أنقذوني بشعر بنتي

[قلبي القرآن]

السلام عليكم ورحمة الله وبركاتة

بدش بالموضوع على طول

بنتي الحين عمرها سنة وسبع شهور لاتشوفون شعرها يبجي :eh_s(2):
قرعه مافي شعر خفيف فرورة راسها تبين وشعرها مائل للبني
ومن كملت سنة قلت ماراح اقص شعرها بخلية يطول عل وعسى يتسنع
صار مأساة اكثر وكثر تخيلو شعر يطول وخفيييف الشباصة ماتثبت على الشعر بس ألبسها باندات
قبل أسبوع رحمة حالها وحشيته حش وخليت يحدد ونه بمكينه فقلت ابي اهتم فيها دام قصيته

بنات ساعدوني وبأمانة أمانة أبي شغلات تعدل وضع شعرها وتكون مجربة
لأن أنا وحدة أخاف أحط شي على شعرها أخاف يأثر على راسها

وأدري ان فيكم الخير والبركة يا بنات ديرتي :eh_s(7):

 

[سكنات الليل]

موفقه ونشاالله يفيدونج الاخوات

 

[ام كوثر2007]

نفس قضيه بناتي شعرهم بني مو اسود عشان جذى يبين خفيف لمن يكونون صغار
اول شي اقولج تسوينه


قرعيها علي الصفر .. لحقي عليها دامها صغيرونه للحين

وعقب ابتدي معاها بالسدر غير السدر ماكو شي ينبت الشعر ويثقله ويسووويه يهبل ..


وطمنينا عليج وعليها يا قلبي .

 

[رزان العتيبي]

اب
اب
اب

 

[FDET NFSY]

 

[ام الحلوااات]

نـــــفــــــــس الـــمــــشـــــكـــــــــلـــــه​

 

[zntoosha]

صباح الخير
انا بنتي شعرها خفيف وبيت ابوي مو متعودين نقرع اليهال وكلنا شعرنا ناعم وخفيف
بس اهل ريلي يقرعون عيالهم ما شاءالله شعرهم كثيف حيل
وبنتي بتصير 3 سنين الحين وليلحين شعرها خفيف ولي سبحتها تصير جنها كتكوت منتفين ريشه مسكينه
ونصحوني اكثر قص شعرها لين يكثف ويتعدل
وجربت دهنت شعرها مره بزيت جوز الهند الطبيعي اول شي ما طلع من شعرها سبحتها كذا مره يالله شوي خف الدهن
وثانيا خواتي زفوني قالو ان مو زين ادهن شعر الياهل
فاحسن شي الياهل يتقرع لما يكون اقل من سنه ونكثر القص على ايدين اشخاص ايدينهم فيها بركه

 

[كلآم نواعم]

اذكر امي الله يحفظها كانت اتحط زيت زيتون على شعر اختي الصغيره وكان عمرها سنه
والحمدلله شعرها اوكي , ان شاء الله اكون فدتج بشي حبيبتي .​

 

[قلبي القرآن]

مشكوووورين بنات على الردود
وبالنسبة للتقريع أنا قرعتها يوم كان عمرها ٤ شهوور ومافاد
مادري شسوي فيها على هالشعر صايره جنها صبي لو ما التراجي مرقعتها شوي

يالله بنات اللي عندها تجارب اتفيدنا لا يوقف لايوقف

 

[*uM_MiMi*]

حطيلها دهن لوز و خروع ثلاث ايام بالاسبوع

 

[washwoshh]

احنا امي تيبنا قرعااااااااااااااان وكل من يقول عنه قرعان وماكو شعر
ومن يصير عمرنا سنتين يبدي الشعر يطلع عاد مشالله تبارك الرحمن يطلع شعر شعر الي يضربون المثل فيه فاتني لا تستعيلين على بنتج نطري وكثري قص خل يتقوي والله يعافي التيجان وباند

ومثل الشي الحين ولدي ماكو شعر واهلي ريلي يعايروني وامي قالتلي باجر ييطلع وحتى اختي عيالها جذيه ماكو شعر بعد سنتين شعروهم تهبل ناعم وكثيف مشالله

 

[كل الحلا فحبيبي]

حطيلها سدر وحلب وحنا وقبلها دهني شعر بنتج بزيت دابر املا ابو رييييييييييييييييييحه وبس خليه على راسها 3 ساعات وبعدها غسليه 3 مرات بالاسبوع او مرتين كافي وشوفي شلون من اول شهر بيتعدل

 

[سوسو حبيبتى]

نفس المشكله

اب اب

ماكوو رد يبرد القلب

 

[قلبي القرآن]

بنات أنا سمعت عن زيت جدايل من القرشي ورحت سألتهم قالو يصير احطه من عمر سنه وألبسها كاب نايلون عشان ماتحط ايدها على شعرها وتذوق الزيت
أنا شريته وبجربه عل وعسى يفيد مع قرعة بنتي بس أنا أدري ان ماراح تخلي النايلون على شعرها ماتحب أي شي على شعرها

 

[xtina-90]

امبي حرام عليج لا تعلبين بشعر البنت جذي
خليها اليهال كلهم جذي و هاذا وايد طبيعي لعمرها
بس تكبر يتسنع
لا تخربين شعرها و تحطيله شغلات اصلا مو من صجج من الحين تحاتين خفه شعرها نموها قاعد يكتمل صبري عليها
و بدال لا تحطين اشيا علي راسها اهتمي باكلها و رضعيها طبيعي حرام هاذي بيبي

 

[قلبي القرآن]

الحمدلله أنا مهتمه بأكلها ومو عيب اهتم بشعرها
مافي ام ماتحب تكون بنتها مميزه من كل النواحي

 

[الغضى]

ادري آنا فاهمه قصدج
واللي يقهر زود لما يكون عندج بنتين ووحدة شعرها خفيف وحدة كثافة ونعومه ما شاء الله
شتسوين مو بيدج؟؟
بس لازم تهتمين فيه عدل صدقيني الاهتمام يجيب نتيجة حتى لو كبرت

 

[ام شيخوه]

رفع

 

[•Brown•Sugar•]

ماكو حل سحري بيوم وليله
لازم تصبرين
استخدمي الحنه وخلطي معاه سدر حطي خفيف يعني مسح مو غرقه
واذا بنتج من النوع الحواس حطيلها لما تنام العصر ولفي راسها
وحطي تحتها مفرش قديم او فوطه قديمه
ونومه العصر بالكثير ساعتين
لما تقعد سبحيها ودهني شعرها اليوم الثاني زيت اطفال لبنان من الحواي
او اي زيت تبينه او خلطه انتي تسوينها

 

[قلبي القرآن]

مشكوووورين بنات على مشاركاتكم
براون شوقر مره حطيتلها حنه الله لايوريج
غنفات الصاله كلها حنه بجرب أحطلها حزت نومها
وان شاءالله يفيد