- إنضم
- 2 سبتمبر 2013
- المشاركات
- 62
- مستوى التفاعل
- 0
- النقاط
- 0
بسم الله الرحمن الرحيم ..
انا بحاول أختصر الموضوع معني راح اقلل من حجمه اذا اختصرته بس مابي اطول عليكم
انا يابنات طيبه حييييل وقلبي ابيض وأنسانه واضحه
يعني الشخص اللي احبه يدري واللي اكرهه يدري ماعندي اكرهج واجاملج لين اخذ منج اللي ابيه وامشي! لا وألف لا!
تبين عيوني؟ أعطيج
محتاجه ومتوهقه؟ تلقيني عند ويهج
الدنيا صاكه فيج؟ موجوده تفضفضينلي
طايحه بمشكله؟ أهد مشكلتي واساعدج
أنساني وأذكرهم
أطوف أشغالي عشان ما أتأخر عليهم
ليش كل هذا؟ لأني جذي الله حاط هالشي فطره فيني
أعطي وما انطر تردين لي شي
أسوي الجميل وأنساه
عندي همج أهم من كل همومي
وما أتحلطم وما أقول انا فعلت وسويت
وصح مرات أبي عرفان ويصدمني النكران بس عبالكم بغير شخصيتي وأوقف؟ لا طبعا
كل الناس تكسر خاطري
وين المشكله؟ أنا عمري ماكسرت خاطر أحد
محد قال شفيج, تبين شي, شالدنيا فيج؟
الحين ندش بالموضوع عقب ماعرفتوا أنا شنو .. شوفوا اهم شنو؟
بتكلم عن وحده تحب تفرق بيني وبين جم بنت
تروح عند فلانه تحش بفلانه
وتروح عند الثانيه تحش بالثالثه
واتيي عندي تحش بالكل!
وادري انها تحش فيني انا بعد عند الكل!
تموت اذا شافتنا متيمعين ونسولف, تطحن ماترتاح!
والطامه الكبرى انا ماعمري قصرت عنها بشي
سويت لها كللل شي تسوينه لأعز ناسج
ذكرتها لما الكل نساها
قضيتلها حاجتها لما احتاجت ومالقت أحد ..
وفجأه جذي قلبت الكل علي!
تخيلوا بيوم وليله الكل نفاني وجني مو منهم! ووقتها صج حسيت بالوحده, والظلم والقهر
ليش؟ لأنها أختي وشيشت أمي أبوي وخواتي علي!
لو غريبه قلت ماعليه, لو اعرفها من بعيد قلت عادي
بس أختي!
ليش شنو الشي الكبير اللي سويته خلاج تطلعين سوالف عني عند أمي وابوي
وتخلين اختي اللي أكبر مني بسنه اللي اعتبرها صديقتي واقرب انسانه لي تبتعد عني
والله ودي أسألها بس ليش؟ شنو استفدتي؟
منو وقف معاج غيري؟ منو راح يراكض بشغلج غيري
حتى لما ولدتي
معني كنت صغيره
كنت انزل تحت ريلج والبسج حتى دلاغج (تكرمون)
وما أنام عشان أسوي رضعة بنتج
لأنج اختي العوده!
بس شنو شفت منج؟ ألفتي كلام عني عند أبوي وشوهتي سمعتي, قلتي كلام ماسويته وطلعتي اسراري اللي كنت أخشهم عندج :')
كرهتي أختي فيني
والمشكله ماسويت لج شي
الله يعلم أني ماسويتلج شي
الله يشهد ماعمري ضريتج بشي
الله يجزي كل غريبه بالخير عمري ماشفت منهم المضره
وانتي اختي الكبيره دمرتي حياتي يوم توقعتج بتبنينها
الله راح يكشف كل شي والخبيث ما يدوم!
بنات انا من كنت صغيره عطيت من نفسي ووقتي وجهدي ومالي وماقصرت عن خواتي بشي
ومازلت ما اقصر
بس سبحان الله جنهم أعدائي
تشيشهم علي ويصدقونها
وجذي انام واقعد الاقي اللي امس يضحكون معاي وعطيتهم عيوني
اليوم مكشرين بويهي جني مسويتلهم جريمه
والله فوقي وفوقهم وفوقكم ويشهد علي عمري ماضريتهم بشي ولو يقولون عطينا عيونج عطيتهم بدون تردد!
الموضوع مو بس جذي لو اقولكم شيسوون تطقون على راسكم
بس اي شي تتوقعونه من عدوكم توقعوه منهم ..
وانا اختهم الصغيره (عمري 22 )
ابيهم ينصحوني ويعلموني ويخافون علي
ابي مره وحده بس احس انا مهمه بالنسبه حق أحد
مثل ما الكل يهمني!
---------
قبل ما أختم الموضوع, الحين حزة الفير ومو قادره انام بس ودي امسك سماعة التلفون وادق عليها بس بقولها
ليش؟ أمانه حلفتج بعيالج شنو تستفيدين اذا ابوي كرهني وخواتي اللي ماعندي غيرهم قلبوا علي؟
حتى لو ماكو سبب ألفي سبب عشان ارتاح!
وآسفه اذا الموضوع مو مرتب لأن اساسا الكلام بقلبي وااايد كلام سنين ما قلته ولا نطقت فيه شلون بكتبه بساعه؟
لا تحرموني من دعائكم
ترى أمثالي بهالدنيا شويه ..
ياحسافه :')
انا بحاول أختصر الموضوع معني راح اقلل من حجمه اذا اختصرته بس مابي اطول عليكم
انا يابنات طيبه حييييل وقلبي ابيض وأنسانه واضحه
يعني الشخص اللي احبه يدري واللي اكرهه يدري ماعندي اكرهج واجاملج لين اخذ منج اللي ابيه وامشي! لا وألف لا!
تبين عيوني؟ أعطيج
محتاجه ومتوهقه؟ تلقيني عند ويهج
الدنيا صاكه فيج؟ موجوده تفضفضينلي
طايحه بمشكله؟ أهد مشكلتي واساعدج
أنساني وأذكرهم
أطوف أشغالي عشان ما أتأخر عليهم
ليش كل هذا؟ لأني جذي الله حاط هالشي فطره فيني
أعطي وما انطر تردين لي شي
أسوي الجميل وأنساه
عندي همج أهم من كل همومي
وما أتحلطم وما أقول انا فعلت وسويت
وصح مرات أبي عرفان ويصدمني النكران بس عبالكم بغير شخصيتي وأوقف؟ لا طبعا
كل الناس تكسر خاطري
وين المشكله؟ أنا عمري ماكسرت خاطر أحد
محد قال شفيج, تبين شي, شالدنيا فيج؟
الحين ندش بالموضوع عقب ماعرفتوا أنا شنو .. شوفوا اهم شنو؟
بتكلم عن وحده تحب تفرق بيني وبين جم بنت
تروح عند فلانه تحش بفلانه
وتروح عند الثانيه تحش بالثالثه
واتيي عندي تحش بالكل!
وادري انها تحش فيني انا بعد عند الكل!
تموت اذا شافتنا متيمعين ونسولف, تطحن ماترتاح!
والطامه الكبرى انا ماعمري قصرت عنها بشي
سويت لها كللل شي تسوينه لأعز ناسج
ذكرتها لما الكل نساها
قضيتلها حاجتها لما احتاجت ومالقت أحد ..
وفجأه جذي قلبت الكل علي!
تخيلوا بيوم وليله الكل نفاني وجني مو منهم! ووقتها صج حسيت بالوحده, والظلم والقهر
ليش؟ لأنها أختي وشيشت أمي أبوي وخواتي علي!
لو غريبه قلت ماعليه, لو اعرفها من بعيد قلت عادي
بس أختي!
ليش شنو الشي الكبير اللي سويته خلاج تطلعين سوالف عني عند أمي وابوي
وتخلين اختي اللي أكبر مني بسنه اللي اعتبرها صديقتي واقرب انسانه لي تبتعد عني
والله ودي أسألها بس ليش؟ شنو استفدتي؟
منو وقف معاج غيري؟ منو راح يراكض بشغلج غيري
حتى لما ولدتي
معني كنت صغيره
كنت انزل تحت ريلج والبسج حتى دلاغج (تكرمون)
وما أنام عشان أسوي رضعة بنتج
لأنج اختي العوده!
بس شنو شفت منج؟ ألفتي كلام عني عند أبوي وشوهتي سمعتي, قلتي كلام ماسويته وطلعتي اسراري اللي كنت أخشهم عندج :')
كرهتي أختي فيني
والمشكله ماسويت لج شي
الله يعلم أني ماسويتلج شي
الله يشهد ماعمري ضريتج بشي
الله يجزي كل غريبه بالخير عمري ماشفت منهم المضره
وانتي اختي الكبيره دمرتي حياتي يوم توقعتج بتبنينها
الله راح يكشف كل شي والخبيث ما يدوم!
بنات انا من كنت صغيره عطيت من نفسي ووقتي وجهدي ومالي وماقصرت عن خواتي بشي
ومازلت ما اقصر
بس سبحان الله جنهم أعدائي
تشيشهم علي ويصدقونها
وجذي انام واقعد الاقي اللي امس يضحكون معاي وعطيتهم عيوني
اليوم مكشرين بويهي جني مسويتلهم جريمه
والله فوقي وفوقهم وفوقكم ويشهد علي عمري ماضريتهم بشي ولو يقولون عطينا عيونج عطيتهم بدون تردد!
الموضوع مو بس جذي لو اقولكم شيسوون تطقون على راسكم
بس اي شي تتوقعونه من عدوكم توقعوه منهم ..
وانا اختهم الصغيره (عمري 22 )
ابيهم ينصحوني ويعلموني ويخافون علي
ابي مره وحده بس احس انا مهمه بالنسبه حق أحد
مثل ما الكل يهمني!
---------
قبل ما أختم الموضوع, الحين حزة الفير ومو قادره انام بس ودي امسك سماعة التلفون وادق عليها بس بقولها
ليش؟ أمانه حلفتج بعيالج شنو تستفيدين اذا ابوي كرهني وخواتي اللي ماعندي غيرهم قلبوا علي؟
حتى لو ماكو سبب ألفي سبب عشان ارتاح!
وآسفه اذا الموضوع مو مرتب لأن اساسا الكلام بقلبي وااايد كلام سنين ما قلته ولا نطقت فيه شلون بكتبه بساعه؟
لا تحرموني من دعائكم
ترى أمثالي بهالدنيا شويه ..
ياحسافه :')
