قوه بنات
أول مره صراحه راح أقدم نصيحة للمتزوجات
لاني توني صغيره ومالي ذاك الزود من التجارب في الحياة
أول سنه لي بالكليه مثل أي بنت تفكر تعدل وتسنع في روحها
مريت على دكاتره شكثر في بشره واسنان وتغذيه وغيره
وأكثر ما يخليني استمر في العلاج نفسية الدكتور لان لو ما ارتحت معاه مستحيل اكمل
واقولكم يا بنات اشوف ذاك الدكتور المحترم واللبق الاسلوب
وكل كلمه والثانيه تأمرين امر وما يصير خاطرج الا طيب وما عليج لا تحاتين
النفس الحلوه جانه موعد ليل أو ضحى ولو اسأله مليون سؤال باله طويل ويبرد الجبد
قرر مدة علاجي سنتين لان بينهم فترات راحه طويله شوي
المهم اول الايام حياويه واجاوب على قد السؤال بس اشوفه يضحك ويتغشمر ودايم يسألني شلونج شلون الدراسه وعلبونه عادي واللي شجعني اسولف معاه اكبر مني بوييييييين حوالي 10 سنين و زود من السوالف عرفت عمره
واعتبره اخوي العود لييين مر يوم كنت ابي يشرح لي عملية احن ابيها واهوا يقنعني ما اسويها لاني ما احتاجها كلش
وقالي انا مشغول بسافر باجر ويعطيني رقمه الخاص قال اتصلي اذا بغيتي زيادة شرح او اعطيج حلول بديله او دكاترة متخصصين في العملية اللي تبينها
اتصلت على الموعد وما قصر ولد الحلال ويعلمني ويقنعني ومرت الايام وصادف موعدي تأجل اكثر من مره واذا سألت السكرتيره تقول الدكتور في اجازه اجازه
قلت ليش ما اتصل اشوفه وسألت عنه قال انا ماخذ اجازه وعطيتهم خبر يأجلون بعض المواعيد لين بعد اسبوعين لا رديت بعدين نفس اليوم اتصل بليل بوقت الديره اللي اهوا فيها وقال لي عندهم نهار وما عليه اتصلت اذا الوقت متأخر عندج شوي وما عليه اخذ من وقتج اذا فاضيه قلت تفضل
بنات امبيييه غير لما كلمني صج انه غشمرجي وحبوب بالصج بس يوم كلمني احس جنه جلسة اعتراف قام يقولي كلام انا اول ما شفتج اعتبرتج صغيره وما توقعت نظرتي تتغير ولا فكرت في يوم اني بكلم بنت بهالعمر ( أني ياهل بنظره)
وكلاااام وااايد مدح بنات اقولكم الصج حيل اهتميت له
والله مو بيدي بس ارتحت له من طريقته وسوالفه سويت نفسي مشغوله وقطعت كلامه وقتله دقلي بوقت ثاني نكمل بس عشان اكلمه بعد
ادري ان الشيطان شاطر وانا بسرعه تأثرت
قام يقول لي تذكرين لمن يتيني العياده وقتلج لا تحاتين انا اعرف شغلي وقلتي لي ما احاتي انا اصلا اثق فيك
تذكرين لمن صار كيت وقلتي لي ما عليك كلام وخوش دكتور
يعنيي امبييييييييييه اشياء عاديه والله ردود طبيعيه بس صايره في باله
ومع السوالف سألته متزوج واشياء شخصيه ؟
ولا يقول لي انا متزوج ومتناجر مع مرتي لانها ما تثق فيني وغيوره لدرجة الغيرة اللي لا تطاق ولا يتحمل شخص يعيش معاه صبرت عليها وانا انسان ما اتحمل احد ينبش في اغراضي وشغلي
ارد البيت تنبش بوكي وسيارتي وموبايلي حتى ملابسي تشمشم هم اذا فيها عطور
ومرات تسوي هالاشياء من وراي بس والله ادري انها سوت حتى لو ما شفتها
وتطب علي بالعياده يعني انها بتشوفني ومشتاقه لي وانا داري انها بتشوف اذا مواعد وحده ولا احب اغيرها ولا اخونها
دايم تزعل وتروح ونتهاوش على سالفة الشك والغيره واقولها انا لها بروحها ومع هذا ما تبطل الغيره
تبيني لها بروحها وانا كنت لها بروحها وفرطت فيني والحين زعلانه في بيت اهلها
و ردت وانا داخلي شي متغير عليها تقدرين تقولين عافتها نفسي بس مخليها عشان بنتي الصغيره
وشغله عرفتها انها مو مقصره بشي بس شلون الصفه هذي دمرت كل شي
ويرد يقول انتي اعجبتني ثقتج فيني حتى في طريقة كلامج وشخصيتج وانا اعجبت فيج
ومع اتصالاته يقول لي ممكن في يوم تقبلين فيني ؟ واكون قريب منج
بنات اللي طلعت من هذا كله
أني سويت غلطه اني تجاوبت معاه لين تعلقت فيه وحبيته
ثاني شغله اهوا متزوج وعنده بنت وكبير بالنسبه لي ويبيني
وثالث شغله نصيحه للحريم النكديات اللي كله تنبش من ورا ريلها وعبالها ما يشوفها او ما يحس فيها
دكتوري اقرب مثال للتصرف الللي سوته وخلت ردة فعله جذي
الغيره حلوه بس بحدود
بنات مابي ازيد كلام وحجي اكثر
بس ما قلت هالشي الا لصالحكم واسمحوا لي فيه تفاصيل أكثر ماله داعي اذكرها ( دكتور شنو ؟ وإي عياده؟ ومن هالسوالف )
والله يوفقكم بحياتكم
