أنا و ريلي و الملسونات

[في غيبتك راحه]

بعد التحية والسلام ..


بنات أنا عندي حماتي الكبيرة و جارتهم
ملسونات حدهم و عوووب يعني يقطون الكلام بالويه
ولاتهمهم مشاعر اللي جدامهم وأحيان يقطون نغزات بين بعض
مو مفهومه هني أموت قهر مكاني

اللي يهم في الموضوع كله أنه انا اعرف شلون أرد واسكت اللي جدامي
لكن تربيت على شغله وهي أحترم اللي أكبر مني ومارادده
هذا اللي تربيت عليه واللي بهالوقت أرفضه بشدة بداخلي طبعاً خاطري أرد
بس ماقدر في شيء يمنعني ولمن أرد البيت اللوم نفسي ليش مارديت وسكتهم ؟؟!!

أنتوا شرايكم ؟ شسوي ؟ مع اللي أكبر مني وتتدخل بحياتي أو تقط نغزات مع إنها
مو مفهومه إلا إنه اعرف مغزاها خبيث .
نسيت أقولكم شغله جارتهم هذه باطه جبدي أنا عروس ماصارلي شهرين وكيفي
بغير بشقتي ورفضت استقبل اي حد حتى قلت لريلي ماراح استقبل حد والشقه جذي بغيرها
وافق جان تقول هذه : الشقه كامله مكمله ماله داعي التغيير>شكو إنتي ؟؟!!

والمشكله الأهم انه ريلي يتاثر بحجي اخته لانها الكبيره ومايقدر على زعلها
لمن يرد وهو متضايق ويقولي ليش مارحتي لاهلي أدري هي ورى السالفه
ماحب ارز ويهي كل شوي عندهم وقت مايطق براسي اروح أرووح ماحب اللي يفرض علي قرارته

عطوني نصايحكم إنتوا مالي غناة عنكم ... :eh_s(7):


​

 

[ناتشوو]

امم
بصراحة انتي بعد واضح كلش مو سهلة
الله ييسر امورج
وحاولي قد ماتقدرين ماتضيفين اعداء لحياتج
وطوفي التعليقات السخيفة مو شرط وراها نوايا سيئة

 

[om MaRyooM]

مالج شغل باللي يقطون نغزات وسوالفهمفاظية

للاسف اغلب الناس صايرين جذي وان رديتي قالو مو سنعة ويشيشون زوجج عليج

اهم شي انج مع زوجج متفاهمين
بس اي شي يزييد عن حده لاطبعا ردي

وبالنسبة لاخته ماكو حل غير انج تحاولين تكسبين زوجج صوبج عشان مايتاثر بتحد

وهالشي مع الوقت يصير بس يبيله صبر وحكمة

 

[UNICORNA]

الاحترام يفرض نفسه بأستثناء السن

اذا اهم مو محترمات ولا محترمين اعمارهم هذا يدل ان يبيلهن وقفه ورد يوجعهم

 

[مولاي الفرج]

الصبر زين بهالامور قطي ورى ظهرج

باستثناء الجاره هذي وقفيها عند حدها قوليلها باختصار هذا شي راجع لي وهذا قراري

ماراح تقدر تتدخل الا عقب مايروح مفعول ردج وتردين عليها مرة ثانيه

 

[zaina alotibi]

الهوووون ابرك ما يكووون
الصراخ وطولة اللسان ياما خربت علاقات وهدمت بيوت

 

[دلوعة صلوح]

جنج انا بس ما اقل الا حسبى الله ونعم الوكيل على كل وحدة تتعمد تغثنى.. :yaaaaaarb:

 

[كويتية بروما]

اقول دامه يحب اخته سكتي وطنشي لاتردين لا باجر ايي عليج عشانها
والنقزات مو شرط تقعدين معاها وبيني لزوجج انج مشغوله عشان جدي ماتقعدين مو لانج ماتحبين قعدتها
والله ابتلشنا بالحموات ماوراهم الا الغثى

 

[dectora 7elwa]

حددي موعد ثابت حق الزواره والتزمي فيه
مايصير متا ما طق براسج هذول الحين حسبه اهلج
عالاقل عشان ما تعطين احد فرصه للنقد
والنقزات ترا كل ما طوفتي بتموت قهر من جذي تزيد الجيله شوي
طنننننشي
وكسبي زوجج بقله الشكوى

 

[ҜęҜสђ]

حماتج طوفي لها وسوي جنج ماتسمعين»طبعا مو عشان حلايا ويهها كله عشان ريلج..عشان مايقلب عليج..
اما هاذيج اهيا اللي باطه جبدي الجاره ...شكووو ياخال ابوي حك ظهري لا وتلقف بعد..

 

[نور وشموع]

شكلج عروس

ماتعرفين حركات اهل الريل

 

[كادى الحب]

اللة يعين

 

[مناير ...!]

وهي صاجه مالج شهرين بتغيرينها
نطري ع الاقل سنه