السلام عليكم و رحمة الله
آنا عندي مشكلة مو معقدة بس قاعدة على صدري من زمان مسويتلي كبت
بس بعطيكم تعريف بسيط عن نفسي و أختي
أنا: أحب النت، باردة، هادية، أكره أطلع برا البيت، نظيفة و ملابسي مرتبة بس ما حط مكياج أو ألبس تنانير، طيبة حيل مع رفيجاتي و أحبهم لكن عددهم قليل
أختي اللي أصغر مني بسنة: اجتماعية، تموت على شي اسمه مكياج و كشخة، نص كليتها رفيجاتها، تحب تطلع (خصوصا السوق)، عصبية و مزاجية بس طيبة و قلبها نظيف
مشكلتي مو اني أبي أصير نفس اختي أو أبيها تصير نفسي، بالعكس احنا عمرنا ما تشابهنا و تعودنا على هالشي
المشكلة انها ما عندها أي احترام حقي ساعات
و اسلوبها بالتعامل بره شي و اسلوبها معانا بالبيت شي ثاني، مو انفصام نفس الريايل بس هم في فرق واضح
يعني بقولكم آخر مرة صارلي معاها موقف أدري انه تافه بس حز بنفسي
كانت اهي مسوية أكل للبيت و آنا ياية متأخرة من الجامعة
جان خلت الخدامة تنجب الأكل عشان أجربه و أقول رايي
المهم و آنا قاعدة آكل حطيت القفشة شوي و قاعدة أسولف وياها، و اهي اتقول (إي.. إي..) و تلعب بالتليفون
و لا آنا بنص السالفة صار لي سنة أسولف و لا جان تقولي بصوت قوي (يالله يالله الأكل صار ثلج و أنتي قاعدة اتسولفين خلصيني بقوم) و لهجتها كانت قوية
يعني انتي شغلتج بس تبلعين و تمدحيني مالي خلق أسمعج و أساسا مو قاعدة أسمعج
غير هالشي مواقف ثانية انها تطلب مني شي و لمن أقولها لأ تعصب و تحقد على ولا شي
يعني هالمحادثة تصير وايد (لا مالي خلق ماقد..) (انزين خلاص مابي منج شي) و تمشي ترقع الباب وراها
ولمن اهي اتكون صاكة فيها الدنيا أقعد وياها ولمن آنا أروح لها زعلانة تصرفني بأي شي و خلاص
و طبعا أشياء ثانية بس مابي أطول، بكل اختصار وجودي بس مجرد خدمات لها و فلوس تطلب فيهم من المطاعم
المشكلة مو بس تصرفاتها معاي، المشكلة البيت كله صار ماله أي احترام حقي
انزين آنا أدري اني مو اجتماعية و سوالفي قديمة و تنمل و أدري اني أضحك وايد على أشياء سخيفة
بس حتى اخواني الصغار مالهم أي احترام حقي
صرت مصخرتهم مادري ليش
انزين ليش تعامليني بهالطريقة، آنا ما أكرهج ولا حاقدة عليج و لا مسويتلج شي أصلا
بس خلاص تعبت، أنا صج باردة أعترف بهالشي اني خامدة بس هم بنفس الوقت انسانة أحس
يبا مابيها تسولف وياي و لا تشوف رقعة ويهي بس شوية احترام مو تقعد اتحش فيني مع اخواني و أمي و رفيجاتها أشكره
شوفوا آنا مابي مشاكل وياها بس أبي طريقة أثقل بعين البيت مابي أظل جي
قولوي شالحل علموني
لي الله و من بعده انتوا و اللي ماعندها حل تدعيلي
آنا عندي مشكلة مو معقدة بس قاعدة على صدري من زمان مسويتلي كبت
بس بعطيكم تعريف بسيط عن نفسي و أختي
أنا: أحب النت، باردة، هادية، أكره أطلع برا البيت، نظيفة و ملابسي مرتبة بس ما حط مكياج أو ألبس تنانير، طيبة حيل مع رفيجاتي و أحبهم لكن عددهم قليل
أختي اللي أصغر مني بسنة: اجتماعية، تموت على شي اسمه مكياج و كشخة، نص كليتها رفيجاتها، تحب تطلع (خصوصا السوق)، عصبية و مزاجية بس طيبة و قلبها نظيف
مشكلتي مو اني أبي أصير نفس اختي أو أبيها تصير نفسي، بالعكس احنا عمرنا ما تشابهنا و تعودنا على هالشي
المشكلة انها ما عندها أي احترام حقي ساعات
و اسلوبها بالتعامل بره شي و اسلوبها معانا بالبيت شي ثاني، مو انفصام نفس الريايل بس هم في فرق واضح
يعني بقولكم آخر مرة صارلي معاها موقف أدري انه تافه بس حز بنفسي
كانت اهي مسوية أكل للبيت و آنا ياية متأخرة من الجامعة
جان خلت الخدامة تنجب الأكل عشان أجربه و أقول رايي
المهم و آنا قاعدة آكل حطيت القفشة شوي و قاعدة أسولف وياها، و اهي اتقول (إي.. إي..) و تلعب بالتليفون
و لا آنا بنص السالفة صار لي سنة أسولف و لا جان تقولي بصوت قوي (يالله يالله الأكل صار ثلج و أنتي قاعدة اتسولفين خلصيني بقوم) و لهجتها كانت قوية
يعني انتي شغلتج بس تبلعين و تمدحيني مالي خلق أسمعج و أساسا مو قاعدة أسمعج
غير هالشي مواقف ثانية انها تطلب مني شي و لمن أقولها لأ تعصب و تحقد على ولا شي
يعني هالمحادثة تصير وايد (لا مالي خلق ماقد..) (انزين خلاص مابي منج شي) و تمشي ترقع الباب وراها
ولمن اهي اتكون صاكة فيها الدنيا أقعد وياها ولمن آنا أروح لها زعلانة تصرفني بأي شي و خلاص
و طبعا أشياء ثانية بس مابي أطول، بكل اختصار وجودي بس مجرد خدمات لها و فلوس تطلب فيهم من المطاعم
المشكلة مو بس تصرفاتها معاي، المشكلة البيت كله صار ماله أي احترام حقي
انزين آنا أدري اني مو اجتماعية و سوالفي قديمة و تنمل و أدري اني أضحك وايد على أشياء سخيفة
بس حتى اخواني الصغار مالهم أي احترام حقي
صرت مصخرتهم مادري ليش
انزين ليش تعامليني بهالطريقة، آنا ما أكرهج ولا حاقدة عليج و لا مسويتلج شي أصلا
بس خلاص تعبت، أنا صج باردة أعترف بهالشي اني خامدة بس هم بنفس الوقت انسانة أحس
يبا مابيها تسولف وياي و لا تشوف رقعة ويهي بس شوية احترام مو تقعد اتحش فيني مع اخواني و أمي و رفيجاتها أشكره
شوفوا آنا مابي مشاكل وياها بس أبي طريقة أثقل بعين البيت مابي أظل جي
قولوي شالحل علموني
لي الله و من بعده انتوا و اللي ماعندها حل تدعيلي
