أمهات شلون تتصرفون مع بجي البيبي بخارج المنزل

[سهم الليل]

السلام عليكم


أمهات حبايبي المجربين الامومة والبجريات الي جربوا


البيبي اذا طلعتي فيه خارج المنزل سواء للسوق او الطبيب او للحاجة


وقعد يبجي شلون تتصرفين معاه ؟؟؟؟

ربي يوفق الي ترد


بالخصوص اذا كنتي مرضعته وماخذ كفايته من الرضاعة قبل الطلعة ؟ بس هم يبجي

اذا كنتي مغيرة له قبل الخروج ؟ هم يبجي

قصدي شلون تتصرفون وياه اذا بجى وانتي ما اخذتيه الا انج مضطرة بسبب أن ما عندج احد تخلينه معاه بالبيت



اول شي استخدمت المصاصة بس قالو مو زينة ؟؟ قطعتها

شريت له العربانة وخليته يسكت شوي وبعدها قام يبجي وبجي بصراخ


اتمنى سؤالي واضح وعذروني

الزبدة شلون اسكته بره البيت واخلص مشاويري :lkmnkl:

 

[ShoOog el3YoOoN]

حبيبتي على حسب عمر البيبي من لولاده لي 6 اشه تلاقينه يبجي من دون سبب عادي ياهل ... والافضل مايطلع معاج بهالعمر ..

اما من 6 اشهر وفوق اسكته بلعبه باي شي يمسكه بيده ...

 

[سهم الليل]

مشكورة ShoOog el3YoOoN

هو اكيد اقل من 6 اشهر بوايد بس شسوي الي ما عنده احد يخليه عنده بالبيت

اتصدقين ما شاء الله اشوف الي غير كويتين اعيالهم على طول وياهم بالاماكن العامة وصغار حيل ومع هذا هدوء فيهم اسم الله عليهم

وعادي يقضون المشاوير واهم معاهم وكنت استغرب شلون صغير ومطلعينة وانحطيت نفس الموقف


بنات تجاربكم ولي يعافيكم بالخصوص الي ما عندها احد يمسك البيبي شلون تصرفت ؟

 

[NFOOOL]

يمكن يكون يوعان لازم تتعودين لما تطلعين تحطيله جنطه فيها كذا مميه ومطارة ماي حار وماي دافي والحليب وممية الماي وحتى لو انتي ترضعينه طبيعي لازم تعودينه على الصناعي حق برة ما حتى لو مرضعته وشبع يمكن رد ياع أو فيه النوم وأكثر اليهال اذا فيهم النوم لازم شي بحلجهم اذا مو متعود على المصاصه سويله حليب مره ثانيه حتى لو رقم واحد بس عشان ينام أغلب اليهال فالطلعه لما يبجون يبون ينامون بس مو قادرين من الأزعاج وتقدرين تمسكينه تهززينه شوي ليما يدوخ حطي بالعربانه انا هذي حالتي مع بنتي الصغيرة اذا طلعت

 

[ناتشوو]

شوفي انا عيالي غالبا معاي بطلعاتي سوق
حتى لو بروح الطبيب حق نفسي معاي
اشوف ان كل ماكان عمره صغير
يكون اقل ازعاج برة البيت
بالعكس مجرد مااحطه بالعربانة( في حالة كنا بسوق او مطعم او نتمشى آخذ العربانة )
ينام نوم عميق
بس شوفي يمكن ولدج جوعان او في غازات
وكل ماكبر اخذ معاي لعبة بسكوت رضعة ماي رضعة حليب
حتى الحفاظات معاي :eh_s(11):

 

[بـاسي قــوي]

رد : رد: أمهات شلون تتصرفون مع بجي البيبي بخارج المنزل

حبيبتي انا اذا صااح اشيله اهديه بس ماعطيه مصاصه

 

[سهم الليل]

nfoool

ناتشوو

بـاسي قــوي


مشكورين ربي يجزاكم كل خير راح اخذ ملاحظاتكم ربي يحفظ أبنائكم


بحاول اخذ له رضعة يمكن يكون صج جوعان

بس اسم الله عليه اذا بيقعد بالعربانة دقايق يسكت وبعدها يرجع يبكي

وهو ربي يحفظه يحب الفه بالمهاد لاكن كبر عليه بس الاحظ يرتاح اذا لفيته

وطريقة الهز تنفع بس مو اي مكان بالخصوص بالسوق ابيه فشلة مرات اهزه بالعربانة بس هم تاخذ بس دقايق ويبدأ من جديد


ربي يعين الجميع دعواتكم لي بالصبر