أنتي بجر أمج وأبوج ؟ حياج اهني

[شاه ربان]

سلام عليكم :eh_s(7):

ان شاء الله تكونون بخير
على الرغم من أن للبجر مكانه بين الام والابو

لكن شي معروف أن الكبير بالواجهه
كل صغيره وكبيرة براسه

وعاد تبلى الاخوان للراس:eh_s(4):<<<معروفه
وكله الاهل متعسرين مع البجر وباجي الاخوان سهالات

انتو شرايكم توافقوني بهالشغله ؟
وشنو المواقف الي حصلت معاكم ؟

 

[بليز ساعدوني]

تعرفين مشكلتي ماله داعي اقوول ..

 

[راتشيل]

لا عادي انا بجر ما كونو متعسرين معي بالعكس كانو متفهمين اكثر

 

[شاه ربان]

تعرفين مشكلتي ماله داعي اقوول ..

ايي ادري
حياج الله

لا عادي انا بجر ما كونو متعسرين معي بالعكس كانو متفهمين اكثر

اول شي نكج حلوو

ثاني شي اشكرج على المشاركه الحلوة

 

[قاهره عذالي]

صااااااااااااااجه

ودايم البجر يعزل نفسه عن اخوانه لان يحسه مختلف عنهم وكله بوجه المدفع وكل الحساب والعقاب عليه والباقي حياتهم عادي

ويظلون صغار حتى لو كبروا

انا قبل اصغر من اخوي امي تهاوشني تقول مراه وكبيره
وهو الحين تعدى وصار كبير وللحينها تقوله ولدي الصغير وهو مشورب

لذلك البجر دايم بعيون اهله كبير لو انه بالروضه والباقي بعيونهم صغار حتى لو اكبروا وشيبوا وغلطتهم ما تنشاف ولها دايم تبرير

وصاجه التبلي واااااااااااجد

مقرووووود البجر

كنت اتمنى احد اكبر مني استفيد منه بدروسي يدش الحياة والدنيا قبلي واتعلم منه

 

[..<< ندى الورد >>..]

ااامممم شوفي حبيبتي انا البجر من البنات بس في شباب اكبر مني ربي يحفظهم

اهوو حلوو ومو حلوو اني اكون البجر

حلو لاني مع الوالده ومرافجتها وبالواجهه في كل شي وان لي مكانه خاصه واحترامي مفروض بينهم

مو حلوو المسؤوليه اذا غابت الوالده كلها تطيح فوق راسي لاني البنت الكبيره والمفروض اكون عارفه كل شي

ومو حلو بعض المرات اني ابي اخت كبيره لي ترشدني لاني بعض المرات استحي من امي

وحلوو لانني اقدر اتحكم باللي اصغر مني خخخخخخخخخخ >> اهم شي

 

[ام كوثر2007]

حبيبتي يمكن مجرد احساس احنا نحسه لاننا البجر عند اهلنا


لكن صدقيني المعامله مو بيدهم الزمن والاجيال اتغير

وكل جيل له وقته وله المسموح والممنوع


مثلا انا لمن كنت بسن ال 18 ممنوع يكون عندي تلفون نقال لانه عيب ما يجوز بنت تحط نقال


لكن الاجياال اللى بعدج ولو تشوفين خواتج يمكن اصغر من 18 سنه وعندهم تلفونات والحياه سعيده


هذا اهو الاختلاف فقط لا غير كل جيل يختلف عن الجيل اللى قبله

وعسى الله يستر علينا بستره

 

[ام جي جي الحلوه]

كم كـــــــــــــــــــــــنت اتمنى ان يكن لي خوات اكبر مني حلم لم يتحقق ولن يتحقق هههههههههههههه
وانا صغيره كله اقول لامي اذ بتيبين لاتيبن ياهل صغير ابي اكبر مني وتتوارثها الاجيال الحين بنتي تبي اربع كبار نفسها

 

[شاه ربان]

قاهرة عذابي
ندى الورد
ام كوثر
ام جي جي الحلوة <<< by the way
توقيعج كيوت

مشكورين على المشاركات الحلوة ماقصرتو
:aha:

 

[Om_RaYomaH]

لا بالله العكس
انا البجر بالعايلة

مميزة بكل شي

بالمعامله انا شيختهم على قولت الوالد الله يخليه لي ويطول بعمره

لي درجة انه خواتي ماقوم لهم واسلم عليهم يحبون راسي وانا قاعده اللي اصغر مني والسبب الوالد دايم يقولهم هذي كبيرتكم لازم تحترمونها

والكل تعود على جذي

للعلم انا اكبر البنات والاولاد

كل خصوصيات البيت عندي

ررفيجة امي وكاتمة اسرار ابوي

صاحبة الراي الاهم ومرات الاوحد ككككككك
<<<<مجرمة

امممم شاقول بعد

حتي عيالي لهم برستيجهم الخاص

فديتهم

لانهم اول فرحتهم

صحيح اني اتحمل مسؤوليات كبيرة بحكم اني الكبيرة والبجر

ولاااازم اكون مثالية بكل شي

قبل كنت اتضايق

بس الحين عادي لاني حسيت بمكانتي انها غير عند امي وابوي

مرات الزفات تجي بوجهي لاني لازم اكون متواجدة لحل المشكلات

بتطبيق العقوبات كنت اخذ اشدها ككككك لاني المثال للي اصغر مني

كل هذا

كون لي صورة عند اهلي بشكل عام

اني المثالية
والاهم بعد الوالده لدرجة ينقال لي امنا الثانية

ولازم اتحمل كل شي ممهما كانت صعوبته لاني الكبيرة ... طبعا

يعني بالمختصر

مسؤووووووووولية
بس احبها
للمميزاتها ولقربي من الكل والاهم والدي وجدتي

ووووو بس

اتمنى ماطولت عليكم و
شكرا عالموضوع

 

[بطوووطة$بيضة]

لا بالعكس معروف البجر اهوا المدلع ابكل شي اهوا والجعدة اللي طايح حظهم اللي بالوسط وانا منهم ...حتى علماء النفس اكتبوا عن الطفل الوسطاني ان شخصيته تكون استقلاليه ومايعتمد على احد ومايرتبط اباهله وايد ..ابحكم تربيته واهوا صغير ...

 

[ميس المشاعر]

انااا الوصيفه الأولى للبجر خخخخخ
بالعكس ما احس كل شي على رااس البجر
انا مو بجر واحس مسؤوولياات وايد على راسي << شوفي بصراحة اهواا على حسب شخصية البنت قد المسؤولية ولاا لا
مع انني وايد اشيل اشيااء عن امي واحس اني ضايعه بنفس الوقت لاني الوسطيه وحقي بالطوووشة << الله ينصرنااا هههههههه
عفوااا ع المداخله<<<< حبيت أشاركــ<<< عجبهااا الموضووع
ومشكؤؤؤؤؤرة خيتوووووو يستحق النقااااش

 

[manoooram]

أنا البجر من البنات بس قبلي اسم الله عليهم اخواني
فكرة البجر ان كل شي على راسه عندنا ما اشوف هالشي صراحه
لأن عندنا عادي الكبير أو اللي أصغر منه نعتمد عليه الحمدالله متفاهمين بهالشي

حتى مع خواتي اللي أصغر مني ربي لا يحرمني منهم

 

[Om A7lam]

أنا البجر بس ما أحس أن كل شي على راسي أو اني مسؤولة عن كل شي
بالعكس مرتاحة بوضعي و مثل ما قلتي البجر مكانته غير عند الأم و الابو

.. :eh_s(17): ..

 

[درة أهل الطولات]

انا مو بجرهمـ ،،، لكن ما اشوف ان الاهل يفرقون والا التعامل مختلف

 

[Beyoncee]

انا البجر بالبنات فيه اخ واحد اكبر مني
لانى البجر احس انى ام ثانيه للاخوه والاخوات
لازم حضورج بكل مناسبه وبكل واجب
اول كنت احب جذي احس شخصيه بعدين تنازلت حق خواتى اللى اصغر منى
ما كو شغل كل يوم عرس والا عزا والا عشا
وانتى الكبيره لازم حضورج بصراحه تعبت وتركت هالمنصب

 

[ya al3rosa]

احم احم انا البجر بس عادى مرات تتحملين المسوولية الصغار بس شتسوين بيضلون اخوانج وتحبينهم

 

[{ريم}]

السلام عليكم
انا البججر
صج احيانا احس اني مسؤولة عن وايد اشياء ..
احيانا اتضايق لان اخواني دلوعين ..
بس احيانا لمن يكون مزاجي اوكي احس ان وناسه لان امي معتمده علي ..
واقعد اتفلسف على اخواني
..
اما الدلع فاكثر شي حق اللي اصغر مني وماخذين راحتهم اكثر مني
..
ودي ان يكون عندي اخو اكبر مني .. بس الحمدلله

 

[شباصـه فرنسيــه]

انا البكر :eh_s(2):
هههههه وربي احيانا اتمنى يكون عندي اخووان اكبر مني واقول لامي جيبي لي خت اخت ولا اخو
اكبر مني
اوووف مغثه ووكل شئ فووق رأأسسكك احيانااا لما اسمع مدح من امي ولا ابوي لاخواتي اللي
اصغر مني يقولون احسن من شباصه وش دخلني لاززم تدخلين بالسالفه لازم
ولا بعد تتحملين كل شئ ووانتي الكبيره وانتي وانتي ..... الخ :eh_s(4):
بس احلى شئ بالبككر ان يأخذون رأيككك بكل شئ وتكفخين هالمبزره اللي ترفع الضغط :rgewrg:

ويسسلمو ع الموضوع اللي ع الجرح :eh_s(2):

 

[$ بنت علمي $]

أنا الثانيه يعني الوسطيه ضايعه بالطوووشه ياحرأاام هههع

بس البجر يتحمل مسؤوليات واجد

ؤالله يخليلي خواتي ويحفظهم

يعطيج العافيه