أمروا يا كويتيات.....: )

[عاشقة نواف الخالدي]

مساء الخير على الكل

بنات قريت قصة وحبيت أكتبها لكم


وهي عبارة عن عايلتين

العايله الأولى :قرروا انهم يسافرون بالصيف فقال الأبو خلاص انا اسبقكم علشان أسوي الإجراءات
العايله الثاثيه : توفى ابوهم وأمهم المسكينه تعاني من فقدان زوجها
العيله الأولى: سافر الأبو وكمل كل الإجراءات ودز ايميل حق زوجته علبونه خلص كل الإجراءات
وقلط بحرف واحد بايميل ودزة حق المراة اللي زوجها توفى
تفاصيل الرساله:

شلونج حبيبتي مشتاقلج حدي أنا خلصت الإجراءات وكل شيء أنطرج بس لا تجبين معاج ملابس ثقيله لأن الجو حار حده

و باي ناطرج.....


ترها مكتوبه باللغة العربية الفصحى


المراة المسكينه لما قرت الرساله انصدمت وطاحت غشيانه ودش ولدها وقرا الرساله انصدم أكثر من أمه


اللهلا يستر على المراه وكل غلط يودي ب60 داهيه



بنات إذا تبون قصص قوية بعد آمروا لأني عندي كتابين كلهم قصص:balo:​

 

[z.alsayegh]

لوووووول حلوه حلوه

ايي يلا نبي كل شي منج حلو

 

[عاشقة نواف الخالدي]

جراح ويوسف ربع من زمان وتعرفون المواقف والدقات اللي تصير بين الربع

بس هالمرة الموقف اللي سواه يويسف بجراح موقف ضيع حياة جراح

خلونا نشوف أحداث هالقصة ويا بعض



جراح كان داخل الشات بنك (( أدور على حب )) والحبيب داش جو مو طبيعي

وطايحله سوالف مع بنات خلق الله

إتصل عليه رفيجه يوسف ودار بينهم هالحوار

جـــراح : ألووو

يوسف : ألووو هلا والله جراحووو

جـــراح : هلا فيك حبيبي .. ها خير آمرني

يوسف : شنو آمرني .. ! تصرفني ويا ويهك

جـــراح : لا والله بعد عمري إنت بس آنا منهمك بالشات قز قز مو طبيعي يويسف وناسة

يوسف : ممم خوش عيل شنو نكك .. ؟

جـــراح : ليش بتدخل علي .. ؟

يوسف : لا والله آنا وين والشات وين خبرك عتيج ما قمت أدخل زهقت منه

جـــراح : ممم والله آنا نكي (( أدور على حب )) تعرف يمكن أصيدلي رمااانة من

هالفواكه الموجودين بالشات

يوسف : أي رمان وأي فواكة .. ! حبيبي هذول بنات مو خضرة

جـــراح : ههههههههههااااااااااي

يوسف : أوكي حبيبي آنا ماشي الحين بروح أنام تامرني على شي .. ؟

جـــراح : لا قلبي سلامتك نومة العافيه انشالله

يوسف : الله يعافيك .. تصبح على خير

جـــراح : وإنت من أهل الخير

يوسف : باااي

جـــراح : بااايااات

طبعا يوسف مافيه النوم وأصحى مني ومنكم بس أهو مجهز موقف ودقه

محترمة حق رفيجه جراح


يوسف دخل الشات ودخل بنك (( أبي واحد يحبني )) يعني منتحل شخصية بنية

وقعد ينطر وينطر وياكل بطاااط و بيبسي

لما دخل عليه نك (( أدور على حب )) اللي أهو جراح

جراح المسكين ما يدري عباله بنيه صج

ودار بينهم هالحوار

جـــراح : مساء الخير

يوسف : مساء النور ياهلا

جـــراح : شلونج شخبارج

يوسف : الحمدلله زينة .. وإنت شلونك

جـــراح : آنا بخير دامج بخير

يوسف : دوم انشالله مو يوم

جـــراح : تسلمين ما تعرفنا عليج يا حلوة

يوسف : معاك شيماء وإنت .. ؟

جـــراح : عاشت الأسامي .. معاج جراح

يوسف : عاشت أيامك .. الله إسمك يهبل وااايد حلو ستاااااااااايل

جـــراح : تسلمين من ذوقج .. مادري شلون بنام اليوم

يوسف : لا آنا قلت إسمك يهبل مو إنته .. وبعدين تنام ما تنام كيفك

جـــراح : أووو ليش جذي تكسرين فيني .. آنا زعليت خلاص

يوسف : آسفة

جـــراح : لا كلا واحد .. شيماء جم عمرج .. ؟

يوسف : 18 وإنت ؟

جـــراح : 19

يوسف : العمر كله .. الله إنته أكبر مني

جـــراح : طبعا طبعا .. يالله روحي سويلي بيض طماط بسرعة

يوسف : واي حدك واثق

جـــراح : طبعا واثق .. شيومه شلون الشات معاج اليوم .. ؟

يوسف : يعني .. وبعدين تعال ليش تدلعني .. ؟ من عطاك الحق

جـــراح : تنساني وتروح وحده وحده حتى أستوعب كلامك والجروح

يوسف : واااي ملاقة

جـــراح : شيومة شيومة

يوسف : هلا خير

جـــراح : لا بس قاعد أجرب الكيبورد .. لوووووووووول

يوسف : تصدق عاد إنته تهبل تونس وااايد .. شكلك ما تحب ولا جربت الحب

جـــراح : لا والله ما صار نصيب وبعدين ماكو اللي تستاهل أحبها

يوسف : إي والله صاج .. بس في بنات شحلاتهم يهبلون وأخلاقهم وايد حلوه

جـــراح : إي شيومة في بس قتلج للحين ما صار نصيب

يوسف : إنت مشالله عليك روحك حلوه تضحك وتونس الله يخليك حق أهلك

جـــراح : صج .. ؟

يوسف : إي والله صج .. آنا ما حب أجامل أحد

جـــراح : بعد عمري والله

يوسف : شنو .. ؟

جـــراح : آسف إطلعت عفويه من غير قصد

يوسف : لا عادي

جـــراح : ممم أنا ما أشوفج تضحكين وايد ليش .. ؟

يوسف : إي والله صاج آنا ما أَضحك وايد حياتي تعاسه بتعاسه

جـــراح : أفا ليش .. ؟

يوسف : إنت لما قلتلي بعد عمري آنا وايد استانست بس ما حبيت أبينلك .. آنا محد

يقولي مثل هالكلام .. أهلي بالبيت يعاملوني جني خدامه مو بنتهم

جـــراح : كل هذا فيج

يوسف : وأكثر من جذي

جـــراح : تصدقين ودي أسمع منج وايد سوالفج ما تنمل بس آنا الحين لازم أروح ..

ممكن طلب ..؟

يوسف : تفضل

جـــراح : ميخالف أضيفج عندي بالإيميل هذا إذا ما عندج مانع

يوسف : والله مادري شقولك .. آنا ما أضيف شباب عندي

جـــراح : بس آنا مو من هالشباب وإنشالله ما تشوفين مني إلا كل خير

يوسف : أدري .. وإنت مبين عليك خوش صبي وآنا بضيفك وإنشالله ما أشوف منك قاصر

جـــراح : لا إنشالله ما تشوفين مني إلا كل خير

يوسف : عطني إيميلك وآنا أضيفك

جـــراح : أوكي هذا إيميلي .......... متى تضيفيني .. ؟

يوسف : إنشالله الحين

جـــراح : أوكي آنا طالع الحين تامريني على شي .. ؟

يوسف : سلامتك

جـــراح : أشوفج على خير إنشالله .. مع السلامه

يوسف : الله يسلمك


فلم يوسف مشى على جراح المسكين

وجراح عاش بوهم

ويوسف ما تاب صار يسولف مع جراح كل يوم بالمسنجر

وطبعا يوسف للحين منتحر شخصية شيماء

وجراح المسكين عاش بأجواء الحب وتولع بشيماء

وطلب يشوف صورتها

والثعلب يوسف مضبط شغله

حط حق جراح صورة بنية حاطه شيله على راسها وهالبنيه حلوه وايد

وجراح لما شاف الصوره لا ليله ليل ولا نهاره نهار

خلاص إنفجر

الحب سيطر عليه من كل مكان

وصار ينفذ أوامر شيماء أقصد يوسف

وهالدقه اللي مسويها يوسف تتوقعون جم إستمرت .. ؟

ســـــنـــــة كـــــامـــــلـــــة

يوسف للأسف ما مل من هاللعبه

سبحان الله

جراح يبجي وما ينام الليل من كثر الشوق واللهفه والحنين اللي فيه

وينطر متى يصير باجر عشان يسولف ويا شيماء

أقصد الوهم

ويوسف الله يسامحه

ميت من الضحك عليه

يوسف قام يحلي اللعبه

صار ما يشبك

وطبعا جراح المسكين قام يحاتي ويدز إيميلات

ويوسف ميت ضحك

جراح صار واحد ثاني

ما يطلع من بيتهم

كلا قاعد بداره

يتخيل صورة شيومه حبيبته

يتخيل سوالفها

دلعها

روحها الحلوه

ويبجي ويبجي


بعد شهرين

شبك يوسف

وجراح طار من الفرحة

قال حق شيوم ليش ما تشبكين .. ؟ وشرحلها شوقه وحنينه

وقاموا يسولفون

جراح ما قدر يصبر

قال حق شيوم أبي رقمج بكلمج بالتلفون

شيوم إرفضت تدرون ليش .. ؟

لأن صوتها خشن

اللي أهو صوت يوسف هالتعبان اللي ما يستحي

فقررت شيوم إنها تواعد جراح

ودار بينهم هالحوار

جـــراح : حياتي يعني الحين شلون ماراح أسمع صوتج .. ؟

يوسف : حياتي لا تزعل روحك جذي .. أنا عندي فكرة

جـــراح : شنو .. ؟

يوسف : شرايك تشوفني .. وبجذي راح ناخذ على بعض أحسن من التلفون بألف مرة

جـــراح : من صجج إنتي .. ؟

يوسف : إي والله من صجي

جـــراح : الله وناااااااااااسة

يوسف : وآنا شبي غير وناستك يا بعد عمري

جـــراح : حياتي والله .. إنزين شيومتي أي مكان راح أشوفج فيه .. ؟

يوسف : ممم شوف الساعة 9 بليل بالحديقة شرايك

جـــراح : صار بس شنو راح تلبسين .. ؟

يوسف : ممم راح اكون لابسه شيله ونقاب وعبايه

جـــراح : وي وي وي ليش كل هالعذاب .. ؟

يوسف : حياتي عشان ما أبي احد يشوفني

جـــراح : أوكي حياتي صار


جراح طبعا ما يحتاي أوصفلكم شعوره

الأخ المسكين راح الصالون ما خلا شي ما سواه بويها

سنفرة وتنظيف بشرة وحلق وظبط شغله وكشخ

وراح الحديقه الساعه 5

ينطر الساعه تصير 9 عشان يشوفها

مسكين كل هذا حب .. ؟

قاعد ينطر وينطر

وأخونا الشيطون الثاني يويسف

رايح بازار فحيحيل يشتري دراعة وعباية وشيلة ونقاب

قرب الموعد

يوسف لبس الدراعة وتعطر من عطر حمامهم

ولبس الشيله والنقاب والعبايه

والأخ يعني صايد الحركة

راح كحل عينه هههههههههه

صارت الساعة 9 بليل

راح يويسف الحديقه وقعد بالكرسي

نزل جراح من السياره وغرق روحه بالعطر المسكين

دخل الحديقه وقام يدور على وحده منقبه وعبايه

لقاها قاعده آخر شي

قرب صوبها

وبدأت ساعة الصفر

طبعا يوسف ما خلا عسل ما شربه عشان ينعم الصوت هههههههههه

ومشت على جراح لعبة الصوت

لأنه منهمك بالحب ولا ركز على هالشغلات

ودار بينهم هالحوار

جـــراح : قوة

يوسف : قوتين يا هلا

جـــراح : إنتي شيوووم .. ؟

يوسف : إي آنا شنو ما عرفتني

جـــراح : لا أعرفج بس حبيت أتأكد

يوسف : والحين تأكدت .. ؟

جـــراح : إي بعد عمري تأكدت

يوسف : واااي على هالحجي الحلو

جـــراح : سمعيني شيوم آنا أموت فيج أحبج وااايد وااايد مستعد أذبح روحي عشانج

يوسف : بعد عمري لا تقول تذبح روحك .. سملة عليك

جـــراح : حياتي عفيه بكلمج بالتلفون

يوسف : آنا ودي أكلمك بس ماقدر ماقدر

جـــراح : ليش .. ؟

يوسف : تلفوني مافيه رصيد كلش

جـــراح : ههههه لا يا عمري آنا راح أتصل عليج مو إنتي

يوسف : حياتي إنتا ما تقدر تتصل علي لأن خطي مصفر مافيه ولا فلس وراح يطلعلك

(( لا يمكن الإتصال على المشترك حاليا ))

جـــراح : أوكي خلاص اليوم روحي إشتريلج كرت وعبي

يوسف : من وينلي فلوس .. ؟ أبوي ما يعطيني ولا أمي مادري شفيهم علي هالأيام

جـــراح : ولا يهمج حياتي دقايق بروح أشتريلج كرت وأرد

يوسف : لالا مابي أكلف عليك

جـــراح : لا عمري لا كلافة ولا شي و إنتي مني وفيني

راح جراح يشتري كرت حق شيوم

وطبعا الأخ الفاضل يويسف

رفع النقاب ويها عرق

قام يستنشق الهواء

وأهو ميت ضحك

شاف جراح ياي من بعيد

غطا ويها

وصل جراح

ودار بينهم هالحوار

جـــراح : هاج عمري هذا الكرت

يوسف : وي وي بعد عمري مشكور ما قصرت

جـــراح : أفا عليج جم شيومه عندي

يوسف ما قدر يستحمل

فصخ النقاب والشيله

وشوفوا شصار










جـــراح : يو يوس يوس يو يوسس يوسف .. ؟

يوسف : كاااااااااااااااااااااااااااااااك يالخرووووووووووووووووووووووووووووووف



شنو تتوقعون موقف جراح ..؟









من بعد القصة اللي عاشها والسنة اللي خذاها بالحب والشوق والحنين

لشيماء اللي إطلعت وهم

وهالحب الوهمي اللي بناه وفكر إنه يوصل للزواج

كان لعبة من رفيجه

جراح إنصدم وظل واقف بمكانه ما يتحرك

ريوله تهتز مو قادره تشيله لما طاح وأغمى عليه

يوسف خاف على جراح وشاله ووداه المستشفى

وللأسف جراح ياله إنهيار عصبي وصار مينون وبظل طول عمره بالمستشفى

ظاعت حياة جراح ظاعت

ولو كانت شيماء حقيقة جان شفتوا حياة جراح

أحلى حياة لأن هالولد نيته شريفة وحب من قلبه

ويوسف كثر ماكان يضحك على جراح

صار يبجي ويبجي ويبجي

وحلف إنه ما يسامح نفسه طول عمره

لاكن بعد شنو .......... ؟؟



منقول...............

 

[عاشقة نواف الخالدي]

على فكره هي واقعيه حدثت بالفعل ..

وهذي القصة :

حكاية صاحبنا هذا تبدو ضربا من الخيال .. رغم أنها واقعة حقيقية حسب ما يرويها أحد أقاربه نقلا عنه ..

فقد اعتاد هذا الرجل , على فترات زمنية متباعدة , ان يخرج من الكويت , بسيارته متوجها الى

منطقة بعيدة لمتابعة وإنجاز أموره التجارية .

وكان في منتصف الطريق تقريبا يمر ببلدة صغيرة بها محطة بنزين وبعض المحلات , ليملاء سيارته

بالوقود ويعرج على المحلات ليشتري بعض الأشياء التي قد يحتاجها

ففي أحد المرات وهو متوجه للمحلات شاهد مجموعة من الرجال يحملون نعشا لمتوفى , فنزل

من سيارته دون تفكير ومشى في جنازة هذا الميت .

وكان يحمل النعش سبعة من الرجال , وهو ثامنهم , فلما وضعوا النعش على الأرض وبدءوا يصلون

على الميت ...... وصاحبنا واقف يصلي على الميت معهم , حانت منه التفاته نحو الميت الذي

انكشف الغطاء عن وجهه فاذا بالميت يخرج لسانه ويغمز بعينه !!!!

فترك صاحبنا الصلاة وفرا هاربا إلى سيارته لا يلتفت إلى خلفه ..فلما أدار محرك السيارة وتحرك من

مكانه .. فإذا به يرى الميت مقبل يركض باتجاهه , فجن جنونه وضغط على دواسه البنزين فاسرع

كالصاروخ مبتعدا هاربا بعيدا عن هذه البلدة .


وكان فيما بعد , ولاشهر عده كلما جاء هذا الطريق لا يتوقف في هذه البلده . ولم يجد تفسيرا لما

راى وحدث!!! .. ولم يخبر احد ا بما حدث فهو غير مصدق فكيف يضمن ان يصدقه الاخرون ؟ ! ..

واخفى الامر حتى لايكون موضع سخريه . وبعد أشهر ... بينما هو على عادته مارا بهذا الطريق اضطر للتوقف عند هذه البلدة بسبب نفاذ خزان الوقود حيث لم يكن اخذا حيطته .


فتوقف وهو وجل خائف , يتلفت يمينا ويسارا . وفجاة ....وفجاة ..اذا برجل يضع يده على

كتفه ! ... فلما التفت فإذا به وجها لوجه امام الرجل الميت الذي صلى عليه قبل عدة أشهر فاخذته

المفاجاة لبرهة وجمد في مكانه , ثم حاول ان يهرب الا ان الرجل الميت تمسك به جيدا وهو يقول :

يا ابن الحلال اذكر الله اركد ابي اعلمك السالفه ! وبين الرعده وشيئ من الهدوء والاطمانان بسبب

لهجة الرجل الهادئه . فحكى الرجل الحكاية الغريبة قائلا :

يا خوي انا رجل نظول , اصيب الناس بالعين , عاد جماعتي زهقوا مني ومن فعايلي

كل يوم سادحلي واحد صاكه بعين , قالوا نبي نصلي عليك صلاة الميت , لانه يقولون ان النظول اذا صليت
عليه صلاة الميت يبطل مفعوله العين للناس , وانا قلت لجماعتي اللي تبون سووه ,

واللي شفتهم كانوا عيال عمي وجماعتي , مكفنيني وشاليني في نعش .

وانا يوم شفتك معهم عرفت انك على نيتك اتحسب اني ميت , فقلت امزح معك

طلعت لك لساني وغمزت لك , ويوم شفتك هربت , قلت الرجال الحقه لايستخف ,

وركضت وراك آبي أعلمك لكنك ركبت السيارة وانحشت .. والحين يوم وقفتك والله أني
عرفتك على طول وجيت أعلمك


منقول بعد

 

[miss_ant]

يسلموووو يالغالية ..