أمانة شرايكم بمدرسة بيادر السلام يمنكن اسمها القطوف ؟؟؟؟ وشنو أحسن مدرسة أهلية إبتدائ

[فلونة احلى وردة]

أمانة شرايكم بمدرسة بيادر السلام يمنكن اسمها القطوف ؟؟؟؟
هل هي اختلاط
وشنو نظامهم
ورسومهم
ومكانهم
ولا شرايكم بالتوحيد

 

[الدلال]

انا كنت مسجله ولدي فيها

بصراحه تدريسهم قوي بس المكان الله بالخير , الفصول حيل مزدحمه والحمامات عزج الله شوي وتطيح على اليهال والفصول مبهدله والمدرسه بشكل عام قديييييييييمه ومافيها تجديد طبعا غير الزحمه اللي براااااا وماكو مواقف وايد

واهي مو مختلطه

بس طلعت ولدي ورديته للحكوومه

وهالكلام كان قبل 3 سنوااات

 

[فلونة احلى وردة]

مشكوووووووووورة
يا الدلال
بس ليش طلعتيه مدام التدريس قوي؟؟؟؟؟؟؟؟

 

[الدلال]

بصراحه ولدي يرجع البيت شوي وانتي بكراامه يبي يتبول على نفسه واقوله ليش ماتروح الحمام يقولي واايد وصخ؟؟

ثاني يوم رحت والا بدخل اشوف الا الحمام عزج الله مو بس وصخ الا يبي يطيح على اليهال ,,السقف الصبغ ماله محتحت وانتي واقفه يحت عليج والطووفه مبططه ولا المرحاض عزج الله كلش ما تشتهين حتى تطلين فيه وهذا انا رايحه الصبح يعني يكون منظفين ومخلصين!

وطبعا الصف مزدحم حده والابله مو قادره تعطي كل ولد حقه ,, غير جذي وبصراحه ولدي قام يصير كلامه مزيج من لهجات مختلفه

لان المدرسه رخيصه رسومها قياسا بالمدارس الثانيه علشان جذي منكتين عليها وااااااايد ومن مختلف الجنسياات

 

[فلونة احلى وردة]

حلوووووووووووووووووووووووووة
مزيج من اللهجات
عيل خنقضب مينوني
مشكوووووووووووووووووورة
على الرد والمتابعة يا الدلال
والله يخليه لج وتشوفينه معرس ان شاء الله ومتخرج
بس يلا قولونا شنو احسن مدرسة اهلية وغالبيتها كويتيين

 

[الدلال]

العفو يالغااليه

وتسلمين على هالدعووه الحلووه

ويارب يفرحج بعيالج يارب

 

[مدرسة مكروفة]

بيادر السلام صوفيين بعدي عنهم أحسن

 

[فلونة احلى وردة]

عيل شنو المدارس الخاصة غالية
وانا طرق المعاش وبوفر اقدر على المدارس الخاصة
بس بساوي بين عيالي كلهم وابهم كلهم بالخاص تهقون أقدر؟؟؟؟
اذا عندي بعدين 3 شسوي وحدة وماخذين الف واحس القسوط تهد الحيل وتخرب الميزانية

 

[الدلال]

دخليهم حكوومه ليش هالعبااله كلها

درسنا بالحكومه وتخرجنا والحمدالله

نصيحه وانا اختج لا تضغطين على نفسج وعيالج وخلي هالفلوس تنفعكم احسن ماتدرين شنو يصير