أهل السنع شورو عليي شسوي بهالحموله؟؟

[كويتية أصيله]

موضوعي الأول ...

http://www.q8yat.com/t840912.html

ابي شوركم الحين أمس خالتي(ام زوجي) ركبت فوق الشقه عندي وطلبت مني اسوي العرس لحماي.........تصدقون.... تقول بناتي ما يعرفون وانتي عرسج من حلاته لي الحين يسولفون عنه ........عاد آنا هني تشققت ورفت ظهري ورتزيت ....قلت لها والبنات ليش ما يسوون قالت ويييع مالت عليهم خل يسنعون بيوتهم اول هههههههه خالتي ناقده عليهم......بنات شورو عليي أسويه ولا عيب فشله من حمواتي العلل.....استحيت منها ما قدرت أردها .....بس بعدين الناس شيقولون مرت الحما مسويه عرس حماها تهقون عيب ؟؟؟ ان سويته راح يعرفون الناس اني مسويته من اختلاف الادواق,,,,,,,,وان رديتها فشله راكبه لي شقتي طالبتني

 

[أتراب]

لا تردين خالتج كلش مي حلوه
واذا على حمواتج خلهم يساعدونج
وبجدي ترضين الطرفين
​

 

[ام الدرر]

قولي لها ما يخالف نتعاون انا والبنات وهي خلوها معاكم بالصورة
يعني عطيهم الافكار المكان -طقاقة او دي جي - الحلو - الكوشه وغيره
واكيد بيختارون الافضل ​

 

[مجبوس]

لا فشله لا اتردينها مره كبيرة واطلبتج

بس خليهم يعاونونج علشان مايزعلون

بالعكس انا اعتبرها ميزة انها اوثقت فيج

:rerrerek:

 

[cat-girlq8]

كلشي ولا الخاله لاتردينها
بالعكس حاولي تكسبينها ولو مو اهيا شايفه شغلج زقرت وسنع جان ماطلبت منج هالشي
بس عشان لا يغارون منج بناتها حاولي تقولين لها ماطلبتي شي افا عليج من عيوني بس خالتي ماعليج امر ميخالف بناتج يساعدوني عشان لاتكسر فيهم حرااااام وتدرين هالشي يولد الحقد
فاهمه علي موووو

 

[Tom ♥ Jerry]

.


اي سوي و خليهم كلهم يعرفون انه خالتج اختارتج انتي من بدهم
لأانج آحلى و اسنع وحده فيهم ..
فديتج و الله



؛*

 

[بحرينيه كوول21]

سوي حبيبتي واذا احد تحجى قولي لهم خالتي اهيه اللي يات قالت لي
واكيد اهيه مابتسكت

 

[بخـــارى]

انتي كويتيه واصيله
يعني فيج احسن الصفات
خالتج لو ماتحبج ومو واثقه بذوقج جان ماطلبت منج هالطلب الا لانها عارفه انج راح تبيضين ويهها وراح تحطين حق حماج مثل ماراح تحطين حق اخوج
تدرين انا سويت دزة حماي الصغير وانا ماانسى فرحة خالتي الله يرحمها
والي تسوينه الحين ينردلج باجر مع جناينج
وصج هالشي متعب صج بس وناسه
والله يوفقج ويسهل امورج

 

[بخـــارى]

وكفاية انها يتلج لي شقتج

 

[ام الافيهات]

لا فششلة سووي وخصوصا انها شادة الظهر فيج
ووايد عاجبها ذوقج
وبعدين اذا ع سالفه حمواتج خليهم يساعدونج وتششاوري وياهم يعني بكذا تكونين مراضية الطرفين =)

 

[روقآآن الريآآَض]

لاعادي لاتردين خالتك بس قبل لاتسوين كل شي لازم تستشرين حمواتك عشان مايحقدون عليك

واكيد هم راح يستانسوا لانك مساعدتهم بزواج اخوهم

والله يعطيك العافيه

 

[M!Ss Smart]

عاااااادي اصلا وناااسه تطلب خالتج منج هالشي يعني هذا دليل انها تثق فيج وذوقج يعجبهاااا

رفيجتي اختها اهيا اللي زهبت عرس حماها من بوفيه وطقاقه وهالاموووور عادي يعني مع ان عنده خوات وغيره بس اهيا اللي حيل مع خالتها واعتمدو عليها

 

[florense]

لاوالله سوي العرس مافيها شي

 

[نفهمها صح]

مع ام الدررر​

 

[!الجادل الصعب!]

والله اسوي العرس وكآنه العيد بعد ..
ليش لآ .. واذا بيتضآيقون خل يتضآيقون من امهم ويتفآهمون معهآ
آنتي شكو ..!

 

[الاحساس]

عادي شكثر جريم يطلبون من جناتهم

حرام لاتردينها قوليلها ياغالي والطلب رخيص

 

[عيش و مرق]

هذه فرصتج اتسوين بصمه بالعايله وتمسحين كلامهم السخيف باستيكه

هههههههه مدام المره صاعدتلج لى فوق يعنى شادة الظهر فيج بعدين انتى كنتهم من 13 سنه مو توه امس واليوم وقولى لها اى انتعاون مع البنات وصدقينى مالهم خلق بيسكتون فى وحده بتشيل عنهم و

وذاك الساع لى صار العرس يبيض الوجهه بتشوفين بتصيرين حديث العايله ولج برستيجج وماتنزلين ولا تصعدين عند خالتج ومحد يقدر او يتجرا يقثج بكلمه لانج صاحبة فضل عليهم ولو انج مثل بنتهم بعد هلعمر بس الكنه كنه


وجهزى احلى بدلة حقج وانصحج بدى جى الحسام وعشى الرايه اذا بلبيت ومبروك مقدما

 

[رنين]

المهم يكون معروف ان خالتج طالبه منج ها الشي بعدها استخيري و سوي الي يطلع من خاطرج.....
بس مو العاده العرس تسويه العروس؟

 

[رهيبة قطر]

افا عليج يالاصيله اكيد مابتردين خالتج

 

[ام زهقانه]

صراحه كفيج بس لا تاخلين الناس يقصون عليج علشان الذوق انتي تخلص افلوسج ترا الناس ما بين بعيونهم شي بعدين المفروض بناتعا ولدها يتكفلون بالمصراريف موكل شي علي راسج باجر ما يذكون الطيبج