أنا مسافره ساعدوني

[al_kadee]

السلام عليكم ••


بنات أنا متأخره علي الدوره 3 أيام وصدري محتقن. جدا. والإفرازات قليله بس تو اليوم. شفت. إفرازات بيضه قليله والأيام إللي قبل كانت إفرازات مائله للصفره وانتو بكرامه. واليوم لمن قمت الصبح غثيان بس ماعندي دوخه. وشوية نقزات بالبطن خفيفه وأأمس قبل لا أنام جاب لي. زوجي. التحليل ألمنزلي وسويته وطلع لي. خ واحد. بس ويقول أنا سالت الصيديلي وقال لي هذا نوعيته ممتازه. يعني شلون الحين. أسوي تحليل دم ولا أنطر وهل التحليل المنزلي دقيق واعتمد عليه خلاص ؟. عفيه بنات ناطرره ردودكم على أحر من الجمر

 

[روح الأحزان]

حبيبتي ان شاء الله تكونين حامل بس التحليل المنزلي احيانا مايبين اذا بتتأكدين اكثر سوي تحليل هرموني

 

[q8helwa]

يمكن حامل سوي هرموني عشان تاكدين*

 

[-فلانة-]

حبيبتي ساعات يكون هرمون الحمل مو مرتفع فما يبين معاج بتحليل البول وانتي بكرامة..
يا تسوين تحليل دم والا هرموني وراح يبين معاج إن شاء الله..
ربي يرزقج باللي خاطرج فيه.​

 

[al_kadee]

مشكورين بنات عالردود

نزلت لي الدوره قبل. شوي. وسبحان اللـَّــ̯͡ﮭ
اول مره تتأخر جذي ومالها اي بوادر فجأه نزلت لي.

يالله الحمدلله على ڳل حال

 

[rora_q8]

حبيبتي ترا تحليل البيت مو مضبوط انا حللت بالبيت طلع ماكوحمل
وثاني يوم حللت دم طلعت حامل
عسى ربي يرزقج الي تتمنينه

 

[sweet 30]

الله يرزقج يارب وان شاء الله تكونين حامل

 

[BeNt PaRiS]

نطري


هذي اعراض دوره اعتقد

لاني يوم حملت ماحسيت بهالاشياء


جنه ماعلي الدوره لا الام ولا شي


بس هذا ما يمنع انج حامل

لان اعراض الحمل تختلف من وحده لي وحده


نطري اسبوع او اسبوعين و حللي

 

[al_kadee]

بنات عفيه مادري شسوي احترت من قلت لكم نزلت لي الدوره لي الحين وهي تنزل قطره وخيوط سوده شوي وبعدين توقف وبعدين ماكو ماينزل شيء ومتى ينزل علي قطره إذا حسيت بألم مثل ألم الدوره والحين الألم اختفى

رحت مستشفى خاص قبل شوي سويت تحليل هرمون الحمل. طلع نسبته 0.100
عطتني الورقه ومشت لحقتها قلت لها شنو النتيجه هذي النسبه كان ترد بنفس خايسه مافي حمل مافي حمل

وبعدها قال زوجي امشي خلينا ندش على دكتوره احسن دشيت قالت لي طالما مافي حمل نعطيج حبوب تنزل الدوره


وبنات مادري أنا شاكه ماعمرها صارت لي جذي. يالله لك الحمد دورتي حيل منتظمه ڳل 25 يوم تجيني وبغزاره ماعمرها تقطعت


الحين حتى مادري أصلي ولالا مادري شنو وضعي

 

[((غلاي))]

الله يرزقج ان شاء الله
عادي شي طبيعي تتاخر الدوره بعض الاشهر و تنزل اشويه و توقف بعدين تنزل
لاتاخذين حبوب تنزلها
اهي تنزل بروحها

و الصلاه صلي عادي
لان سمعت فتوة لابن عثيمين ان الوحده ماتصلي اذا شافت الدم بكثره
لكن اذا نقط و افرازات عادي تصلي
ان شاء الله تحملين الشهر الياي يارب

 

[Aloe Vera]

الله يرزقج الذرية الصالحة

عادي سافري و لا تفكرين بالموضوع و بعد ماترجعين حللي اذا مو مطولة وايد