- أنا أشهد إن البدو : حلوين حلوين !

[هنـــــد]

- يسعدلي مساكم ،
أولاً : عساكم من عوّادة .. و سلّم ولدكم يالله ( بمناسبة القرقيعان )
مممم .. بنات عن جد .. بخاطري ألاقي إجابه لــ سؤالي ،


رفيجتي حضريه من بنات الديرة
وقبل شهرين ملجت وزواجها إن شاءالله بعد 3 أشهر ..
اهي متزوجه : بدوي !!


مو أي بدوي .. بل من أهل الصحراء الأوليين
يعني من البادية وناس نعرفهم متشددين وماياخذون إلا من بعض ،
استغربت - بصراحة !


الحين شلون بتتعوّد على عاداتهم وتقاليدهم ؟
شلون اهو بيتأقلم على حياة أنسابه ؟
اذا جابوا عيال بــ يتأثرون بمنو أكثر !!؟
( خوالهم الحضر ، والا عمامهم البدو ) ..؟


أبيكم تردّون علي .. واللي مرّت بنفس التجربه تطرح تجربتها
سواء خذت بدوي واهي حضريه والا العكس !؟


لــ قلوبكم :aha:​

 

[i'am THE ONE]

اللي سهل لهم الخطبه قادر يسهل الباجي

سبحانه

و عالبركة

 

[كيك وحلاو بشكلك]

رد : - أنا أشهد إن البدو : حلوين حلوين !

عادي حبيبتي شكثر ناس حضر ياخذون بدو والعكس يصير عادي انا اعرف ناس بدو ماخذين حضر والحياه سعيده الله يوفقها

 

[يالبيه 17]

رد : - أنا أشهد إن البدو : حلوين حلوين !

عادي حبيبتي انا مرت عمي حضريه وماخذه عمي واحنا بدووو مافي مشكله الحمدلله تآقلمت حييييل حيل

 

[أبله كويتيه]

عادي حياتي االحين مو مثل قبل

الكل ياخذ من بعض

يكفي كويتي واهي كويتيه

وبعدين ترا ماكو باديه على قولتج

الكل بديره الحين الكويت كلها افتر فيها بنص ساعه

 

[أنا Top أنا]

رد : - أنا أشهد إن البدو : حلوين حلوين !

شنو أهل الصحراء الاولين ؟؟

يعني شنو .. مافي احد من اهل الصحراء الحين .. كلهم بالديره خصوصا " بالكويت ؟؟؟

وبعدين اذا اهي متعقده اشلون تتأقلم معاهم ؟ ليش رضت فيه بالله ؟؟

 

[Cander]

الف مبروك

عادي صايرة وايد

والبدو متفتحين ومتعلمين الحين الكل مثل مثل بالكويت

والله يوفق الجميع

 

[عيش و مرق]

والله شوفى حبيبتى اذا فى حب بين اى 2 بدنيا مو نفس الجنسيه راح يتاقلمون مع بعض فما بالك اذا هم 2 كويتين بس واحد بدوى والطرف الثانى حضرى راح يتاقلمون صدقينى والبدوى تخف بداوته ويتعلم من مرته التحضر شوى والحضريه تتعلم على حكارت زوجها وتاخذ على لانها تحبه وترا عادى جدا جدا انا امى بدويه وابوى حضرى بس خذاها وايد صغيره اتشوفين خالاتى يتكلمون بلجيم واهى بلياء ويضحكون يقولون ماجنج اختنا عادى مايضر

 

[شقرديـه عالطل]

اعرف وحده ماخذه بدوي وبناتها كبري وعادي مشت عياتهم
بس عيالها ماخذين طبع خوالهم اكثر

 

[همسات ليالي]

رد : - أنا أشهد إن البدو : حلوين حلوين !

ما كو فرق الحين

الكل متفتح وعايشين بالديره

 

[هنـــــد]

رد : - أنا أشهد إن البدو : حلوين حلوين !

:friends:


حبيباتي أنا ماقصدت أسوي طائفية ف الموضوع
احنا أهل ديرة وحده على الراس والعين
أنا قصدت التأقلم .. والسؤال مني مو منها فديتكم
واللي يرحم والدينها اللي ما فهمت قصدي

لاترد


​

 

[كرز حالي.]

رد : - أنا أشهد إن البدو : حلوين حلوين !

اي واااااااااااايد رفيجات اختي ماخذين بدو وعايشين احلى عيشه والله يوفقهم

 

[هنـــــد]

رد : رد: - أنا أشهد إن البدو : حلوين حلوين !

اللي سهل لهم الخطبه قادر يسهل الباجي

سبحانه

و عالبركة

الله يسهّل ان شاءالله

:68_asmilies-com:​

 

[معشوقته]

رد : - أنا أشهد إن البدو : حلوين حلوين !

والله اذا عايشين بخيمة بوسط الصحراء وصارت ترعى الغنم هذا ربي كاتبلها



اجل لو قايله حضري اتوقعه بوسط سفينته ويصيد سمك شلون بتعيش معاه وتنظف السمك ؟


الامور سهالات

 

[لحظة شوق]

ماكو فرق

 

[LA TROO7]

رد: رد : - أنا أشهد إن البدو : حلوين حلوين !





مافي فرق بين اهل اكويت بالعيشه ولا بالعادات

دامهاا حضريه من عوائل الكويت المعرووفه مو المضروبه يعني عاداتهم وعيشتهم وحشمتهم نفس البدوو بالضبط

 

[قمر^خالد]

عااااااااااااااااادي ... ماما .. وبابا جذي .. فلا تحاتينهم عادي... ع البركه أن شاءالله

 

[&& دعاء &&]

اذا اهي تحبه راح تتأقلم
في مثل هالحالة دايمن الام اهي الغالبة وتأثر ع الاولاد ع عكس الابوووو
وشكرا

 

[LuLiTa]

عاادي سهالات ,,, و بالنسبة للتأقلم فراح يكوون سريع لانه عادات اهل الكويت وحده حتى لو اختلفت التسميااات ,,, و العيال رااح ياخذوون من طباع امهم و ابووهم ,, بيشوفون شلون يتعاملون مع بعض و يتعلمون منهم ,,,,

 

[blue diamond]

دامها وافقت عليه ومستانسه يعني راضيه
والله يهنيهم ان شاء الله