أنا طبيعيه؟ هالشي يسير لكم أو لأ؟

[الغلا89]

السلام عليكم
بنات أنا إذا كليت أي شي أي شي تخيلو حتى لو أشرب ماي
بطني ينتفخ
الحمدلله مااشتكي من شي ومافيني قولون لأن توني محلله
بصراحه شي غريييييب
كاني قاعده أشرب أعشاب وبطني منتفخ :lkmnkl: قسم بالله شي يجنن الواحد
شنو الحل؟
أشرب أعشاب وزعتر ونعناع وزنجبيل مافي فايده

 

[MisS *-* BMW]

!! غريبه بسم الله

اناا قلت يمكن من القولون لانه يسبب الانتفاااخ

ما اقدر افيدج اختي !! لازم اتراجعين دكتور مختص وان شاء الله يقدر يفيدج ويعرف شنو اللي فيج ؟؟؟ !!

و ان شاء الله ما يكون فيج الا كل عااافيه

:eh_s(17):

 

[الغلا89]

مشكوووره ياحياتي عالرد السريع
ماقصرتي

 

[كلـــــي غنج]

والله ماني عااارفة ..
لو تراجعين دكتور افضلج ..
وماتشوفين شر ان شاء الله
ولاتحاتين ماكو الا العافية
اسم الله عليج

 

[هيبة ملك]

راجعي دكتور أنا خبارة القولون هو اللي يتفخ البطن

ألف سلامة لج

 

[LuLiTa]

سوي فحص للمعدة نفسها ,,,

 

[رووووفان]

رد : أنا طبيعيه؟ هالشي يسير لكم أو لأ؟

نفسي بالضبط ينتفخ ويصير قااااااااسي ولما أروح الدكتور يقول عادي انت مافيج شي

 

[missnohaa]

سلامتج الف سلامه
انا رايى من راى الاخت MisS *-* BMW لازم تروحين حق دكتور
ماتشوفين شر حبيبتى

 

[الغلا89]

مشكووورين بنات
إن شاء الله بروح للدكتور وأشوفه شيقول؟؟؟

 

[Rose.88]

رد : أنا طبيعيه؟ هالشي يسير لكم أو لأ؟

أنا يصيرلي نفسج بس أنا لأن فيني القولون

خل دكتور يفحص عليج احسن

مافيج الا الخير ان شاءالله

 

[shoO shoO 95]

عفواً الدكتور او الدكاترة اللي رحتيلهم ما يفهمون شي تقوليلهم بطني تنتفخ يقولون مافيج شي !! ذكرتيني بدكاترة المستوصف و مستشفيات الحكومة
حبيبتي روحي دكتور متخصص بالجهاز الهضمي مثل د.مساعد العصفور و ان شاء الله ماكو الا الخير
و ما تشوفين شر ان شاء الله
و كل عام وانتي بخير

 

[الكرملين]

رد : أنا طبيعيه؟ هالشي يسير لكم أو لأ؟

اتوقع قولون عصبي انا جذي

 

[صدى الوحدانية]

يمكن معده عصبيــه أنا جذي أذا عصبت أو توتر ينتفخ بطني ومعدتي تنبض حيييل


بس لما سويت نفخة ومنظار قالـوـأ ماكو شي بس ألتهـأب ومايسبب الأنتفاخ سماهـأ معده عصبية مادري قالوـن عصبي



جيكي سوي منظااار أاحسن

 

[شذى الحب]

البنات كفوووو ووفوااا

مااتشووفين شر

 

[قطوة@@]

رد : أنا طبيعيه؟ هالشي يسير لكم أو لأ؟

ما تشوفين شر