قايد الريم
New member
ألصمتـ يكفي
الصمت يكفي ويشفي صدر راعيه
لا صار كل الحكي مالـه معانـي
والقلب ما عاد تعنيه المشاريـه
والعين ماعاد تغريهـا الامانـي
والخاطر العمس من يقدر يسليـه
الناس والا الشعـر والا الاغانـي
يا كاتب الحزن في قلبي وقاريـه
في نظرتي في انفعالي في حنانـي
ياليت حزني مجرد دمـع وابكيـه
ماهوب عايش معي بين المحانـي
ماهوب يظهر علي واحاول اخفيه
وتصير نظرات حزني هي لساني
لو للسحايب سجن يا عبرة التيـه
والله ما احبسك بخفاقـي ثوانـي
مدري ذكرني زمان كنـت ناسيـه
مدري ذكرت الزمان اللي نسانـي
كنت اكره البحر واخاف الغرق فيه
واليوم احبه واخاف من الموانـي
كنت اعشق الجاي باحلامه وامانيه
يا ما بنيت بخيالـي لـه مبانـي
ياما رجيت العطا من مـدة يديـه
حتى خذا كل شـي ومـا عطانـي
مما راق لي ..
