيل تعال تحت عندنا بلاك يالس اروحك.
سهيل:مابا بتريا ابوي وأمي بيون ياخذوني ويلس يصيح..
نوره تحاول تسكته لكن ما قدرت وتأثرت ويلست تصيح عنده وتحاول
تهديه...
أحمد:نوره بلاج تبكين شو مستوي.
نوره:سهيل يا أحمد يبا ابوه وامه ويصيح والله انه كاسر خاطري..أحمد
بطلب منك طلب..
أحمد:آمري يا نوره
نوره:رمس عمهم راشد خل اليهال يعيشون عندنا أنا بربيهم أنت تعرف ماعندنا عيال
وبنكسب أجر..قال رسول الله صلى الله عليه وسلم (أنا وكافل اليتيم في الجنة كهاتين،
وأشار بإصبعيه السبابة والوسطى)
أحمد:أنا بعد فكرت بس عمهم يمكن ما يوافق.
نوره:حاول ما بتخسر شي.
في بيت أحمد بعد الحادث باسبوع..
أحمد:مرحبا راشد اشحالك
العم راشد:هلا أحمد بخير الله يعافيك..ومشكور الصراحه ماعرف كيف
أشكرك يا بوشهاب على وقفتك ويانا قمت بالواجب وتعبناك ويانا وأنا اليوم
ياي آخذ اليهال أنا ملزوم بهم..
أحمد:أفا عليك العيال حسبت عيالي ماسويت الا الواجب.
العم راشد:والله انك راعي واجب,والمهم اسمحاي أنا بتوكل وراي درب
طلع اليهال ورانا درب.
أحمد:يا راشد عندي طلب.
العم راشد:آمر
أحمد:شو رايم تخلي اليهال عندنا كم اسبوع الين ينسون الحادث.
العم راشد:مايصير ياأحمد وراهم مدارس والتزامات..بس أن شالله
بيزورونك بين فتره وفتره..
أحمد:اللي تشوفه..
نوره تجهز العيال وتودعهم وتقول تراني بيكم لازم أزوركم.
اليازيه:مع اسلامه خالتي نوره ومشكوره على أهتمامج وتحاول تخفي
دموعها اللي مافارقتها من يوم الحادث..
في بيت العم راشد...
زوجه العم راشد:سهيل واليازيه عن المشاكل والحشره فالبيت يا ويلكم
إذا سويتوا حشره..
سهيل:إن شالله..
اليازيه تقول فخاطرها الله يرحمك يابويه والله يستر من عمي وزوجته
والخوف مقطع قلبها من الايام اليايه..ومرت الايام واليازيه تفكر في
أخونها وقررت أنها ماتكمل الدراسه عشان تهتم في أخوانها وتساعد
زوجه عمها المتسلطه..وكل يوم مشاكل مع زوجه عمها تخليها تنظف
البيت وتغسل ثياب أخوانها حتى بدا عليها المرض ولكن عمها
ما اهتم فيها ولا زوجه عمها...اللي كل يوم تسمعها كلام يجرح..
واليازيه كالعاده تصحو فالصباح الباكر وتجهز بعض السندويشات
التي تتقنها..والتي لاتعرف غيرها...وجبتهم المعتاده في بيت عمهم
بعض قطع الخبز وقليل من الجبن...ويرجعها الحنين والشوق الى
والدتها...كم كان طعامها لذيذاً ليتني تعلمت منها القليل...
موزه بنت العم راشد:اليازيه شورايج في ملابس المدرسه اليديده..
اليازيه:حلوه عليج ياموزه..
وسرحت اليازيه بأفكارها الى أبعد الحدود تمرر في ذهنها شريط للذكريات القديمه
يوم كان أبوي عايش كنت البس افضل الملابس أما الان..لا أعلم هل سألبس ملابس
جديديه فالعيد...هل سأفرح فالعيد كباقي الاطفال...وأخواني سهيل..وفاطمه
وندى..ومحمد..هل سيفرحون ...ماذا يخبئ لنا القدر والايام...
هل هي أيام سعيد؟
أم ستكون أيام تعيسه...كما كنت أشاهد بعض الرسوم المتحركه!!!!
والكثير من الأسئله المؤلمه ولم يقطع تفكيرها...سوى صوت ابنه عمها...موزه
موزه:يله اليازيه ما بتسيرين المدرسه.
اليازيه:أنا خلاص ما بسير المدرسه مالي مكان هناك بعد ما توفى ابوي..
مكاني البيت أرعى اخوني وأهتم فيهم...
ماهو مصير اليازيه؟؟هل ستوافق على اكمال دراستها.؟؟؟
زوجه العم راشد:راشد شو رايك تبيع بيت اليهال تراك أنت المسؤول عنهم كم صرفنا عليهم خلنا نأخذ
حقنا وخل لهم جزء بسيط من الفلوس..
العم راشد:والله فكره...بس البيت ما أقدر اتصرف فيه لان البيع عن طريق المحكمه...خساره والله...
وسمعت اليازيه الكلام اللي بين عمها وزوجته وخافت انهم يبيعون البيت وعلى طول خبرت أخوانها
وأتصلوا على نوره اللي وقفت وياهم ايام الحادثوخبروها بالسالفه وطمنتهم انه مايقدر يبيع البيت
وإذا استوى شي بتوقف وياهم...ومرت السنين سنين الحرمان وكبرت اليازيه وزاد التعب عليها
استوى شغل البيت عليها وزوجه عمها هي اللي تآمر وتنهي....والحين عمر اليازيه 16 سنه
وسهيل 18 وبعده فالاعداديه...وفاطمه 14 سنه...وندى 12 سنه.... ومحمد 10 سنين...
وسهيل تعرف على شباب من رفاق السوء ودوم يرد البيت متأخر وما يسمع نصايح أخته
وكبرت اليازيه وماشاء الله عليها قمر وفي يوم من الايام ياهم ريال كبير فالسن وعنده فلوس...
يبا يتزوج اليازيه...وأغرتهم الفلوس أغرت عمها وعمتهم...
سلطان:هاه يا راشد أنا طالب يد بنت أخوك اليازيه وأنا مستعد باللي تامر عليه...
العم راشد:والله ماعرف شو أقولك بس عطنا كم يوم بشاور البنيه....
سلطان:خلاص بعد أسبوع ردلي الخبر..
العم راشد:إن شا الله..
...
العم راشد:حصه تعرفين سلطان التاجر المعروف تقدم لليازيه شو رايج...
زوجه العم راشد:مايبالها كلام وافق وانت مغمض هذي صفقه زوجها اليوم قبل باجر...
بنستوي عيال عز يا راشد..
العم راشد:هيه والله فرصه ما تتعوض..
العم راشد:سهيل واليازيه تعالوا عندي لكم موضوع..
وساروا عنده وخبرهم بالموضوع وأنصدمت اليازيه وماتعرف شو تسوي وشو تقول معقوله عمي يزوجني
وأحد أكبر عني باربعين سنه وأنه بعدني صغيره...وسهيل عصب على عمه وضرب عمه..
العم راشد: يا مسود الويه يا سهيل والله ان شفتك في بيتي يا ويلك أذلف الله لا ردك.
سهيل:بطلع بس والله لو زوجت أختي يا ويلك أنا براويك...
اليازيه:عمي أنا ماريد أتزوج بعدني صغيره وأخوني محتاجيني أرجوك يا عمي.
العم راشد:ولا كلمه بتتزوجين يعني بتتزوجين هذا عريس ما يتفوت عنده فلوس...
وسارت اليازيه تصيح وتندب حظها...
وبعد اسبوع..
سلطان:هاه يا راشد بشر..
العم راشد:مبروك يا سلكان البنيه وافقت وما بتحصل ريال شراتك بس ترا المهر 300 الف..
سلطان:الله يبارك فيك...والمهر لو مليون أنا حاضر..
العم راشد:خلاص ترا العرس الاسبوع الياي...
سلطان:تم
العم راشد:اليازيه تراني حددت موعد العرس...تراه بعد اسبوع فاهمه...
اليازيه منزله راسها وتصيح وما ردت على عمها...وتقول في خاطرها
آه واويلاه مــــــــن عمن ظـــــلوم...بعد مـــا ابويه رقد تحت الــــــــتراب
القمر لو غاب ماتفيد النجـــــــــــوم...وعسى بيتن عقب عمــره خــــراب
كيف ابهجع وأهتني في حــل نوم...وأمسح ادموعن مثل طش السحاب
بعد ماحكمي على اسرتنا عمـــوم....صرت أنا بعـــيونهم مثل الذبــــــاب
أرتدي للمدرسه برد الهــــــــــــدوم...وبنت عمي ترتدي أغلى الثيـــــاب
إن طلبته حاجتن فيـــــها لـــــــزوم...صد عني دون يعطينــــي جــــواب
طال همي وأغتيابي واللـــجـــــوم...آه يادنيا التعاســـــــه والعـــــــذاب
ومرحباً يا قبر في كفــــــــن رحـوم...وعسى يجـــزاه ربي بالثــــــــواب
ليت من قبره ولو ساعه يقــــــــوم...يشهد اللي صابني بعز الشبـــــاب
فوق ماعندي من أحزان وهمــــوم...زوجوني شايبن غـــدر الثيــــــــاب
الدقيقه جنها تسعـــــــــــــــين يوم...ليتني ارقد معه تحــــــــت التراب
اليازيه:فاطمه عمي بيزوجني واحد أكبر عني وانا مب موافقه وبيغصبني عليه شو أسوي
فاطمه:شو رايج نشرد ونسير عند نوره اللي فدبي بتساعدنا وايد...
اليازيه:لا عمي بيعصب ومافيني أدخل نوره في السالفه مالها خص ما بدخلها في مشاكلنا..
فاطمه:أنزين بخبر سهيل يمكن يقدر يسوي شي...
اليازيه:سهيل أنطرد من البيت عمي طرده وما بيده شي وقالت..
آه واويلاه من عمٍ ظلوم...بعد ما ابويه رقد تحت التراب...
فاطمه:أنزين شو الحل..
اليازيه:الحل اني اتزوج واللي يصير يصير محد بيوقف وياي ما بيدي حيله ابوي مات وامي ماتت...
منو بيساعدني ويلست اتصيح والدموع اطيح من عينها...
فاطمه:اليازيه لا تصيحين الله ويانا...الله فوق...الله على الظالم...ولا تنسين نحن ايتام والله بيكتبلنا الخير
إن شاء الله وعمي يزاه عند رب العالمين....
اليازيه ونعم بالله....
سهيل طلع من البيت يدور ويفكر كيف ينقذ أخته اللي مالها غيره...أخته الصغيره
والكبيره في أفعالها..اللي أهتمت فيه وفي أخونه بعد وفاه ابوه وامه...ودارت الافكار
في راسه؟؟؟كيف أنقذ أختي يارب ساعدني...بس حصلت الحل...هذا الحل الأخير
مالي غيره ولازم أنفذه في اسرع وقت أهم شي أختي أساعدها وانقذها من
هذا الزواج اللي بيدمرها ويدمر مستقبلها...
وفي صباح اليوم الثاني...
نش سهيل على صوت آذان الفجر...كان راقد في زاويه من زوايا المسجد...بعد ما طرده عمه راشد..
وطلع من المسجد والجو ابرد مايكون وسهيل يمشي ويحاول يدفي جسمه من البرد والبخار
يتصاعد من فمه عندما يتنفس..من برودة الجو..وأول ما اشرقت الشمس توجه إلى أحد
رفاق المدرسه وطلب منه أن يوفر له مسدس لينفذ خطته والحل الاخير...وأتفقوا على
أن يوفر له السلاح بعد ساعه..
وفي بيت العم راشد...
اليازيه تفكر من يمكن ينقذها من هذا الزواج...وسهيل وين رقد
والكثير من الأسئله...
اليازيه:لا حول ليش كل هذي المصايب طاحت علينا مره وحده؟؟
وليش نحن بالذات؟؟
...
العم راشد:اليازيه هذا ثوب العرس أستأجرته وهذا ذهبج وترى العرس بسيط وعائلي..
وما يحتاي صالون ومكياج...فاهمه..
اليازيه:إن شاء الله عمي...وقعدت تفكر وتشوف ثوب العرس والذهب جدامها وتفكيرها بعيد...
عرسي بعد يومين...وبتزوج واحد أكبر عني...وأنا اللي كنت أفكر أني أتزوج فارس الاحلام
أتزوج واحد يخاف علي ...والحين بتزوج واحد اشتراني بفلوسه...الله يسامحك ياعمي...
وينك يابوي ما تشوف شو سوى فيني عمي...كيف باعني وعذبني..
وفي نفس اليوم...سهيل في مركز الشرطه مسكوه الشرطه ومعاه المسدس....مسكوه لان صديقه اللي عطاه السلاح كان مراقب
لانه من متعاطين الخدرات....جكموا عليه بالسجن سنتين...وضاع أمله في انقاذ أخته...
وفي اليوم الموعود...يوم الزفاف..
في حفله عائله زفت اليازيه لسلطان..بين دموعها ودموع أخوانها..وبين فرح عمها وشماته عمتها...وسهيل غارق في همومه في زنزانته...
وفي بيت سلطان..
وسلطان مريض بالقلب..وأول مره يتزوج وعنده فلوس وعقارات بالمختصر مليونير...دخلت اليازيه البيت كئيبه وحزينه وتندب حظها....وحزينه على
فراق أخونها وتفكر في مصير سهيل هل هو الضياع بعد السجن...
سلطان:اليازيه البيت بيتج الله الله فيه نظفيه عدل تراني أحب النظافه..
ونسيت أقولج..علاقتج أقطعيها مع عمج وأخوانج أنسي اي حد كنتي تعرفينه..
اليازيه باستغراب والدموع في عينها:ليش أخواني مالهم غيري..حرام عليك تحرمني
منهم وتحرمهم مني..سلطان:ماريد اسمع اي كلمه في هذا الموضوع...وييبي دواي
بتحصلينه عند التلفزيون..
اليازيه وهي تصيح:إن شاء الله..
ومرت الايام صعبه على اليازيه بين اربع جدران وذبحها التفكير في أخوانها...كيف عايشين وهل مصيرهم مثل مصيري ولا غير عني,,
وفي بيت العم راشد..
فاطمه تقول مسكينه اليازيه الله يكون في عونها..ويلست تتذكر ايام قبل..يوم كانت اليازيه
توعيهم الصبح وتريقهم وتغسل ملابسهم وتركت دراستها على شانهم....ويلست تصيح من القهر..
وتقول ياليتني انا بدالج اللي تعذبت...
ومرت الايم صعبه على فاطمه وندى ومحمد..وتعرضوا لنفس اللي تعرضت له اليازيه...
والزمن يعيد نفسه...وتلعوزا كل يوم شغل وبعد ما يخلصون الشغل يجاولون يدرسون شويه
ويحلون الواجبات...ومرت الايام وقرب العيد...ولكن بأي حالٍ عدت يا عيد...
لا ملابس جديده وفرحه مثل الاعياد السابقه ولكن هذا العيد اليازيه بعيده عنهم...
وأصبحوا يرددون
آه واويلاه من عمٍ ظلوم...بعد ما ابويه رقد تحت التراب
وفي بيت أحمد ونوره..
نوره وأحمد تذكروا اليازيه وأخوانها وأنهم من زمان ما سمعوا آخر أخبارهم...
نوره:أحمد شو رايك نسير نشوف اليازيه وأخوانها نسلم عليهم من زمان ماشفتهم...
أحمد:من زمان ما اتصلوا ولا وصلتنا أخبار عنهم...يله نسير...
وتجهزوا وتوجهوا للعين لبيت العم راشد..ووصلو بيت العم راشد ودخلوا وتفاجئوا من المنظر..
فاطمه تنظف البيت...وندى تحاول تساعدها.....وسألوهم عن اليازيه...وخبروهم بانها
تزوجت وأن عمها باعها وعرفوا القصه كامله...وسألو عن سهيل وخبروها بقصته وأنه فالسجن..
نوره:وليش ما خبرتونا بالسالفه من قبل كان ساعدناكم أو شفنا لكم حل..لا حول ولا قوه الا بالله..
فاطمه:اليازيه قالت ماتبا تدخلكم في مشاكلنا..
نوره:مسكينه اليازيه قلبها طيب وما تستاهل..انزين كم رقمها بتصل عليها...
فاطمه:زوجها مانعها من زيارتنا ولا يخليها تتصل علينا..بس بعض المرات تتصل إذا طلع زوجها..
وهذا رقم بيتها...
واتصلت نوره:الووو اليازيه..
اليازيه:مرحبااا..منو..
نوره:اشحالج اليازيه أنا نوره..
اليازيه:بخير وسهاله..اشحالج يا نوره..
نوره:بخير...اليازيه ليش ماخبرتينا بالسالفه وانج عرستي يمكن نقدر نساعدج..
اليازيه:ما حبيت ازعجكم وادخلكم في مشاكلنا...وهذا نصيبي...ولازم أصبر
نوره:الله يعينج يا اليازيه ويكتبلج اللي فيه الخير..
اليازيه:آآمين..بس عندي طلب يا نوره...
نوره:آمري
اليازيه:أخواني الله الله فيهم أنا ما أقدر اساعدهم...
نوره:لا تشيلين هم أنا بهتم فيهم..
اليازيه:جزاج الله خير..واسمحيلي بصكر الحين زوجي بيوصل فأي لحظه
نوره:اوكيه مع السلامه...
نوره:وين عمكم راشد يا فاطمه ابغيه بموضوع...؟؟
فاطمه:موجود عند عياله..لحظه بزقره..
نوره:مرحبا يا راشد
العم راشد:هلا تفضلي..
نوره:ياراشد ماعرف من وين ابدا...لكن اسمع أنت تعرف أني ارتحت لعيال أخوك وخاطري انهم
يعيشون عندي وأنا بتكفل بهم...انا اشوف انهم مثقلين عليك...
العم راشد مب مصدق ويبا الفكه منهم:والله هذيلا العيال ما وراهم غير المشاكل...بيلعوزونج
نوره:ما عليك..أنا راضيه باللي يسوونه وأنا بتحمل مسؤوليتهم..
العم راشد فرحان:على كيفج بس بعدين لا ترجعينهم وتقولين خذ العيال..
نوره:أوعدك اني ما أرجعهم...
وطلعت نوره وزوجها من بيت العم راشد ومعها العيال...وسارت دبي...
فاطمه:مشكوره يا خالتي نوره فيج الخير والله أنج سويتي خير ومعروف ما بنساه طول عمري
وأنتقلت فاطمه أوخونها للعيش عند نوره..وحصلوا الأهتمام والرعايه...ودخلتهم نوره أفضل
المدارس الخاصه وتفوقوا في دراستهم..وكانت نوره كالام تحن عليهم وتعاملهم بالمعروف
وتعطف عليهم...وأحبوها..وتغيرت حياتهم للأفضل..وفي آخر مرحله دراسيه لفاطمه..
وفي إنتظار النتائج....
نوره:هاه يا فطوم كم تتوقعين نسبتج...
فاطمه:والله ماعرف ياخالتي أنا شديت حيلي والباقي على الله..
نوره:بنشوف النتيجه بعد شوي..
فاطمه:الله يستر...
ندى:فاطمه شاطره وإن شاء الله تييب نسبه حلوه...
محمد غارق في تفكيره:هيه أنتوا فرحانين ونسيتوا اليازيه وماتعرفون هي فرحانه ولا
زعلانه مرتاحه ولا على حالتها الله يعينها....
وأشكر كل من تفضل وقرأ هذا الجزء
وانتظروا الحلقه الخامسه..
لكن شو تتوقعون كم نسبه فاطمه؟؟
واليازيه مرتاحه ولا كالعاده ملتعوزه...
وسهيل شو صارله؟؟؟
والعم راشد وزوجته شو آخر أخبارهم...
