- إنضم
- 27 فبراير 2009
- المشاركات
- 708
- مستوى التفاعل
- 0
- النقاط
- 0
السلام عليكم ورحمة الله وبركاته ..
بنات بعلمكم على طريقة أم علي بس شرط :050103nbh_prv: ..
لأنها رووعه ..
طبعاً هذي الوصفة خذيتها من وحدة امارتية من منتدى .. أسمها همسة الشوق علشان تكون حقوق الطبع محفوظة لها ..:weight_lift:
*المقادير:
باكيت بف باستري(اللي فيه 15 شريحة واستعملت قليلة الدسم)
علبة قشطة
4/3 ك سكر
4/1 اصبع زبدة
1 م ص فانيلا
مكسرات(اللي تحبونها)
4 ك حليب سائل..
*الطريقة:
- تحمرون شرائح البف باستري في الفرن..وبعدين تكسرونها (نص الكمية) في الصحن اللي بتحطون فيه أم علي(لازم صحن فرن مثل بايركس)
- تخلطون الحليب+السكر+الفانيلا+القشطة+الزبدة على النار حتى يسخن الخليط..
- تصبون نص خليط الحليب على نص كمية البف باستري..
- تضيفون بقية كمية البف باستري..بعدين تضيفون خليط الحليب المتبقي..
- زينو الطبق بأي نوع مكسرات تحبونها(استعملت الصنوبر+الفستق+الكاجو+جوز الهند) ودهنت الطبقية العلوية بشوية قشطة عشان تعطيها نكهة حلوة ولون حلو عند التحمير في الفرن ..
- دخلو الطبق الفرن حتى تحمر الطبقة العلوية..وتعرفون ام علي احلى شي تاكلونها وهي حارة..
# ملاحظة: التزمو بكمية البف باستري والحليب<<<<أول ما تصبون كمية الحليب بتشوفونها وايد وبتحسون أن البف باستري متشبع منها بس خلوها شوي بعدين البف باستري بيشرب الحليب وبيطلع احلى
وهذا تطبيقي ..
التعديل الأخير:
