الضحك والكذب ما يرضا به الخيّر
الشاعر الكبير محمد الخس قدم عطاء شعرياً راقياً ومتميزاً عبر هذه السنوات الطويلة والذي ترددت قصائده في كل ندوة وفي كل مجال، أبو خلف مدرسة شعر متكاملة وله من الردود والنصوص الشعرية ما يعتبر حكمة في هذا الزمن، وتطرق بشعره لكل المواضيع المتنوعة في هذه الحياة.
ونرجع لقديم شاعرنا الكبير محمد الخس ونختار هذه الرائعة التي قالها من زمن طويل ولكنها ما زالت تردد لجمالها وروعة أبياتها..
يا أم السمّي علّمي مدهونة الخيّر
قوليلها هي سبب قتلي وغربالي
هي ذابحتني وانا ما نيب متغيّر
ان نمت وان قمت طاريها على بالي
لا شك أنا حايرٍ فكري ومتحيّر
من قولها ليّ ما غيرك حدٍ غالي
تقول في عمري انك قبلة الديّر
واليا بغيت المواجه ما تهيّا لي
لاجا رجب واعدتني هلّت قصيّر
وان جا قصيّر تقول أصبر ليا التالي
هي تحسبني وريعٍ عندها صغيّر
أرقد يجيك الغزيّل يا بعد حالي
يعطيك مطلوبك اللي كنت متخيّر
يزيّك من ماء السعين أَلوان وأَشكالي
والضحك والكذب ما يرضا به الخيّر
اللي يحب الشرف والمنزل العالي
ان كان هذا غلاها.. عنه أبغيّر
باكفّ من دونها سالي ومرسالي
محمد الخس
==========
هاضني صوت الحمامه
أنا هاضني صوت الحمامه بعال البرج
يغنّي طرب يانايف الورق واشقاني
تذكرت من يسلب فؤادي بحلو الهرج
هو اللي ليا جيته عن الغير سلاّْني
اشوف العذارى عقب ما غاب عني عرج
بقلبي نزل ناب الردايف وعناني
كما وصف شقراً عند شيخٍ زهاها السرج
على وصفها لوهي بلا سرج وعناني
لعب بالضماير خيلٍ تطارد مرج
بسودٍ محاجرها بها شلف وسناني
بدر بن ماجد الفيصل الدويش
صدى:
يا أبيض الوجه
عسى من يحدك عن وليفك زمانه حرج
تفتح عليه من اشهب الوقت بيباني
عقب مامعه امن الدبش ألف غير الفرج
يصبح يابن ماجد ذليلٍ وفقراني
على صاحبك سج القدم وأطلب الله وارج
ولا تستمع في هرجة افلاني وافلاني
تواصل مع اللي نور خده سوات السرج
تشعشع بنوره ناعم العود رياني
عيون اشقرٍ يطلع على الطايره والدرج
يوقف هل الحملات بالطلع ثبتاني
على كف شيخٍ مثل شرواك ساس وعرج
ينومس جنابه لا تنهض ابليهاني
وانا ما اشرب المطروق ولا اكلت لحمٍ حرج
واضنك بهاذي يا بيض الوجه حقاني
وترى بالعرب عاقل وبه نافضين الخرج!!
صديقك صديقك واكثر الناس قوماني
بعضهم يقربلك على شان فتح الدرج
مغير ايتحلوالك وهو قلب شيطاني
نايف ابوطفره المطيري
========
ليالي الذكريات
خالد الهطلاني يوافينا بهذا النص الذي يتبين به الرقة في المشاعر والعطاء في الجمال الوافي، أجمل ترحيب بالشاعر خالد الهطلاني في ألوان..
ليلةٍ والسهر ضيفي وجفني حصير
ليلةٍ والمواجع ذكريات وطعون
ليلةٍ والله أعلم بعدها وش يصير
كن عقلي على حد الشلل والجنون
كيف أبروي ضمى عشقي بعذب الغدير
والسحايب على روضي تشح المزون
أنت ياللي غيابك طال وصالك مصير
ردلي باتنفس في وصالك واكون
والله أني عقب فرقاك ماني بخير
ألزم الصمت..؟ حزني في سكوتي يخون
مذكر أني جرحتك في كلامٍ يثير
أترك الذنب لاتاخذك بعض الضنون
تدري اني أموتك والغلا لك كثير
اطعن الشك دامك في طعوني تمون
ليه تتعب كفوفك وانت رمشك شطير
شف نصايب رموشك فالصدر والمتون
دافنك في ثرى قلبي ولا لك خشير
حافظك عن عيون الغير وغيرك يهون
قبل اعرفك غيابك كان عادي وغير
ومن عرفتك عرفت أني بدونك جنون
كيف أبنساك قلي وعن غلاك أستخير
وانت فيك الحلا طاغي وقلبك حنون
انت حلمي..؟ ولكن وش بدين الفقير
لا غدا الوقت قاسي والليالي شجون
ما بقى بالحنايا.. غير طفلٍ صغير
ودمعةٍ شارده مابين جفن وعيون
ليلةٍ والسهر ضيفي وصبحي ضرير
ليلةٍ والله اعلم بعدها ويش اكون
خالد فهد الهطلاني
===========
ما جيت تمثيل
هيئ لي الجو بكتبت شيء لعيونك
اوصيرلي حلم واعطيك اجمل اشعاري
خلك معي لا يضع العمر من دونك
يا قصة الحب يا دنياي واخباري
ماجيت تمثيل جيت اصير مجنونك
يا جنتي يا غرام الرووووح يا ناري
انا حبيبك هوا قلبك ومضنونك
لا تجرح القلب دامك تعرف اسراري
اترك كلام العواذل لا يهمونك
غيرك من الخلق ماني عنه بداري
مدام انت المهم الغير يفدونك
ياتاج راس الخفوق وبسمة افكاري
محمد النمران
==========
الرفيق أَرواحنا له بضاعه
دقيت ما دقيت عندي مناعه
عوايدك وأنا اعتبرها طبيعه
قصدي سلام ولا نويت القطاعه
وحنا الرفيق نقدره ما نبيعه
وحنا الرفيق أرواحنا له بضاعه
نبذل له المجهود ما نستطيعه
لا نستمع فيه الحكي والاشاعه
نمسي ونصبح له حصونٍ منيعه
ولا حن بمثل اللي يغيّر طباعه
اللي يتلوّن بالردى والخديعه
ليا نخيته صد منك بساعه
يصد منك ويتخذها ذريعه
في حزة الصيقات قلبه رعاعه
وخوّه ردي العقل والعرف ضيعه
والإنسان لو يرضى يعيش بقناعه
ويعرف ان دورات الليالي سريعه
كان اقتنع بان القناعة طماعه
وان الحياه ان تاليتها شنيعه
وان البيوت اللي بعال الرفاعه
صارت هدامٍ عقب ما هي رفيعه
ونور القمر لابد يظهر شعاعه
ويسود حكم الله وحكم الشريعه
والرزق عند الله ولي الشفاعه
وترى فجوع الله لخلقه وسيعه
يقولها اللي غابر الوقت لاعه
وعسر القوافي لابقاها تطيعه
الشرح
=========
طيّب وراع للمواجيب
بندر الهذال يرثي عمه المرحوم يوسف عبيد الهذال رحمه الله واسكنه فسيح جناته
ما تذرف الدمعه على كل رجّال
ومقدر انزلها على ما تريده
من شفت يوسف مات وانهدبي الحال
غصبن عليها لو تضيق وتحيده
ضاقتبي الدنيا وطاحتبي امال
من يوم شفت العز يبكي عضيده
قرم وقف قدام خاين ومحتال
ارخصت عمرك والاوادم شهيده
يوم الغزو مارد عنهم ولا مال
واعطى الاوامر والوغى يوم عيده
يوم الاسر ماحنيت راسك للانذال
يبغون علمك والعراقي تفيده
خذلتهم في شي لا يمكن يقال
لجل الكويت الغاليه والفريده
طيّب وراع للمواجيب وافعال
ولادوّر المنصب وكبّر رصيده
فيك نتنومس يالقرابه بالاقوال
يوم البعيد يقول يوسف وليده
ياليتها بامال ودموع تنهال
لعطيك من عمري لعمرك وزيده
في ذمتي نبكيك والرب حلال
والله يصبّرنا وحنا عبيده
وما تنزل الدمعه على كل رجّال
بس الفقيد ان مات يبقى فقيده
بندر الهذال
=========
ودعت يا حربي
هذه الأبيات رثاء في المرحوم بإذن الله تعالى حربي غازي المعباسي الحربي الذي وافاه الأجل الاسبوع الماضي إثر حادث أليم مع ابنه وابنته رحمهم الله، حين عودتهما من مكة المكرمة بعد أداء العمرة، كان لهذا الحادث الأليم أثر كبير في نفوس الأصدقاء والمعارف الذين تأثروا بهذا الحادث ولكنها إرادة الله سبحانه وتعالى وإنا لله وإنا إليه راجعون..
ودعت ياحربي هل الدار واقفيت
أقفاي من ودّع ربوعه وقفا
أحرمت في مكه ومنها توفيت
موتٍ يشرف صاحبه لا توفى
الله أراد اختامها زيارة البيت
عساك بالجنة عريسٍ تزفا
كفيت يا رمز الشكاله ووفيت
ارتاح من هم الحياة وتعفا
وازبن على اللي يرزق الحي والميت
اللي تجيه الناس والملك صفا
لو التمني ينفع أليا تمنيت
ما رفت عيوني ولا القلب رفا
يا الله عسى قبرٍ نزلته وحليت
روضن من الجنه براد يتهفا
تنعاك حرب اليوم يا طيب الصيت
وتصفق عليك الناس كفٍ بكفا
تركت بالدنيا محلك وشديت
لجنّةٍ حفتها الأعتاب حفا
وتركت ذكرك في محلك ووصيت
باللي يجي لو منت فيه يتلفى
وفزوا حرارٍ فرّعوا يوم ناديت
أبشر بعزك والعدو ما يتشفى
كأني أشوفك بالعزاء يوم عزيت
والكل من ربعك بلا قصور كفا
لكن محلك خالي يوم لديت
عزي لعينٍ دمعها ما يكفى
لك فرجةٍ لو شفتها ويش خليت
لو ضفها من ضفها ما تضفى
ولك غيبةٍ توّي بها بس حسيت
منها دموع العين عيّن تجفى
أشعر بها لامن على مجلسك جيت
لا قام غازي بالضيوف يتحفى
واشعر بها لامن على البيت مريت
وصدّيت وجهي عن غلاك اتخفى
وجريت طاروق القوافي وغنيت
وقامت ضلوعي بالقصيد تتدفى
وأقول لو ما قلت يا كود هالبيت
حربي ابن معباس كفى ووفى
حربي بجاد العطية الحربي
=========
هذي الليالي
فيحان الصابري يتواصل بكل العطاءات ليقدم الجمال في الكلمة والوفاء الصادق بالمعاني
وشفيك ويّا الوقت صدّيت عنّي
واخفيت عنّي هالعلوم الكثيره
وشلون وانت لي قريب ومنّي
وما غيرك أَحد في الزمان أَستشيره
حسبتها حسبة وخيّبت ظني
لكنها غلطة بعمري كبيره
خلّيت غيرك للأَسف يمتحني
وخلّيت ذاك العهد يلقى مصيره
هذي الليالي ما تفيد متهني
لو طالت الأيام تصبح قصيره
إنسان بالتفكير ظالم وجنّي
وانسان يفقد في الحياة البصيره
ابيك ترحل منتهي واعتبرني
ما احط نفسي في الامور الصغيره
فيحان الصابري
الشاعر الكبير محمد الخس قدم عطاء شعرياً راقياً ومتميزاً عبر هذه السنوات الطويلة والذي ترددت قصائده في كل ندوة وفي كل مجال، أبو خلف مدرسة شعر متكاملة وله من الردود والنصوص الشعرية ما يعتبر حكمة في هذا الزمن، وتطرق بشعره لكل المواضيع المتنوعة في هذه الحياة.
ونرجع لقديم شاعرنا الكبير محمد الخس ونختار هذه الرائعة التي قالها من زمن طويل ولكنها ما زالت تردد لجمالها وروعة أبياتها..
يا أم السمّي علّمي مدهونة الخيّر
قوليلها هي سبب قتلي وغربالي
هي ذابحتني وانا ما نيب متغيّر
ان نمت وان قمت طاريها على بالي
لا شك أنا حايرٍ فكري ومتحيّر
من قولها ليّ ما غيرك حدٍ غالي
تقول في عمري انك قبلة الديّر
واليا بغيت المواجه ما تهيّا لي
لاجا رجب واعدتني هلّت قصيّر
وان جا قصيّر تقول أصبر ليا التالي
هي تحسبني وريعٍ عندها صغيّر
أرقد يجيك الغزيّل يا بعد حالي
يعطيك مطلوبك اللي كنت متخيّر
يزيّك من ماء السعين أَلوان وأَشكالي
والضحك والكذب ما يرضا به الخيّر
اللي يحب الشرف والمنزل العالي
ان كان هذا غلاها.. عنه أبغيّر
باكفّ من دونها سالي ومرسالي
محمد الخس
==========
هاضني صوت الحمامه
أنا هاضني صوت الحمامه بعال البرج
يغنّي طرب يانايف الورق واشقاني
تذكرت من يسلب فؤادي بحلو الهرج
هو اللي ليا جيته عن الغير سلاّْني
اشوف العذارى عقب ما غاب عني عرج
بقلبي نزل ناب الردايف وعناني
كما وصف شقراً عند شيخٍ زهاها السرج
على وصفها لوهي بلا سرج وعناني
لعب بالضماير خيلٍ تطارد مرج
بسودٍ محاجرها بها شلف وسناني
بدر بن ماجد الفيصل الدويش
صدى:
يا أبيض الوجه
عسى من يحدك عن وليفك زمانه حرج
تفتح عليه من اشهب الوقت بيباني
عقب مامعه امن الدبش ألف غير الفرج
يصبح يابن ماجد ذليلٍ وفقراني
على صاحبك سج القدم وأطلب الله وارج
ولا تستمع في هرجة افلاني وافلاني
تواصل مع اللي نور خده سوات السرج
تشعشع بنوره ناعم العود رياني
عيون اشقرٍ يطلع على الطايره والدرج
يوقف هل الحملات بالطلع ثبتاني
على كف شيخٍ مثل شرواك ساس وعرج
ينومس جنابه لا تنهض ابليهاني
وانا ما اشرب المطروق ولا اكلت لحمٍ حرج
واضنك بهاذي يا بيض الوجه حقاني
وترى بالعرب عاقل وبه نافضين الخرج!!
صديقك صديقك واكثر الناس قوماني
بعضهم يقربلك على شان فتح الدرج
مغير ايتحلوالك وهو قلب شيطاني
نايف ابوطفره المطيري
========
ليالي الذكريات
خالد الهطلاني يوافينا بهذا النص الذي يتبين به الرقة في المشاعر والعطاء في الجمال الوافي، أجمل ترحيب بالشاعر خالد الهطلاني في ألوان..
ليلةٍ والسهر ضيفي وجفني حصير
ليلةٍ والمواجع ذكريات وطعون
ليلةٍ والله أعلم بعدها وش يصير
كن عقلي على حد الشلل والجنون
كيف أبروي ضمى عشقي بعذب الغدير
والسحايب على روضي تشح المزون
أنت ياللي غيابك طال وصالك مصير
ردلي باتنفس في وصالك واكون
والله أني عقب فرقاك ماني بخير
ألزم الصمت..؟ حزني في سكوتي يخون
مذكر أني جرحتك في كلامٍ يثير
أترك الذنب لاتاخذك بعض الضنون
تدري اني أموتك والغلا لك كثير
اطعن الشك دامك في طعوني تمون
ليه تتعب كفوفك وانت رمشك شطير
شف نصايب رموشك فالصدر والمتون
دافنك في ثرى قلبي ولا لك خشير
حافظك عن عيون الغير وغيرك يهون
قبل اعرفك غيابك كان عادي وغير
ومن عرفتك عرفت أني بدونك جنون
كيف أبنساك قلي وعن غلاك أستخير
وانت فيك الحلا طاغي وقلبك حنون
انت حلمي..؟ ولكن وش بدين الفقير
لا غدا الوقت قاسي والليالي شجون
ما بقى بالحنايا.. غير طفلٍ صغير
ودمعةٍ شارده مابين جفن وعيون
ليلةٍ والسهر ضيفي وصبحي ضرير
ليلةٍ والله اعلم بعدها ويش اكون
خالد فهد الهطلاني
===========
ما جيت تمثيل
هيئ لي الجو بكتبت شيء لعيونك
اوصيرلي حلم واعطيك اجمل اشعاري
خلك معي لا يضع العمر من دونك
يا قصة الحب يا دنياي واخباري
ماجيت تمثيل جيت اصير مجنونك
يا جنتي يا غرام الرووووح يا ناري
انا حبيبك هوا قلبك ومضنونك
لا تجرح القلب دامك تعرف اسراري
اترك كلام العواذل لا يهمونك
غيرك من الخلق ماني عنه بداري
مدام انت المهم الغير يفدونك
ياتاج راس الخفوق وبسمة افكاري
محمد النمران
==========
الرفيق أَرواحنا له بضاعه
دقيت ما دقيت عندي مناعه
عوايدك وأنا اعتبرها طبيعه
قصدي سلام ولا نويت القطاعه
وحنا الرفيق نقدره ما نبيعه
وحنا الرفيق أرواحنا له بضاعه
نبذل له المجهود ما نستطيعه
لا نستمع فيه الحكي والاشاعه
نمسي ونصبح له حصونٍ منيعه
ولا حن بمثل اللي يغيّر طباعه
اللي يتلوّن بالردى والخديعه
ليا نخيته صد منك بساعه
يصد منك ويتخذها ذريعه
في حزة الصيقات قلبه رعاعه
وخوّه ردي العقل والعرف ضيعه
والإنسان لو يرضى يعيش بقناعه
ويعرف ان دورات الليالي سريعه
كان اقتنع بان القناعة طماعه
وان الحياه ان تاليتها شنيعه
وان البيوت اللي بعال الرفاعه
صارت هدامٍ عقب ما هي رفيعه
ونور القمر لابد يظهر شعاعه
ويسود حكم الله وحكم الشريعه
والرزق عند الله ولي الشفاعه
وترى فجوع الله لخلقه وسيعه
يقولها اللي غابر الوقت لاعه
وعسر القوافي لابقاها تطيعه
الشرح
=========
طيّب وراع للمواجيب
بندر الهذال يرثي عمه المرحوم يوسف عبيد الهذال رحمه الله واسكنه فسيح جناته
ما تذرف الدمعه على كل رجّال
ومقدر انزلها على ما تريده
من شفت يوسف مات وانهدبي الحال
غصبن عليها لو تضيق وتحيده
ضاقتبي الدنيا وطاحتبي امال
من يوم شفت العز يبكي عضيده
قرم وقف قدام خاين ومحتال
ارخصت عمرك والاوادم شهيده
يوم الغزو مارد عنهم ولا مال
واعطى الاوامر والوغى يوم عيده
يوم الاسر ماحنيت راسك للانذال
يبغون علمك والعراقي تفيده
خذلتهم في شي لا يمكن يقال
لجل الكويت الغاليه والفريده
طيّب وراع للمواجيب وافعال
ولادوّر المنصب وكبّر رصيده
فيك نتنومس يالقرابه بالاقوال
يوم البعيد يقول يوسف وليده
ياليتها بامال ودموع تنهال
لعطيك من عمري لعمرك وزيده
في ذمتي نبكيك والرب حلال
والله يصبّرنا وحنا عبيده
وما تنزل الدمعه على كل رجّال
بس الفقيد ان مات يبقى فقيده
بندر الهذال
=========
ودعت يا حربي
هذه الأبيات رثاء في المرحوم بإذن الله تعالى حربي غازي المعباسي الحربي الذي وافاه الأجل الاسبوع الماضي إثر حادث أليم مع ابنه وابنته رحمهم الله، حين عودتهما من مكة المكرمة بعد أداء العمرة، كان لهذا الحادث الأليم أثر كبير في نفوس الأصدقاء والمعارف الذين تأثروا بهذا الحادث ولكنها إرادة الله سبحانه وتعالى وإنا لله وإنا إليه راجعون..
ودعت ياحربي هل الدار واقفيت
أقفاي من ودّع ربوعه وقفا
أحرمت في مكه ومنها توفيت
موتٍ يشرف صاحبه لا توفى
الله أراد اختامها زيارة البيت
عساك بالجنة عريسٍ تزفا
كفيت يا رمز الشكاله ووفيت
ارتاح من هم الحياة وتعفا
وازبن على اللي يرزق الحي والميت
اللي تجيه الناس والملك صفا
لو التمني ينفع أليا تمنيت
ما رفت عيوني ولا القلب رفا
يا الله عسى قبرٍ نزلته وحليت
روضن من الجنه براد يتهفا
تنعاك حرب اليوم يا طيب الصيت
وتصفق عليك الناس كفٍ بكفا
تركت بالدنيا محلك وشديت
لجنّةٍ حفتها الأعتاب حفا
وتركت ذكرك في محلك ووصيت
باللي يجي لو منت فيه يتلفى
وفزوا حرارٍ فرّعوا يوم ناديت
أبشر بعزك والعدو ما يتشفى
كأني أشوفك بالعزاء يوم عزيت
والكل من ربعك بلا قصور كفا
لكن محلك خالي يوم لديت
عزي لعينٍ دمعها ما يكفى
لك فرجةٍ لو شفتها ويش خليت
لو ضفها من ضفها ما تضفى
ولك غيبةٍ توّي بها بس حسيت
منها دموع العين عيّن تجفى
أشعر بها لامن على مجلسك جيت
لا قام غازي بالضيوف يتحفى
واشعر بها لامن على البيت مريت
وصدّيت وجهي عن غلاك اتخفى
وجريت طاروق القوافي وغنيت
وقامت ضلوعي بالقصيد تتدفى
وأقول لو ما قلت يا كود هالبيت
حربي ابن معباس كفى ووفى
حربي بجاد العطية الحربي
=========
هذي الليالي
فيحان الصابري يتواصل بكل العطاءات ليقدم الجمال في الكلمة والوفاء الصادق بالمعاني
وشفيك ويّا الوقت صدّيت عنّي
واخفيت عنّي هالعلوم الكثيره
وشلون وانت لي قريب ومنّي
وما غيرك أَحد في الزمان أَستشيره
حسبتها حسبة وخيّبت ظني
لكنها غلطة بعمري كبيره
خلّيت غيرك للأَسف يمتحني
وخلّيت ذاك العهد يلقى مصيره
هذي الليالي ما تفيد متهني
لو طالت الأيام تصبح قصيره
إنسان بالتفكير ظالم وجنّي
وانسان يفقد في الحياة البصيره
ابيك ترحل منتهي واعتبرني
ما احط نفسي في الامور الصغيره
فيحان الصابري
