(أمهات - معلمات) شلون تدرسون عيالكم الاملاء

[xxx]

شلونكم أمهات

شلونكم معلمات




انا وايد متوهقة وماني عارفة ادرس بنتي املاء

سواء عربي ولا انجليزي

أبي طريقة سهله وماتمل منها بنتي >> نوعها ملوله


يالله عاد همتكم :ggdw:

 

[جكورة]

هلا وغلا ....

أنا أعطيهم الدرس أو الكلمـــات يحفظونها لمدة معيـــنة وينسخونه كذا مرة
بعدين أمتحنهم فيه وكل غلطة بطقــــــة

 

[حلم الطفولة]

هلا بنوتتنا الغاليه ,, ولو غاليه والطلب رخيص ..

عندي وحده من البنات جذيه والصراحه وايد تحسنت لما وصلت رابعه ابتدائي .. احس تفكيرها صار أنضج ..
بالعربي : لازم تقرا الدرس وبعدين فقره فقره أحط لها عالكلمات الصعبه دائره تركز عليهم تبتدي تحفظ بس الكلمات اللي عليهم دائره .. وبعدينأسوي لها املاء على الفقره ..
هذا العام بس السنه الحمدلله ماشيه زين مع أبلتها الروعه ..

وطبعا ألاحظ عندها الأغلاط الدائمه .. مثلا : في المدرسه تكتبها فالمدرسه ..
هاذه بدل : هذه ... علمتها ان الفاء لما صوتها مكسور تبي كرسي تقعد عليه وماتحتاج تقضب الكلمه
لأنها قاعده على الكرسي : في المدرسه
بينما إذا صوتها مفتوح فهي فوق طايره وتبي تمسك بالكلمه عشان ماتطيح : فالمدرسه .. ومشى الحال

يعني الكلمه ابتكري أفكار في تدريسها .. ومع الممارسه راح تميز بنفسها الله يحفظها .
الانجليزي : حسب الأصوات ويد أسهل
مادري شلون أشرح بس هو يعتمد عالفونكس.. وأقسم لها الكلمه :chil-dren ,, fri-end : يعني كلمة فريند صارت فراي + إيند .. أحط خط تحت الاحرف المكرره مثل في : correct
والأحرف اللي ماتلفظ أنبهها عليهم ... وهو لازم تكونتعرف فونكس عدل ..
وانشالله هالمواقع تفيدج :
هذا موقع ملكي يهبل :
http://edhelper.com/phonics/Phonics.htm

وهذيله بعد زينين :

http://www.bbc.co.uk/schools/wordsandpictures/phonics/index.shtml

http://www.mes-english.com/phonics.php

وفيه بالمثنى مكتبه فوق بيتزا هت اسمها : تسشرز شويس وايد فيها أشياء حلوه مع انها صغيره ..وبالعافيه .....

 

[الصابرة المحتسبة]

أحب التعلم عن طريق اللعب
يعني أرسم شكل سيارة مثلا وأحط بكل دريشه كلمه بس مو أكثر من ثنتين ليما يحفظهم ومع التكرار يعلم الشطار
وعندي طريقة الإملاء واذا غلط بكلمة أحط عليها دائرة وخليه ينسخها عشر مرات ليما تثبت عنده
وعندج الكتيبات صغار ولكل مرحلة والصراحة دوم أشتريهم وخليه على طول يحل فيهم بالسيارة لي طلعوا أو وقت الفراغ لأنها على شكل ألعاب وتسالي وبنفس الوقت تعليم
نصيحه التعليم طريقته:1- دراسة- راحة - دراسة مثلث ناجح للتعليم المحبب والله ولي التوفيق

 

[xxx]

مشكوووووووووووووورين

صج ماقصرتووو

بجرب معاها وان شاءالله يفيد

 

[أم عبووووود]

حبيتي انا منزلة موضوع عن الاملاء ان شالله يفيدج

دشي على هذا الرابط

http://q8yat.net/showthread.php?t=325501

 

[حلم الطفولة]

رفع الموضوع مفيد ..