أمهات استفسار عن المنهج البريطاني 

[-ام بدر-]

السلام عليكم

خواتي أنا مسجلة ولدي بمدرسة خاصة ( كيمبرج المنقف )

سؤالي للأمهات اللي مدرسين عيالهم هناك ، المنهج البريطاني مال المدرسة يتكلم عن شنو ؟

اول سنة لولدي في الدراسة ومادري شنو راح يعلمونة والمدرسة أغلب البنات في المنتدى يمدحونها

بس أبي أعرف ( ماذا يعني المنهج البريطاني ) < متعوب عليها 

ويعطيكم العافية حبيباتي وبليز اللي تعرف لاتقصر معاي 

 

[كوكو لاتي]

انا معاج سجلت ولدي حق السنه اليايه بكيمبردج المنقف نقلته من التكامل لي كيمبردج

يعني من نظام امريكي لي بريطاني والله يستر

انا ولدي يروح اولا ابتدائي

 

[-ام بدر-]

نفس ولدي اولى ابتدائي

شنو الفرق بين النظام الامريكي والبريطاني

وليش نقلتية من التكامل

 

[توتاتوتا]

النظام البريطاني صارم وجدي يعني مايلعبون
النظام الامريكي يدرسون الطفل باللعب والاغاني يعني فالينها

بس ماتوقع الروضات عندنا بنهم فرق

 

[كوكو لاتي]

نقلته لان يوم كان بكيجي ون كام ممتاز وخافظ كل شي الاحرف والارقام والاشكال

بس هالسنه كيجي تو زفت نسا كل شي نسا الاحرف والاشكال اخس يروخ ويرجع علا الفاضي

ابلته باااارده ومو قادره تسيطر علا الاطفال وما احس في تقدم نهائيا

علشان جذي نقلته


ولدج كان باي مدرسه ؟؟ وشلون كان امتحان القبول ؟؟

 

[-ام بدر-]

توتاتوتا مشكورة على مرورج

اختي كوكالاتي زين تسوين لما نقلتية اهم شي ان الطفل يكون حاب للجو الدراسي مايهم مستوى المدرسة اذا كان ولدج مو مرتاح فيها

وامتحان القبول الله يستر منة عاد ولدي يقول أنا مابي المدرسة هذي هو شوي دلوع ورغبتة فيها بجميع الوسائل هو رافض فكرة الدراسة من الأساس مدري شلون بتعامل معاه.

وعندي اختة السنة الجاية كي جي ١ وتقول لي الاخت اللي مسؤولة عن التسجيل في المدرسة ماندرسهم في السنة الاولى بالثانية 

معقولة ب kg 1 مافي تعليم بس يداوم الطفل من سبعة ونص لوحدة الظهر بدون مايستفيد شيء هل مر عليج هذا الكلام ؟

ارجو من الخوات اللي عندهم خبرة فيها ينورنا.

واشكر لج اهتمامج. 

 

[^ دانة الزين^]

حبيبتي النظام البريطاني احسن من الامريكي بوااايد
و من قال ان النظام البريطاني ما يلعبون اليهال !!!

انا عيالي تاسيسهم بمدارس بريطانيه ماشاءالله عليهم لغه و نظام و ترتيب و احترام

 

[أم نواف غير]

حبيبتي النظام البريطاني احسن من الامريكي بوااايد
و من قال ان النظام البريطاني ما يلعبون اليهال !!!

انا عيالي تاسيسهم بمدارس بريطانيه ماشاءالله عليهم لغه و نظام و ترتيب و احترام

حبيبتي صح كلامها
بدون
مقارنه بين الامريكي والانجليزي اكيد الانجليزي اكيد بدون تردد نظام نظام نظام

 

[كوكو لاتي]

ام بدر انا اللي سمعته انهم بكيجي ون يدرسونهم بس مايكتبونهم يعني يحفظونهم الاحرف والارقام والتشكال شفهي بس مايكتبون

 

[-ام بدر-]

يعطيكم العافية ماقصرتو وصج اذا البريطاني يعلم النظام فهذا افضل شيء.

وشكراً مرة ثانية والله يوفق ولدج كوكولاتي.

 

[نـــــور]

بنات كيمبرج حولي نفس المنقف وايد ناس ذموا اللي بحولي وامدحوا المنتقف بليز بنات

 

[-ام بدر-]

الحمدلله حبيت أبشركم ان ولدي امتحن ونجح 

وبلغونا بنفس اليوم بس والله يابنات ماحبيت الزحمة اللي بالمدرسة متروسة وفي اولى اكثر من٢٥ للصف الواحد


اختي كيمبرج حولي في لهم تجمع ليش ماتستفسرين هناك ودي أفيدج بس ماسمعت عنها *

 

[كوكو لاتي]

مبروووك


شلون كان الامتحان ولدي اسبوع الياي امتحانه

 

[-ام بدر-]

الامتحان حلو عبارة عن توصيل للحروف من كبيتل الى سمول وتوصيل للأعداد واحرف يعطي كلمة عليها مثل أ أبل
وثلاث الوان يتعرف عليهم ويرسم شجرة وعصفور وبيت وأي شخص مثل امة ويقرأ الكلمات ويكتب أسمة.

هذا هو والله يوفق وليدج.