أمي خايفه علي اني ما اتزوج وانا خفت أكثر

[غريبه بين الناس]

السلام عليكم
تخيلوا بنات امي خايفه علي اني ما اتزوج واطيح بجبدها انا حسيت من كلامها لي معنه عمري19سنه وماابقى شي وادخل20إن شااء الله بناات والله حددي متضاايقه داايم تقولي اهتمي بنفسج وانتي كبرتي ولاازم تسوين رجيم لانج خلاص كبرتي واذا رحنا عرس ولا حفله تبينا نكشخ واحس مرات تنح فيني ليمن البس مثلاً لبس وبروح عرس تنح مده واهيا جنها متضايقه وانا الصراحه خفت اكثررر والله ادري انه الزواج قسمه ونصيب وكل هذا بيد الله بسس امي الله يهداها اهيا الي مخوفتني لي درجه صرت بعض المرات انه الله يرزقني الزوج الصالح وافرح امي
وانا كنت اهني موضوعي قلت انتوا خواتي الكبار ومشكورين واسفه اذا خذيت من وقتكم

 

[امووووما]

حبيبتي توج ١٩ سنه العمر جدامج واذا بتضعفين عشان نفسج مو عشان ريال محد يستأهل أنا كنت ٩٥ وما ضعفت الا عشان البس حالي حال البنات وما تخيط وأي شي يعجبني بالسوق اشتريه بدون لا اضاييق والحمدالله وصلت ٥٥ كيلو بصحه وعافيه بس انج تضعفين عشان زواج غلطانه كوني واثقه من نفسج وكثري من الاستغفار والله ينولج مرادج بإذن الله

 

[~✿ ارتـِوآآآء روح !]

السلام عليكم ورحمه الله وبركاته
الله يهديها إن شاء الله
حبيبتي لو كان وزنج 200 والله كاتب لج تتزوجين راح تتزوجين لو كنتي بسجن غزة
وربي كاتب لج تتزوجين راح تتزوجين
كلش الطلعات والشكل والوزن ماله دخل بالنصيب
انا استغرب من البعض اللي يربط النصيب بالشكل والوزن واي شي كان
لو تجري جري الوحوش غير رزقك ماتحوش
تزوجنا ماتزوجنا ماراح نكون ابخص من رب العباد بتصريف امورنا
بس هذا مو معنى ان ماتهتمين بصحتج ان كنتي سمينه لازم تهتمين مو عشان الزواج لا حبيبتي شيلي هالفكرة من بالج
اهتمي عشانج عشان صحتج
وماخذيتي من وقتنا ولا شي وكلنا خوات ماجابنا بطن واحد وقولي اللي بتقولينه فديت قلبج
وادعي ربج ان يهدي امج
والله يسعدلي قلبج ويرزقج الزوج الصالح

 

[Vdieta]

الله يرزقج بالزوج الصآلح

 

[Vitch]

الله يرزقج بالزوج الصالح

 

[khawla&tito]

الله يرزقج يارب

 

[khawla&tito]

مع اني اشوفج واييد صغيرة ع الزواج

 

[سيزرتفاح]

الله يهدي امك ماله داعي تحسسك بالخوف والنقص انتي بعد اهتمي بنفسك ولايصير موضوع الزواج اكبر همك ولا تشيلين همه اهتمي بدراستك وقولي لامك كل شئ بيد الله ومصير كل بنت راح تزوج والله يرزقك ويرزق الجميع .

 

[منار البربرية]

كابوس العنوسه صار الكل يخاف منه الله يرزق البنات يااااااااااااارب كلهم الازواج الصالحه ياااااااااااااااااارب ويرزقج
لكل ما تتمنينه

 

[عادت ذكرياتي]

الله الرازق ...

 

[حبي لله اشد]

انتي وحيدت امج ؟!
مادري والله امج شوي غريبه لانج توج صغيره
يمكن تسمع فلانه انخطبت وفلانه وفلانه ..
او سأليها يمكن فيج شي مو عاجبها !
شوفي انا ماقولج فيج شي لاني اصلا ماعرفج
بس اقولج شوفي امج جيسي نبضها
سأليها مثلا جذي طريقتي حلوه جذي مادري شنو
شوفي شتقول وبتعرفين ..

 

[منوووووله]

الزواج موبيدج هاذا كله نصيب والي الله كاتبه بيصير واذا على امج حقها تبي تزوج بنتها وتفرح فيها بس انتي قوليلها

كل شي نصيب اذا ياني الريل ماراح اقول لا :>

 

[أم فـرح الحلوه]

الله يرزقج بالزوج الصالح اللي يسعدج

 

[عالمي انا غير]

شئ طبيعي حبييبتي كل الامهات هشكل امي من هل النوع لا سمح الله يخافن يصرلهن شئ ويخلنا ربي يطول بعمارهن حبييبتي 19 سنه مو عمر صغير حيل يعني ان جى نصيب زين حرام ترفضينه وربي يوفقج ويرزقج بولد الحلال الصالح

 

[أم توتو]

الله يرزقج بالزوج الصالح اللي يسعدج

 

[ما كو اسم]

السلام عليكم ورحمه الله وبركاته
الله يهديها إن شاء الله
حبيبتي لو كان وزنج 200 والله كاتب لج تتزوجين راح تتزوجين لو كنتي بسجن غزة
وربي كاتب لج تتزوجين راح تتزوجين
كلش الطلعات والشكل والوزن ماله دخل بالنصيب
انا استغرب من البعض اللي يربط النصيب بالشكل والوزن واي شي كان
لو تجري جري الوحوش غير رزقك ماتحوش
تزوجنا ماتزوجنا ماراح نكون ابخص من رب العباد بتصريف امورنا
بس هذا مو معنى ان ماتهتمين بصحتج ان كنتي سمينه لازم تهتمين مو عشان الزواج لا حبيبتي شيلي هالفكرة من بالج
اهتمي عشانج عشان صحتج
وماخذيتي من وقتنا ولا شي وكلنا خوات ماجابنا بطن واحد وقولي اللي بتقولينه فديت قلبج
وادعي ربج ان يهدي امج
والله يسعدلي قلبج ويرزقج الزوج الصالح

حلو الكلام:ggdw:​

 

[((نبض الغلا))]

هلا قلبي



<<< حاااسة فيج حيل ، كنت بمكانج بيوم من الايام وبعمرج >> يعني صرت كبيرة كلها سنة

.. امي ما كانت تقول بشكل مباشر ،، بس تقول اكشخي ،، خنروح عزاايم ولما اقول مالي خلق تقول خلي الحريم يشوفونج ،، حبيبتي عادي طبع امهاتنا جذي ما يرتاحون الا اذا جا النصيب ~~ فديتهم يحاتونا
بس انا كانت عندي قناعة بداخلي اني ماراح أتزوج الا لما ربي يكتب ،، مشان هيك ريحت حآاالي من التفكير بهالموضوع ،،
والحمد لله جاني نصيبي >> والفال لج يارب ولكل بنات المسلمين

 

[honey lust]

الله يهديهم هالامهات مادري شفيهم

جنج تتكلمين عن وحده اعرفها امبي مبدعه بحياتها والله حتى بنتها على طول مبين اببالها هالسالفه و مبين اشكره ان كل شي

تسويه بس عشان تزوج بنتها

 

[اهات شامخة]

الله يرزقج بالزوج الصالح اللي يسعدج​

 

[* Snow White *]

امبييييه ماشاءالله ترا صغييره @_@!!!
الله يهدي امج، يمكن تفكيرها على تفكير القديميين لازم تتزوجين بهالعمر
امبييه حرام حدج صغيره .. انا عمري 22 و وايد يخطبوني وما اوافق الا وانا مقتنعه باللي ياي لي
بنات خالاتي تزوجو واعمارهم 23 و 24 و 25 و 26 =/
لا وماكانو طايحين بجبد اهلهم اهما كانو يرفضون وكل وحده وراحتها كيفها
وانتي صغيره للحينج ماشاءالله جدامج عمر بعد
امج مستعيله .. وايد بمجتمعنا جذي من الامهات يبون يزوجون بناتهم بسرعه
جنه كل وحده تتسابق على بنتها عشان تشوف انه انا الاحسن ويعني تفتخر فيج جدامها امبجر
لاتحاتين ولاتوسوسين مازلتي عنونه ;p
والزواج قسمه ونصيب ماتدرين متى ربج كاتب لج ومنو كاتب لج
موفقه