ألم بعد الرياضة

[Cool Teacher]

مرحبا

عندي سؤال...الحين أنا صار لي من شهر 7 مسوية ريجيم واسوي رياضه مشي وايروبيك....

بس الحين غيرت ديفيدي الايروبيك اللي عندي وصار لي يومين اشتغل مع الديفيدي اليديد لكن لما اقعد من النوم احس بشد في الساقين ماقدر اثنيهم ولا امشي عليهم....

علما اني مع الديفيدي اللي قبله صار معاي جذي ....بس هذا اكثر...واعرق وايد

هل أنا اسوي شي غلط أو هذا شد عضلي أو الرياضه هذا مفعولها يعني جابت نتيجه وفعاله ؟
بعدين لما وقفت عالميزان لقيت وزني زاد واحس ريولي اللي من الشد وزنهم ثقيل والساق صلبه حيل ومشدوده ؟ليش؟

 

[أمانينو]

هذا خوووش ديفيدي قوليلي اسمه

العوار هذا عادي معناته كل عضلاتج مشتغلة واذا تعرقين احسن واحسن اصلا ما يصير رياضة ايروبيك الا لمن تعرقين

استمري عليه وانشالله مايصير الا العافية
بس اللي تخافين منه اذا كان العوار في مكان واحد بس وما تقدرين تتحركين والم قوي هني يمكن يكون عندج شد قوي او تمزق عضلي الله لا يقوله

اما اذا شد وعوار عام يعني مو مكان محدد ما اقوللج الا عن الدلع وكملي رياضة احسنلج وحطي على biggest loser صدقيني تبلعين العافية

في اشرطة انا احبها ما استغنى عنها اسمها the Y plan لهم اكثر من ديفيدي انا عندي كلهم
شنو الديفيديات اللي عندج؟؟؟​

 

[Cool Teacher]

رد : ألم بعد الرياضة

لا مو شد عضلي ولا تمزق لان مريت فيهم من قبل

هذا الم لما توج تسوين رياضه وكانج عمرج ماسويتي رياضه من قبل اعرفه لاني مريت فيه وايد ...بس استغربت لاني امارس رياضه من زمان ليش احس فيه من يديد لما غيرت الديفيدي...

هل لان هالديفيدي اقوى من اللي قبله ؟
او يمكن لان جسمي خلاص تعود على الديفيدي القديم ...

هذا هو تسويه اللي تدرب المشتركين في ال biggest loser

اول واحد في هاللنك
http://isohunt.com/torrents/Jillian+Michaels?ihs1=2&iho1=d&iht=1

هذا اسمه
Directory: Jillian Michaels 30 Day Shred - www.DietingHub.com

كسرت عظامي ....الديفيدي القديم ساعه ما اتعب وهذا ساعه ونص ما اكمل نص ساعه الا ميته وعرقي تقولين نافورة

 

[أمانينو]

هذا طالبته من امريكا وللحين ما وصلني
وهمن لها ديفيدي ثاني اسمه يوغا ميلت داون

وين لقيتيه؟؟؟
موجود بالكويت؟؟؟​

 

[أمانينو]

رد: رد : ألم بعد الرياضة

هل لان هالديفيدي اقوى من اللي قبله ؟
او يمكن لان جسمي خلاص تعود على الديفيدي القديم ...



كسرت عظامي ....الديفيدي القديم ساعه ما اتعب وهذا ساعه ونص ما اكمل نص ساعه الا ميته وعرقي تقولين نافورة

اول شي لان اقوى من اللي قبله

ثاني شي اذا تعود جسمج على ديفيدي واحد يصير عندج اللي يسمونه musle memory يعني غضلاتج مثل الذاكرة تحفظ حركة وحدة بس .. فبالتالي تمل العضلات
ولمن تغيرين نوع رياضتج يكون احسن وتشتغل العضلات بفاعلية اكبر​

 

[Cool Teacher]

رد : ألم بعد الرياضة

حبيبتي هذا اللنك اللي حطيته في ردي السابق تنزلين منه الديفيدي

واي ديفيدي تبونه كتبوا اسمه في الموقع ويطلع لكم والنسخه واضحه واصليه ...لا تطلبين ولا تشترين ولا شي

اي انا بعد قلت ان جسمي حفظ الحركات وماعاد يتأثر فيهم

 

[أمانينو]

مشكووووورة حياتي عالموقع نزلت حاليا اربع ديفيديات لجيليان وفي جم واحد بعد ادور عليهم
من اليوم ببتدي 30 دايز شريد
بس لازم اشتري يوغا مات للديفيدي الثاني​

 

[miss_math]

رد : ألم بعد الرياضة

ما تشوفين شر

انا قبل لما كنت العب كنت احس بعوار عقب الرياضة لما اكون قاطعتها وارد لها ...