أنتي جربتيه ب2015 ، أنا بجربه ب2016 وتجاربكم خير برهان?

[تمره بحلاوتها]

السلام عليكم
شخباركم ياحلوات
طبعا العنوان واضح
نبي أشياء وأماكن جدد مو قديمه
الهدف من موضوعي اني لما اسوي بحث عن موضوع ابيه يطلع من 2011 وقبل يعني قديم
والعالم تطور وتجدد وتغير
والتردد بتجربة شي جديد ذبحنا من الخوف
الزبده
أبي انعم شعري الكشه
أبي أسوي كيراتين كولاجين
امازون بروتين يوكو بيض وطماط
المهم أبي صالون
يضبط هالشي > تنعيم الشعر الخشن والفلافل
أبي تجربه صريحه مو اعلانات
والأهم تكون التجربه توها جديده ب2015 مو قبل

وتسلمووووون

لحظه هالموضوع شامل بتعاونا
يعني اللي جربت شغله وبتفيد البنات تكتبها لنا
واللي تبي تسأل عن شغله متردده فيها
تاخذ راحتها وتسأل
وان شاءالله البنات ماراح يقصرون
بس بالامانه
مانبي اعلانات
نبي ندعيلج مو ندعي عليج

يالله همتكم وين انعم كشتي وجم الاسعار ؟؟؟ ❤

 

[تمره بحلاوتها]

شي ثاني
أفضل عيادة لعمل ليزر شعر للجسم
وين ؟ وبجم ؟ وجم مره سويتيه ؟
ونوع الليزر شنو اذا تعرفين ؟

فشله كل طلباتي عن الشعر
بنعم شعر راسي وبعدم شعر جسمي
ههههههه

 

[جوك احلى جو]

جربو البوتكس للشعر في فرد نسبه خمسين تقريبا يظل مفعوله شهر وينعم ولمعه واخف ضرر من الامازون

 

[تمره بحلاوتها]

رفع
بناااات شفيكم صخه مع البرد
شااااركوا
نبي تجاربكم الحلوه

 

[منار123]

للاسف المنتدى موووومثل قبل
صار فاااضي
لازم نرجعه مثل اول باذن الله

 

[sharshora80]

الكيراتين فاشل راح يطيح شعرج انا شعري ناعم بنات عمتي شعورهم فيها رده حيل ومسويين بروتين يمدحونه وبلازما ابر في فروة الراس بس حيل تعور انا جربتها لان شعري خفيف

 

[sharshora80]

ليزر شعر نصيحه الحين كل مكان صاي فيه ورخاص بس فاشلين ويحرقونج روحي التركيت معروفه وشغلهم مضمون بس مشكلة مواعيدهم خايسه مومضبوطين الرسبشن مالهم حاطين بنات مومال شغل ومايلتزمون مع البيشن

 

[sharshora80]

يوكو ابولو انا ماجربتهم بنات عايلتنا مجربينهم يمدحونهم وايد حق الليزر

 

[تمره بحلاوتها]

أبشركم سويت بروتين لشعري
صارلي اسبوع والنتيجه حلوه
الحمدلله

 

[Nokia N95]

اتفق معاكم
المنتدى مو مثل قبل


ودي يفتحون تجمع عناية بالشعر والجسم
كل شهر ادش المنتدى وانطر

بس محد يفتح اي تجمع

 

[اميره بكلمتي]

انا شعري عنايتي كلها بالبيت زيوت وماسكاات
ماسك السدر وماسك الجرجير والصبار
وزيت النداوي
وبصراحه مستمره معاهم صارلي ٥ شهور والنتيجه مع هالخلطات ليلحين 100% نعومه وكثافهه ولمعه

 

[اميره بكلمتي]

ايه صح نسيت واستخدم حمام زيت البوتكس عجييب

 

[Nokia N95]

اميره بكلمتي

الله يتمم عليج حبيبتي
شنو الماسكات اللي تستخدمينها ؟
أي نوع ؟؟

وشنو حمام زيت البوتكس ؟ اول مرة اسمع فيه ؟؟؟

 

[اميره بكلمتي]

فديتج ابشري راح اقولج كل شي بالتفصيل الممل

استخدم ماسك الجرجير والصبار اطلبه من وحده شغلها وايد نظيف وحسيت شعري تغذه وصار كله حيويه
وماسك السدر هذا اسويه بيدي حق الكثافه تاخذين قفشتين كبار سدر وروب وبيض ونص فنجان زيت الشعر اللي تستخدمينه لشعرج وتخلطينهم ويا بعض وتحطينهم لشعرج من ساعتين الى ٤ ساعات على شعرج
وحمام الزيت البوتكس هذا مغذي كامل للشعر من بروتينات والنعومه واللمعه تشترينه من صالون ثري سستر بخيطان ب ١٠ دنانير

 

[Nokia N95]

اميره بكلمتي ... مشكووووورة حبيبتي على الرد

بجرب طريقتج بالسدر ... و انا عندي ماسك الجرجير طالبته من ام عفاف من مدة
بستمر عليه و اشوف النتيجة ان شاءالله

وبخصوص حمام زيت البوتكس
الصالون عنده خدمة توصيل ؟؟؟

 

[اميره بكلمتي]

اميره بكلمتي ... مشكووووورة حبيبتي على الرد

بجرب طريقتج بالسدر ... و انا عندي ماسك الجرجير طالبته من ام عفاف من مدة
بستمر عليه و اشوف النتيجة ان شاءالله

وبخصوص حمام زيت البوتكس
الصالون عنده خدمة توصيل ؟؟؟

لاوالله ماعندهم خدمه توصيل للاسف
طريقه السدر واايد حلوه تكثف الشعر بشكل ملحوظ

 

[Nokia N95]

للرفع

 

[اميره بكلمتي]

up

up