ألبوم المواليد بالصور

[سارا ديور]

السلام عليكم ورحمة الله وبركاته

سبق ونزلت موضوع

إللي تحب تسوي البوم مواليد

انا الحين بحط لكم بعض الصور من ألبوم ولدي وطريقة إخراجه

طبعا غلاف الألبوم فيه صورتي مع ولدي فماقدر احطها


اول ما تفتحين الألبوم

حطيت بيانات ولدي




بعدين الصفحه إللي وراها

ورقة التحليل اني حامل




وهذي صورة فاتورة اول مراجعه لي وفاتورة اخر مراجعه لي

خليتها صغيره علشان اسمي واضح ههههههههههههههههههههههه






هذي صوره من ملفي ومتابعة الحمل




وهذي صور السونار




وهذي صور ولدي لما انولد




وهذي صورة ولدي مع دكتور الطفال ولما كان بغرفة النيرسري




وهذي صورة البصمه مالت رجله




وهذي كل الكروت إللي يتلي تهنئه مع الورد




طبعا الألبوم مرتب وااايد حلو بس ليش فيه صور خاصه ما اقدر اطلعهم

اتمنى ان الفكره اوضحت وعجبتكم

 

[سارا ديور]

حلوه فكرتج لانها نفس فكرتي مسويتها حق البوم بنتي
وانا مسويه بدايه الالبوم حاطه ورقه تحليلي انه طلع في حمل وصور السونار وصور اول مانولدت وصور التمايم ملوتها لان ودينا فلوس التمايم وصور الخروف والناس الي كلو منه وكل شي خطوه بخطوه شي حيل حلو وبعدها ولحد اليوم كل شي احطه بالبومها

انا طافوني التمايم

لأن ريلي هو إللي سواهم

وانا كنت ابيت اهلي

وانا بعد الحين ولدي بالروضه

وحاطه كل شي

حتى لما ياله عقنقز

ولما سافر حطيت تذكرته

ولما قصيت شعره

كل ما تتصورينه حاطته

حتى بنتي اللي اكبر منه

حياااج الله يالغاليه

منوره موضوعي

 

[pink_girl]

مشاء الله روووعه الالبوم جاهز اشتريتيه ولا انتي مصممته لاني تعبت ادور جاهز لبنتي وخساره مجمعه صور واوراق خاصه في حملي وولادتي عشان احطهم في البوم بس تعبت مالقيت البوم جاهز

 

[سارا ديور]

مشاء الله روووعه الالبوم جاهز اشتريتيه ولا انتي مصممته لاني تعبت ادور جاهز لبنتي وخساره مجمعه صور واوراق خاصه في حملي وولادتي عشان احطهم في البوم بس تعبت مالقيت البوم جاهز

الألبوم شريته فاضي

وانا الصق صور ولدي وجدام كل صوره احط صور معبره


اطلعهم من الأنترنت

من ورق تغليف الهدايا

اقصص وألزق

 

[Pink GirL]

يعطيج العافية

انا مسويه حق اختي بولدها وبنتها البومات نفس الطريقة من بداية الحمل لي ما كملوا سنة
الالبوم وايد كبييير وشريت منه 4 البومات حق ولدها الاولي كان مدلل مليون صورة لوول

 

[Miss-Madry]

الله الله يهبل

تسلم ايدج

بسويه حق اختي لاجاها النصيب وحملت>>ناويه تبدع لووول

مشكووره

 

[al7noona]

ماشالله وايد حلوه الصور وانا مسويه البوم حق بنتي حطيت صورة عقد الزواج بعدين صورة ملجتي وصورة العرس وبعدين السونارات وصور بنتي لي الحين اصورها واحط اصورها وان خلص اكمل عليه بالبوم ثاني
وبغيت اسالج الورقه الي فيها بيانات البيبي ممكن تقوليلي شنو مكتوب فيها لان ودي اسويها حق البيبي الياي انشالله

 

[al7noona]

وماعليج امر ياقلبي لو تحطيلي الصور الكركتاريه الي تاخذينهم من النت لاني دورت مالقيت او تقوليلي شكتب بgoogle علشان يطلعلولي هالصور لان انا بالبوم بنتي حطيت استكيرات عاديه

 

[^kloOot^]

حبيبتى وايد حلو

بس ترى جنه اسمج واضع بالورقه شيلي الصوره المراجعه لانه صج صغيره بس اذا ضغطتى على الصوره تكبر

 

[NoWay2know]

يعطيج العافية والله يحفظه لكم ان شاء الله

 

[سارا ديور]

يعطيج العافية

انا مسويه حق اختي بولدها وبنتها البومات نفس الطريقة من بداية الحمل لي ما كملوا سنة
الالبوم وايد كبييير وشريت منه 4 البومات حق ولدها الاولي كان مدلل مليون صورة لوول

عاد استمري مو تكسلين

ونصيحه لا تكودين الصور لزقي اول باول

وحياج الله يالغاليه

 

[سارا ديور]

الله الله يهبل

تسلم ايدج

بسويه حق اختي لاجاها النصيب وحملت>>ناويه تبدع لووول

مشكووره

ان شاء الله تلحقين خير

 

[سارا ديور]

حبيبتى وايد حلو

بس ترى جنه اسمج واضع بالورقه شيلي الصوره المراجعه لانه صج صغيره بس اذا ضغطتى على الصوره تكبر

هههههههههههههههههههههه

إي والله

يالله ماعليه

مو خساره على خواتي بالمنتدى

مشكوووره حبيبتي على المشاركه الغاليه

 

[AnGel GirL]

ماشالله حلو وفكرتج حلوه وحتى الصور معبره

الله يخليلج وليدج انشالله ويجعله من الذريه الصالحه

ويسلموو ياقلبي

 

[أسـيـل]

مشاءالله خوش فكره

 

[أم علاوي حبيبي]

ما شاء الله خوش شغل الله يخليلج عيالج
بس ترى فيه برنامج يسويلج الالبوم جاهز حق كل المناسبات وبعدها ممكن تطبعينه وتحفظينه على الكمبيوتر
انا ما اعرف اشتغل عليه وصعب يتحصل بس موجود عندي اذا تبونه انزله وممكن تتعلمون عليه
اسمه 3D-Album-CS

 

[الكادي 1981]

حـــلوووو ماشاءلله ذووووووق

 

[سارا ديور]

ماشالله وايد حلوه الصور وانا مسويه البوم حق بنتي حطيت صورة عقد الزواج بعدين صورة ملجتي وصورة العرس وبعدين السونارات وصور بنتي لي الحين اصورها واحط اصورها وان خلص اكمل عليه بالبوم ثاني
وبغيت اسالج الورقه الي فيها بيانات البيبي ممكن تقوليلي شنو مكتوب فيها لان ودي اسويها حق البيبي الياي انشالله

الصفحه الولى لقيتها جاهزه

مكتوب

هذه صورتي يوم ولدت وحاطين مربع فاضي جنبها

لون شعري ..............................

لون عيني ..............................

وزني.........................

طولي............................

فصيلة دمي.........................

بعدين

ولادتي


ولدتني امي بعد حمل دام ...........................

بدت علامات الولاده عندما كانت في ........................

رافق امي إلى المستشفى ..............................................

وحضر فيما بعد ......................................................

استغرقت ولادتي ....................................................

وتمت تحت اشراف الدكتور .....................................

والقابله / الممرضه ...............................................

كانت ولادتي

طبيعيه او قيصريه

اما بالنسبه للصور

ان شاء الله اطلع لج من قوقل

اما عن صوري انا كنت اطلع من قوقل غير الدسكات

احط لج بعض الصور لما احملهم

 

[سارا ديور]

ماشالله حلو وفكرتج حلوه وحتى الصور معبره

الله يخليلج وليدج انشالله ويجعله من الذريه الصالحه

ويسلموو ياقلبي

جزاج الله خير يالغاليه ما قصرتي

وشاكره لج مرورج الغالي

 

[سارا ديور]

مشاءالله خوش فكره

مشكوره يالغاليه

حياج الله