ألم الخياط ... انقذوني

[غربة الروح]

السلام عليكم

بنات انا لي 17 يوم والده وللحين فيه الم خياط

والخيوط للحين ما طاحت

عفيه عطوني حل حق الالم

وهل هذا شي طبيعي ؟؟؟

 

[للحين ناطره]

17يوم
في الم بس اكيد اخف من اول ايام ومع المسكن يحتمل
روحي راجعي اخاف الخياط ملتهب؟؟

 

[_زينه_]

يمكن ملتهب راجعي دكتورج

 

[غربة الروح]

لا الحمد لله مو ملتهب بس انا ما خذه صيفي ومع المشي احس يرجع لي الالم

حتى تكرمون مجرى البول يعورني من القسطره

وما اقدر اطول قاعده على الكرسي

شي عادي هذا واللا لا !!

واللي تعرف اي مسكن حق الم الخياط ياليت تقول لي

انا استخدم تحاميل الفولتارين حيل حلوين بس احس طولت عليهم

 

[أحلى عيون]

غسلي نفسج بمره ترتاحين

 

[galawi]

فيه جل مخدر موضعي اسمه xyLOcine jell بس ماينباع الا بوصفه ينن عن تجربه حده حلوو

 

[كل الشكر]

حطي عالكوتكس زيت زيتون
والخياط يعورج اولا لانج ما شلتي الغرز
وثانيا لانه شاد لان الخيط بيطيح
وبس يطيح خلاص راح يروح كل شي عاليوم ال20 ان شا الله

بس غريبه الم القسطره للحين
اذا ظل راجعي احسن العاده بس جم يوم وخلاص

 

[نـعـومـه]

الله يهديج بس صيفي مره وحده !!!!!

انتي والده ريحي لاحقه عالصيفي!!

اتوقع من الحركه والطلعه صار جذي

 

[(رينا)]

الله يهديج اي والله صيفي اكيد الجرح بيعورج
حر ورطوبه والجرح مايتحمل الحر
وبعدين القعده مو زينه على رحمج مو على جرحج بس
انا كنت اقعد على قنفه
وجبت رداده بعد عشرين يوم قالت لي الرحم حيل نازل من كثر القعده
مو زين

 

[فاقده ابوهاااا]

المفروض يعطونج الكريم الي لونه ادعم وريحته خايسه مو عارفه اسمه وبخاخ وغسول واذا استخدمتيهم بصوره منتظمه ماراح يعورج وتطيح الغرز بوقتها

 

[اسأل ضميركـ]

مو طول ١٧ يوم وللحين ماطاح ..


اللي اعرفه من ١٠ يوم يبدون يطيحوون ..




الله يعينج ويصبرج اترسي ابريج ماي دافي وذوبي فيه شويه ملح فارسي تلقينه عند الحواج وغسلي من تحت يطهر الجرح وييبس الخيوط ويطيحهم بسرعه وزين للي تحت وعقب ماتغسلين نشفي المنطقه وحطي كريم ميبوو على الجرح سوي هالشغله مرتين باليوم ..



وقبل لا تنامين حطي على الجرح خواجوا اذا عندج اللي لونها احمر زينه وكلها زيوووت زينه للجرح انا اذكر شريتها من مرا صج ريحتها معفنه بس تريحج ..

 

[احب الصالحين]

أختي
حطي كريم ميبو كتير حلو
وغسلي بالماء والملح
وان شاءالله ماتشوفين شر