أهم تجهيزات العروس

[n an s roug]

شلونكم يا اهل المنتدى شلونكم يا سيدات يا عرايس يا بنات المنتدى
أبسأل عن التجهيز لان ما بقالي شئ على عرسي و للحين ما بديت ولا بقشة غير باغراض الديكورات للبيت
بس أبي أبدا اجهز لان حدي متوهقة قلت اسالكم و استشيركم...
بشنو ابدا ملا بس البيت او النوم والخروج و القمصان ما ادري و الكميات
يعني الملابس الداخلية جم اييب وقمصان النوم اشلون اختارها و الملابس اكيد جان المفروض اييب الشتوي من العام بس ما شريت
لاني احب الموضة و الشي يكون يديد فراح اشتري ملابس الصيفيات ارجوكم فيدوني و اهم شئ الكميات بالنسبة للداخلي و قمصان النوم و مابس البيت
واكون شاكرة لكم
ثانكيو بناااااات

 

[طيبة83]

اشتري من كل شي 10

ملابس داخليه كشخة دانتيلات وستان وجذي

ملابس داخلية عملية قطن تلقينها بماكس الطقم ب 3 دينار وحلويين

ملابس النوم المريحة بجامات او قمصان نوم او شورتات وتي شرتات (فكتوريا سيكرت اويشو ماركس اند سبنسر لاسنزا)

ملابس النوم الفخمة (حراير ستان ودانتيلات ) اخذي قصير واثينين بس طوال مع الارواب طبعا (انور الطاهر فيكتوريا سيكرت نعومي لاسنزا)

ملابس البيت (اخذي فساتين تنانير شورتات تي شرتات) نيولوك ماكس فوريفر

ملابس الطلعة او البدل انتي وميزانيتج والمحلات واااايد

عبايات 2 كششششخه و2 لطلعات كشخة بس ناعمين و 2 عاديين للدوام او الصالون او الجمعية

دراريع اخذي قطن مطرزين للاستعمال اليومي واخي 2 او 1 كشخه (انا ما البس دراريع الا في رمضان)

مكياج + عطور عربية واجنبية

ذهب + اكسسوارات

الاجهزة (استشوار وفير وماكينة براون ...)

اغراض الترتيب مقسمات سلال اكياس ملابس من ايكيا (لا تخسرين فلوسج على تزيين وشرايط وهل سوالف)

شناط السفر





ابتدي في كل شي كل اسبوع شي وخلي اخر شي ملابس الطلعه والمكياج والعبايات لان الموضه تغير

 

[n an s roug]

مشكورة حبيبتي تسلمين

 

[برنسس أوراق]

انا نفسج يبيله نكتب ونرتب أفكارنا

 

[مدّهره !]

إن شااء الله يفيدوونج البناااات ..’

 

[مو صج ~]

اب اب اب الي تعرف تفيدنا عن نفسي مو متزوجه بس اهتمي داخليا شربي ماي وايد عن الافرازات والالتهابات واخذي برنامج عروس بصالون وكل اسبوع حمام مغربي وقبل زواجج بسبوعين حمامات ملكيه

 

[مو صج ~]

اخذي اشيا اصليه عشان تدوم نصيحتي لا تفكرين بالسعر كلش الي يعجبج قطي عليه وامشي لانها ليله عرسج وعشان ما اتفشلين

 

[الأميرة جوري]

موفقيين

 

[جوري الصالح]

نـــــــعومي
انــــــــــور

 

[خلطات المزيونة]

موفقة حبيبتي

وحاولي ماتكثرين اذا تحبين الموضه

 

[مـهـــابــــه]

سوي جدول و قسمي شغلج و فلوسج

عبي حطي لج ليمت ع حسب استهلاكج لهم

دراريع500 دينار

ملابس داخليه و قمصان 300

بدلتين استقبال

ملابس بيت و جينزات و فساتين قصار انا كفاني 200

وحطي حق البدلة البيضا و الذهب فلوس بروح ة لاتقربين صوبهم والباقي وزعيه ع شغلج

 

[أمورته]

انا بالنسبه لي بديت بالذهب وبدله العرس عشان اعرف شلي لي وشلي علي
خلصت من بجايم طوال وقصار وشورتات ودراريع قصيره للبيت
قمصان ماكثرت اخذت اثنين ويه الروب وباجي بجايم حراير حق اول الايام ..
بعد بكمل قمصان لان مايكفي اثنين بس بيب العاديين الي ما معاهم روب ..
بعد شريت تكرمين نعال لشقه وجواتي 2 مالات طلعه
بعد ابي 2 ويه جناطهم طقم جذي ..
جنااط شريت وخلصت
بعد دراريع حاطه بالي 6 ثلاث عمليات و3 فيهم شغل وجذي حق اول الايام اذا رحت بيت الحموله
وبعد عبي 2
لان فصلت بس عبايه وحده..
بدل استقبال يبيلي ثنيتن مافصلت
بخور باخذ تقريبا ثلاث او اربع
عطور ومرشات لسرير لاتنسين ..
اكسوار بعد
مباخر بعد
.....>>اتذكر لج الاغراض عشان لاتنسين شي
بس اول شي ابدي بالذهب والبدله البيضاء
واشتري جناط سفر عشان ترتبين اغراضج فيهم

الله يتمم لي ولج ع خير ولكل من قالت امين

 

[HayaaB]

انا مو متزوجه ،
اشوف ابدي في بدل العرس بعدين بدل الاستقبال بعدها ملابس الطلعة والشقة و اخر شي ملابس النوم و الميكاج و العطور لان بيومين تخلصينهم.
تقسيمه بسيطه
اذا مهرج ٧٠٠٠
١٠٠٠---> بدلة العرس و الكعب و المسكه .
٣٠٠---> صالون ليلة العرس.
٧٠٠---> ٢ جنطة ماركة و جواتيهم ( مثلا كارولينا هريراch مع كعب من عندهم و مايكل كورس و كعب تقريبا يطلعون عليج ٥٠٠) او ممكن ( كلتش ديور ب ٣٨٠ و كعب ب ٢٢٠هذي ٦٠٠او ممكن ٦٢٠ ( ممكن اغلى ب ٢٠ دينار)و ب ١٠٠ أخذي جنطة من مايكل كورس او لوف مسكينو او روكو باركو) او ممكن بربري مع جوتيها حدود ٤٥٠ او مايكل كورس و جوتيها ١٨٠ و ٧٠ تشترين جم جوتي من زارا او نيولوك وجذي تخلصين الشوز كلهم.
هذي ٢٠٠٠ دينار باجي ٥٠٠٠.
شبكة ب ٢٠٠٠ و ساعة ب ٥٠٠ و جم قطعة ذهب من داماس ب ٥٠٠ او ( اذا ماتحبين الذهب جم اكسسوار ماركه من كارولينا و جست كفالي و اون تايم و مايكل كورس و nomination)
هذي ٣٠٠٠ باجي ٢٠٠٠.
٤٠٠ عطور و مكياج .
٤٠٠ قمصان و بجامات و ملابس داخلية.
٢٠٠ عباية ب ١٠٠ كشخة و ١ ب ٧٠ و ١ ب ٣٠.
٢٠٠ ملابس شقة.
٥٠٠ بدل استقبال ٣ او ٤.
٣٠٠ بدل طلعة.

*