أنا صح أو غلط

[My girlfriend]

أول شيء السلام عليكم ورحمة الله وبركاته المهم بقولكم مشكلتي لاني ماابغى اطول عليكم بالكلام وتكفون ساعدوني لأن الحيره ذابحتني أنا من مجتمع محافظ ولله الحمد وأخوي تزوج وحده من نفس أصلنا بس ماكنا نعرفهم قبل الزواج والحين علاقتنا معهم الحمدالله زينه ألحين أخوي صار له يمكن سبع سنين متزوج زوجة أخوي عندها أخو بدينا نعرف بعض تقريبا من سنه مااراح اقولكم كيف عرفته لانها سالفه طويله المهم انا وياه بس مسجات يعني ابدا مانحكي مع بعض الا اذا صار سوء تفاهم هو حنون وطيب وانا دايم اقوله انت تلعب علي وتوسع صدرك مثل شباب هالأيام طبعا هو يسكت وانا دايم اجرحه بمثل هالكلام وساكت لي ماادري ليش يعني مايسوي ردة فعل ابدا واذا انخطبت زعل علي وشوي بيسطرني وفي نفس الوقت اقوله ماتبغاني اوافق يقول الرأي رايك وهو زعلان وكل ماقلت له شي يقولي بعدين ان شاء الله قصده اذا تزوجنا وفي نفس الوقت هو خايف يوعدني بشيء ماينفذه ودايم يقول حبنا لبعض مايكفي عشان اوعدك بشيء قصده أهلنا وبالعكس محترم جدا وصابر على كلامي ولايقولي كلام مثل ياقلبي واحبك ومدري كيف هو فهمني انه يحبني بس بدون هالكلام وعمه متزوج أختي واخته متزوجه اخوي وش تتوقعون من تصرفاته يحبني أولا ساعدوني بلييز


أدري طولة عليكم بس وربي مالي غيركم طفشت المشكله أحب أهله وخواته ولاابغى أخسرهم هو بعد يقولي لازم نبعد عن بعض عشان أشياء ثانيه واذا شفتيني ماكلمتك لاتقولين هذا مايحبني بنااات كل وحده تحط نفسها مكاني وتعطيني رااايها بليز ولو مكاني وش راح تسوين ...:krkrkr::krkrkr:

سوري على الاطاله:eh_s(7):

 

[بنوتة ذهبية]

ياحبيبتي واحنا كمان ماندري عن اللي بقلبه مثلنا مثلك

بس الحل انك تصارحيه وتقوليله أنا جوني خطاب وأرفضهم عشانك بس كيف أضمن على الأقل لو بس يخطب!!!!!

مافيه حل الا كذا وأنصحك كمان ماتكلميه؟؟؟؟
أول شيء عشان الحرام
بعدين عشان تكبري بعينه

وهو وقتها اذا جد يبغاك يخطبك

 

[Vdieta]

upupup
upupup
upup
upup
upup
لعيونج
ان شاء الله البنات يفيدونج

 

[عالمي انا غير]

ياحبييبتي واضح لاعب اتركيه عنج اذا مو لاعب ليش مايتقدملج والله لو شنو مايتحجج لا تصدقينه لاعب ويتسلى فيج اتركيه ودليل يقول خلنا نبعد عن بعض يعني مل منج ويبي فترة ويشتاق مثل البلاستشين في لعبه نحب نلعبها حيل وبعد فترة نرجعلها لما نملها يختي تبين نصيحتي اتركيه بس قبل لا تتركينه قوليله انا مو لتسليه تبيني بحلال مو بالخش ودش مثل الحراميه انا بنت ناس والواجب عليك تحترمني تقدملي وعقبه يصير خير ولا تردين عليه اتركيه ومحد يستاهل تخونين ربج عشانه والله بكره بتندمين ع اللي تسوينه

 

[My girlfriend]

شكرا بنات على ردودكم ماقصرتوا على الاقل لقيت حد اشكي له همي
بس أنا مااحس انه يلعب وفيه اشياء كثير سواها تدل على هالشيء احنا مانكلم بعض ابدا ولايتصل علي ولايخربط بالكلام وهو ماقال انه يحبني لانه خاايف من اشياء مايبغى يقولها ويطلع مو قدها دايم يقولي كل شي بوقته حلوو

ويابنات الحمدالله انا مااكلمه اصلا هو بعد مايرضى بس ساعات احسه يعشقني بدون مايتكلم وساعات احسه يكرهني ماادري كيف هو من النوع مايعبر بنااات من صار لها مثلي بلييز تعبت مااتوقع يستهبل بينا قرابه ونسايب بعد

 

[My girlfriend]

ايييه بنااات لانه تووه متخرج ومايقدر يتقدم لي هو يقولي اصبري دايم يقوله اقوله اصبر على ايش وانت ماوعدتني بشي اخاف اتزوج غيره واظلمه يقولي مااقدر اوعدك بشيء الحين لانه ماادري وش يصير علي يقصد للحين مايدري يتوظف ولايروح يسافر يكمل دراسه برى وانا سمعة كلام من اخته والبنات يسولفون تقول اخووي شكله ماراح يسافر يقول بتوظف واتزوج وساعتها بااخذ زوجتي واسافر اكمل دراسه برى اخاف اكون انا السبب اللي ماسافر عشانه يااربي بس

 

[عالمي انا غير]

طيب حبييبتي قوليله يتقدملج وان تحجج يعني يلعب نصحية من اختج سوي هشئ ونصيحه حبييبتي لا تكلمينا ان كان نصيبج يدل بيتكم ارضي ربج عشان يوفقج

 

[رحاL]

الله يعينك ياقلبي

 

[رشيديه نعومه]

والله ما ادري بس انتي ادعي ربج اذا له فيه خير يرزقج واذا نيته شر يبعدنج عنه ~~

 

[سكوتي بذوقي]

ياربي من سوالفكم

اي حب اي خرابيط

انتي قلتي له يجون يخطبونك ويعصب

ولما يجي وقت الجد يتهرب

الأخ يلعب واضح ترى كل الشباب واحد اختي نصحيه

قولي له إذا أحد جاني وطلع مافيه عيب بشوف نصيبي وبتزوج

الله يستر عليكِ اقطعي هالعلاقه اللي ماوراها إلا الشر

 

[My girlfriend]

مشكورين بنات على ردودكم ماقصرتوا بس لاتخافون مايقدر يلعب علي أصلا الحمدالله ماأكلمه
والله يشهد الحمدالله انا مالي في هالعلاقات البايخه أول واحد أعرفه هذا ولو يلعب علي كااان حسيت بس بالعكس مررره محترم معي وانا دايم اغلط عليه بالحكي وصابر علي انا مستغربه من هالشيء دايم اقوله انت لعاب كلكم مثل بعض يقولي أذكرك بعدين بس مايجادلني أوووف بس وبعدين يقولي شلون العب عليك واحنا نسايب انا مو راعي هالحركات لو العب كنت سويت اللي سووه شباب هالايام يااااربي رحمتك

 

[شندوخه]

ياحبيبتي مبينه قاعد يقولج نخلي بعض شنو اكثر من جذي

 

[ام ميميتو]

اتركيه واذا صج يبج و يحبج هو من نفسه راح يخطبج اتركيه احسن ما يوصل الخبر حق اخوج والكل يعرف بسالفتج معاه

 

[lamoshty]

أممممم


مادري ان شاء الله تتيسر اموورك


بس يبغالك تكوني حازمة لاتستعطفين العواطف ابعديها اشوووي حلي الموضوع بعقل مو بعاطفة اتمنى فهمتي قصدي

 

[احبك اكثر]

يعني ما قال احبك ولا قال بتزوجك ولا شرح ظروفه يعني انتي بالعقل شنو يبي هو بالضبط باجر لا مل منج بيقول انا ما وعتك بشي ولا ضحكت عليج انتي اللي تكلميني برضاج اقول بس خلي عنك هالخرابيط واذا تقدرين غيري رقمك وقوليله تبيني تدل بيتنا وحياك الله وغيره توكل على الله بعيد اني لاني بنت ناس وعسى الله يستر عليج وعلى بنات المسلمين

 

[q8dvd2000]

اختي انتي جم عمرج؟ اذا حاسه نفسج صغيره والحياه والفرص جدامج عطيه مهله جم شهر والا سنه بالكثير
بصراحه انا هالشي كنت راح اسويه لو كنت مكانج بس بحاله وحده اذا حسيت ان عمري صغير يعني تحت ال21

 

[دلع العتبان]

خليني اقولج شغله ياقلبي القرايب مو نفس يوم تتعرفين مثلا على واحد بعيد مبين الولد يحبج صح بس مايبي يتزوجج فيه شي يخفيه عنج لو صج يحبج ويبيج وضامن لانكم نسايب جان قال بتزوج وبسوي وبحط بس هوه موناوي يتزوجج بس نتفق على انه يحبج مبين او يعزج

الي ابيج تسوينه الحين انج تعينين من الله خير وتغيرين رقمج نهائيا وتشيلينه من بالج لنقطه يمكن هوه ناوي يخطبج بس قال هاذي تكلمني وعقليات البدو او السعوديين مثل مومبين انهم متحجره شوي ولو كان شباب يعني يقول هالبنت كلمتني شلون بتزوجهاا

هاذي نقطه النقطه الثانيه انج تنسحبين بسهوووله والحب راح ينسي مع الايام لاتخلين الشيطان يخرب عليج وتضرين اهلج واختج الي ماخذه عمه الي لو يكتشف العلاقه يمكن تعمين على الكل

استغفري وتوبي واذااااااااااااااااااااااااااا ربج كاتبه لج وربي واللذي لااله الا هوه بتاخذينه بستر وعافيه وطيبه خاطر منه والزواج ياقلبي ماهوو غصب على الاصبي يحبج ويدل بيتج ويعرفج خلالالاص

قضي الامر ماله اي معنى كلامج معاه ومسجاتج يمكن هالمسجات يستخدمها بعدين ضدج شدراااج بعقليه الريال وتفكيره اذا انكشف امره مثلا او انضغط يقول كاهو هيه همن ترسلي مسجات

اتمنى هالشي مايصير واذا فيه خير ربج يكتبه لج ويكتب الخيره

موفقه حياتي

 

[جوانا2011]

أول شيء السلام عليكم ورحمة الله وبركاته المهم بقولكم مشكلتي لاني ماابغى اطول عليكم بالكلام وتكفون ساعدوني لأن الحيره ذابحتني أنا من مجتمع محافظ ولله الحمد وأخوي تزوج وحده من نفس أصلنا بس ماكنا نعرفهم قبل الزواج والحين علاقتنا معهم الحمدالله زينه ألحين أخوي صار له يمكن سبع سنين متزوج زوجة أخوي عندها أخو بدينا نعرف بعض تقريبا من سنه مااراح اقولكم كيف عرفته لانها سالفه طويله المهم انا وياه بس مسجات يعني ابدا مانحكي مع بعض الا اذا صار سوء تفاهم هو حنون وطيب وانا دايم اقوله انت تلعب علي وتوسع صدرك مثل شباب هالأيام طبعا هو يسكت وانا دايم اجرحه بمثل هالكلام وساكت لي ماادري ليش يعني مايسوي ردة فعل ابدا واذا انخطبت زعل علي وشوي بيسطرني وفي نفس الوقت اقوله ماتبغاني اوافق يقول الرأي رايك وهو زعلان وكل ماقلت له شي يقولي بعدين ان شاء الله قصده اذا تزوجنا وفي نفس الوقت هو خايف يوعدني بشيء ماينفذه ودايم يقول حبنا لبعض مايكفي عشان اوعدك بشيء قصده أهلنا وبالعكس محترم جدا وصابر على كلامي ولايقولي كلام مثل ياقلبي واحبك ومدري كيف هو فهمني انه يحبني بس بدون هالكلام وعمه متزوج أختي واخته متزوجه اخوي وش تتوقعون من تصرفاته يحبني أولا ساعدوني بلييز


أدري طولة عليكم بس وربي مالي غيركم طفشت المشكله أحب أهله وخواته ولاابغى أخسرهم هو بعد يقولي لازم نبعد عن بعض عشان أشياء ثانيه واذا شفتيني ماكلمتك لاتقولين هذا مايحبني بنااات كل وحده تحط نفسها مكاني وتعطيني رااايها بليز ولو مكاني وش راح تسوين ...:krkrkr::krkrkr:

سوري على الاطاله:eh_s(7):

طيب انتي لما عارفه حركات شباب هالايام ليش تتبادلين معه المسجات:eh_s(10): ..يبيك يخطبك من اهلك مو تقولون العايلتين يعرفون بعض يعني اكيد ابوك واخوانك عارفينه ...لا تقطين روحك على الرجاال واذا عنده شي خل يتقدم ويخطبك ..واذا قام يلف ويدور سحبي عليه لانه يلعب ويتسلى وابتعدي عنه لله ..لان من ترك شئ لله عوضه الله بخير منه ..وانتي كيفك:eh_s(7):

 

[جوانا2011]

دلع العتبان

الي ابيج تسوينه الحين انج تعينين من الله خير وتغيرين رقمج نهائيا وتشيلينه من بالج لنقطه يمكن هوه ناوي يخطبج بس قال هاذي تكلمني وعقليات البدو او السعوديين مثل مومبين انهم متحجره شوي ولو كان شباب يعني يقول هالبنت كلمتني شلون بتزوجهاا



اختي دلع اخالفك بالراي ..اي شاب مهما كااان سعودي كويتي قطري خليجي بشكل خاص بيفكر هالتفكير ..يعني لانضحك على انفسنا ونقول انها صفه خاصه للسعوديين ...هي صفه للرجل العربي الا ماندر

 

[دلع العتبان]

صحيح بس فيه بعضهم ياقلبي عادي يتزوج عن طريق مثلا الفون او النت البدووو خاصه مايحبون هالشي فاهمه النقطه