أنتوا شنو رايكم وشنو رأي الناس فيهم؟؟

[الرأي الآخر]

التدخين عاده مضره لكني ما أربطها بقلة الاخلاق.. فاللي يعتقد انها رايحه فيها لانها تدخن شخص تفكيره سطحي و محدود و للاسف يا ما كثرهم!
نظرة الناس تختلف من دوله لدوله و من شخص لشخص لكن بالكويت و بمعظم الدول العربيه تعتبر البنت اللي تدخن انها منحرفه تعيش بشقه بروحها و تستقبل رياييل اخر الليل ...الخ الخ بينما مثلا عند الغرب فغالبا ما يشوفونها حريه شخصيه و ان الشخص اخلاقه اعمق من تدخين سيجاره او لا.

 

[NODA 2]

:tek:موضوعج حلووو يعني ما ادري شنو فايدة التدخين الصراحه يعني ما يفكرون ان في يوم رب العالمين راح يسألج سنو سويتي في مالج راح يكون الرد حرقته بالتدخين والله يعني شنو اخذ افوس و احرقهم يبا ترا عذر الحريه الشخصيه اضعف عذر للاسف افتكر تصدقي بهالجم فلس ابرك من تقطينهم بالزباله وترا الانسان محاسب على جسمه وصحته
وفي رواية للشيخين أن رسول الله صلى الله عليه وسلم قال : ألم أُخبر أنك تصوم النهار ، وتقوم الليل ؟
قال : فقلت : بلى يا رسول الله .
قال : فلا تفعل . صم وأفطر ، وقم ونم ، فإن لجسدك عليك حقّـأً ، وإن لعينك عليك حقّـاً ، وإن لزوجك عليك حقّـاً ، وإن لزورك عليك حقّـاً .

وشكووووووووووووووره:tek:

 

[الحــــياة]

استحقر المرا الي ادخن احس قمة الوقاحه وقلة الادب..
انا ما اتقبل الرجال يدخن شلون مراا ويييييع؟؟جرأه صراحه.
والي تقول ماله شغل بالوازع الديني حريه شخصيه غلطانه..

 

[هاناا]

آنا نا اتقبل التدخين سواء للرجل و الا المرأة

 

[ليتني مـآ كبرت]

آنا ما أتقبل إذا الرجال يدخن شلون بنت !!
بس أول ما أشوف أحد يدخن مادري ليش أحسه ضعيف الشخصيه لأن الزقاره قدرت تسيطر عليه

 

[بنات حواء2]

امبي و الله بنات حرام عليكم ليش على اي اساس تطعنون في اعراض الناس
يعني الي دشت و اكتبت بالخط العريض الي تدخن رايحه فيها ما خافت انها تظلم وايد

انا عن نفسي ما ائيد التدخين ككل للريال و للرمه على حد سواء

بس ما اقدر اقول انه المره الي تدخن مو زين و لا رايحه فيها لاني لو قلت جذي عن المره فمعناته لازم اطبق هلقانون على الريال يعني كل ريال يدخن مو زين ورايح فيها صح ؟

و الله احنه اليوم مجتمعنه صاير يخرع اولمايتهم في المره يتهم شرفها و عرضها
حتى الحريم لي اقعدوا بيحشون في وحده محترين منها لانها احسن منهم في الدراسه او في الشكل او في الاخلاق اول شي يركضون عليه شرفها يشككون في شرفها عشان يقللون من قيمتها و الله حرام الي قاعدين يسوونه و الي يقولون عن بنات خلق الله و الله حرام خافوا الله فيهم
انتو الحين قاعدين تتكلمون عن تدخين المره ترى في وااااااااااااااااااااااااااايد ناس عندهم يدات يشربون ارجيله و انا اعرف وايد بنات يداتهم يشربون ارجيله مو شيشه لا القديمه اسمها ارجيله او شي جذي و اهمه يدات و ربوا اعيالهم احسن تربيه

و انا اشوف دام انه المره تدخن و تشيش في بيتها و محترمه الذوق العام فهذي مافيها شي
بس الي تحط زقارتها بحلجها و تمشي بشارع اي هذي بايعتها و ومحترمه الناس و لا العادات و لا التقاليد
بس دامها هي بروحها و بغرفتها معناته انه المره غلطها على نفسها وما تبي تخرب احد ولا تبي تتجاهر بالغلط

و انا عن نفسي اعرف وااااااااااااااااااااااااااايد بنات مدخنات و حريم كبار مدخنات و الله قمه في الشرف و الاخلاق و السمعه و شايلين امهاتنهم على روسهم و فاتحين بيوت و مربين اعيالهم احسن تربيه لا و منهم دكاتره و مهندسين

اعرف وحده مسكينه من الغربه و الدراسه بره ردت تدخن و قالت حق اهلها انا ادخن بس و الله محترمه و تنحط على الراس
بنات عفيه لا تتكلمون عن الشرف نهائين الا لمن تشوفون
ترى و الله الشرف مو لعبه