ألام الظهر ورياضه البطن.....ارجو الدخول.....

[وهج الليل كول]

السلام عليكم ورحمته الله وبركاته..........بنات انا اعاني بألام في الظهر بسبب شغل البيت و الطبخ واشيل اشياء ثقيله في رمضان....وتركت رياضه البطن والوقوف لفتره طويله وطول يومي جالسه علشان ابي الم الظهر يروح بس ماراح وسمعت ان الرياضه مثل رياضه البطن تزيد الالم مدري شنو اسوي بخصوص رياضه البطن بنات اسويها ولا لا ..... وهل في وحده صارها مثل حالتي وتشافت وصار تسوي رياضه ....على فكره انا تاركه الرياضه من40 يوم ....والالم له اكثر من شهر وانا خايفه انه يستمر معي لفتره طويله ....بنات اللي ماعندها رد ترفع الموضوع______ وشكرااا

 

[softlady]

حبيبتي رياضه البطن تسبب ديسك وهذا دكتور عضام قايلي هالكلام

اول شي تسوين اشعه مقطعيه عشان تشوفين شنو فيج

انصحج بالدكتورمساعد السعيد راح يعطيج تعليمات للوقوف والنوم

واي شغل تسوينه بالبيت لاتسوينه مع انحناء خلج مستقيمه

ولاتشيلين ثقيل

ولاتلبسين كعب


والبطن او الكرشه اتجهي للمساج او اشتري كريم مساج من الحواي اسمه كريم الزنجبيل ودهني فيه بطنج

وانسي رياضه البطن هذه حيل خطره على العامود الفقري

 

[وهج الليل كول]

شكرا على الرد..... بس مااقدر اترك رياضه البطن لان بطني كبير كاني بالسابع .....بنات ردوا .....واللي ماتعرف ترفع المو_ضوع جزاكن الله خير

 

[وفا]

حبيبتى ما تشوفيين شر

اكيد تلعبينها غلط... لان اى غلطه بالرياضه الظهر اهو الضحيه

فيه لبس معين ينباع بالصيدليات لتجليس الظهر بشكل صحيح

ريحي هاليومين ظهرج ... ولبسي اللي قلت لج عنه .... اهو مثل جنطه الظهر يفرده لج ... وممكن تلبسينه طول اليوم وتحت الملابس ما يبين

واتركى الرياضه فتره بس ... لانها وايد مفيده

 

[ii DareeN ii]

لمى صار وياي عرج النسا الي اهو بدايات دسك كنت اسوي علاج طبيعي والدكتورة عطتني تمارين البطن العادية الي موجودة في غالب المواقع اسويها عشان تتقوى عضلات البطن ويقوى الضهر اذا مارستيها بطريقة صح ماتضر اختي ومو بطريقة عنيفة ومو وايد يعني كل تمرين عشر مرات بس

 

[حامله الرايه]

ما تشوفي شر قلبوا