السلام عليكم ورحمة الله وبركاته
اولا اتمنى اللي عنده كلمة طيبة يرد أو نصيحة لأختكم مابي كلام يضيق الخلق:eh_s(7):
أنا عمري 19 سنة
راح افضفض لكم ومن قلب ابي شور خواتي الكبار
لان علاقتي بأمي جدية اكثر من مره احاول افضفض لها ما اقدر وهالشي انعكس على علاقتي برفيجاتي والناس
انا مملجة لولد عمي
أحس علاقتنا باااااردة حيل
يمكن أنا كنت احبه بس أهو ما اعتقد حبني يمكن يبي يعيش حب بس
والسبب يبي يغيرني على كيفه اطباعي يبيها على مزاجه ويعاند اذا مامشيت على مزاجه
بالملجة انا قبلها حافظة كل شي عنه عمره وعيد ميلاده وكل شي واهو يقولي بالملجة انتي جم عمرج؟؟ وجم سنة بيننا؟؟
وفي اشياء شكثر اقولها له وينساها مثلا انا سحبت اوراقي الجامعة وحولت تربية اساسية وقلت له هالكلام بعد جم شهر يقولي شلون الدراسة الا حولتي ولالا.... ويسلم علي بالشهر مرة وسلام بارد حييل
بنات انا تجيني حالات اكتئاب بسبته
واتضاااايق حيييييل تعرفون شعور لما تفقدين الثقة بالشخص وتحسين انج غلطتي بإختيارج وتلومين نفسج تخافين تكونين غلطتي بشي..
المهم قررت انفصل منه وكلمت ابوي بس ماقلت له كل شي قلت انه مو مرتاحه له وما احس اننا مناسبين حق بعض او نحب بعض قال الحب مو كل شي بالدنيا وانتي توج ماعرفتيه عدل والمرة لا تزوجت اهي بنفسها تغير زوجها واطباعه وغير كلام الناس...
سكتت قلت ماكو الا اصارحه واقوله شسالفته كلمته وقلت له ان متضايقة من حركاته وليش ما يسأل شنو شاغله , قال انا لاهي وما امسك التلفون واجد واسم الله عليج من الضيقة بس هذا احسن شي
يعني احسن ان ما نكلم بعض عشان لاتصير مشاكل انزين بالله عليكم لو احد تحبونه يجيكم يقولكم متضايق من هالشغلة تقولون له هالرد!!!!!!!
وقلت اوكي بس ان خايفة نخسر بعض قال بالعقل والمنطق حنا ما بدينا عشان نخسر بعض:eh_s(10):
وانا اوعدج ما اقصر, بغيت اتطنز واقوله يعني اضمن الشهر الجاي بتسلم بس انطميت:eh_s(11):
وفعلا الشهر الجاي سلم سلام بارد مثل وجهه
وبس انا خايفة حيل
هذا كرهني بالارتباط وبالحب وبكل شي
اخاف اتعقد وما افكر ارتبط
بنات شسوي شلون اتأكد انه يحبني ولا لا
وشلون اعرف انا اكرهه ولا بس متضايقة منه لاني عفته من زمااان وكرهت بروده وانا وحده حساسة بزوود بس اسكت وهذا يأثر علي هل العيب فيني ولا فيه
ما احس انه يحبني ابدا ولا احس اني احبه
يمكن أقدره لانه خطيبي واحترمه بس من داخلي منغثة منه حيل
شسوي تكفون:eh_s(11):
اولا اتمنى اللي عنده كلمة طيبة يرد أو نصيحة لأختكم مابي كلام يضيق الخلق:eh_s(7):
أنا عمري 19 سنة
راح افضفض لكم ومن قلب ابي شور خواتي الكبار
لان علاقتي بأمي جدية اكثر من مره احاول افضفض لها ما اقدر وهالشي انعكس على علاقتي برفيجاتي والناس
انا مملجة لولد عمي
أحس علاقتنا باااااردة حيل
يمكن أنا كنت احبه بس أهو ما اعتقد حبني يمكن يبي يعيش حب بس
والسبب يبي يغيرني على كيفه اطباعي يبيها على مزاجه ويعاند اذا مامشيت على مزاجه
بالملجة انا قبلها حافظة كل شي عنه عمره وعيد ميلاده وكل شي واهو يقولي بالملجة انتي جم عمرج؟؟ وجم سنة بيننا؟؟
وفي اشياء شكثر اقولها له وينساها مثلا انا سحبت اوراقي الجامعة وحولت تربية اساسية وقلت له هالكلام بعد جم شهر يقولي شلون الدراسة الا حولتي ولالا.... ويسلم علي بالشهر مرة وسلام بارد حييل
بنات انا تجيني حالات اكتئاب بسبته
واتضاااايق حيييييل تعرفون شعور لما تفقدين الثقة بالشخص وتحسين انج غلطتي بإختيارج وتلومين نفسج تخافين تكونين غلطتي بشي..
المهم قررت انفصل منه وكلمت ابوي بس ماقلت له كل شي قلت انه مو مرتاحه له وما احس اننا مناسبين حق بعض او نحب بعض قال الحب مو كل شي بالدنيا وانتي توج ماعرفتيه عدل والمرة لا تزوجت اهي بنفسها تغير زوجها واطباعه وغير كلام الناس...
سكتت قلت ماكو الا اصارحه واقوله شسالفته كلمته وقلت له ان متضايقة من حركاته وليش ما يسأل شنو شاغله , قال انا لاهي وما امسك التلفون واجد واسم الله عليج من الضيقة بس هذا احسن شي
يعني احسن ان ما نكلم بعض عشان لاتصير مشاكل انزين بالله عليكم لو احد تحبونه يجيكم يقولكم متضايق من هالشغلة تقولون له هالرد!!!!!!!
وقلت اوكي بس ان خايفة نخسر بعض قال بالعقل والمنطق حنا ما بدينا عشان نخسر بعض:eh_s(10):
وانا اوعدج ما اقصر, بغيت اتطنز واقوله يعني اضمن الشهر الجاي بتسلم بس انطميت:eh_s(11):
وفعلا الشهر الجاي سلم سلام بارد مثل وجهه
وبس انا خايفة حيل
هذا كرهني بالارتباط وبالحب وبكل شي
اخاف اتعقد وما افكر ارتبط
بنات شسوي شلون اتأكد انه يحبني ولا لا
وشلون اعرف انا اكرهه ولا بس متضايقة منه لاني عفته من زمااان وكرهت بروده وانا وحده حساسة بزوود بس اسكت وهذا يأثر علي هل العيب فيني ولا فيه
ما احس انه يحبني ابدا ولا احس اني احبه
يمكن أقدره لانه خطيبي واحترمه بس من داخلي منغثة منه حيل
شسوي تكفون:eh_s(11):
