أقرب حليب صناعي لمكونات حليب الام

[فرفوووشة]

السلام عليكم يا بنات..


أنا توني وادة صارلي شهر .. و للاسف ماأقدر أرضع.
فبغيت حليب مكوناتة أقرب لمكونات حليب الام
فاللي تعرف أحد فاهم او دكتور قالها انو غي حليب مكوناتة قريبة لحليب الأم ياليت تقولي ..


بس لا تقولونلي سيميلاك و بروجرس لان بهدل ولدي غازات

و بالمناسبة كنت ابي اسأل على حليب ابتاميل شلونة زين ولا لا لان قريت موضوع انة في مكونات موجودة بحليب الام مو موجودة بحليب ثاني. و هل اهو موجود بالتموين ولا لا


ياليت تساعوني و لا تبخلون علي بالرد

و يعطيكم الف عافية

 

[noynoy]

اس 26
احسن حليب بالسوق و في كل المكونات اللي يحتاجه البيبي
هذا كلام الدكتور خالد السعيد

 

[كوكتيل عسل]

اس ٢٦ هو اقرب حليب لحليب الام
وانا نصحتني به اخصائية تغذية لاني قبلها استخدمت سيميلاك وذبح ولدي من الغازات

 

[كويتيه مذهله 87]

حبيبتي انا عيل دكتوري حسن هيكل بمستشفي السلام قالي مافيه حليب مثل حليب الام
هذولا يكتبون بالعلب علشان يمشوون بضااعتهم

مافي بديل عن حليب الام سبحان الله
جان كل الناس ماترضع
المهم
انا كنت استخدم حق ولدي اس 26
وكل المستشفيات يستخدمونه ورووعه ماسبب لولدي غازات بس سببله امسااك مايخرج يومين عادي
فغيرت له الحليب الي نان والحمدالله قام يخرع بس سببتله غازات

بس جسم عن جسم يفرق


موفقه

 

[um_yoyo]

مافي و لا في حتى مقارب لحد يقص عليج

الحليب الصناعي كله نفس الشي نفس العيش كذا ماركه و بالاخير عيش !! هذا كلام دكتوري



انا ارضع بنتي طبيعي و صناعي ابتاميل اشوفه زين معاها الحمدلله

 

[ام لين3]

مثل ماقالوا البنات ماكو حليب مثل حليب الام مستحيل كل الاطباء يقولون جذي وآنه دكتور بناتي مازن العيسى ولايرضى اعطيهم حليب صناعي قبل 6شهور وآنه شاطره اسمع الكلام
وبعد 6 شهور اول بنت عطيتها نان كان زين بس كان اسويلها امساك شوي
وبنتي الثانيه عطيتها س26
كان هم زين ومثل ماقالت الأخت الي قبلي كلهم نفس الشي ماحس تأثيرهم يختلف على الياهل كلهم يزيدون الغازات ويخمرون في البطن

 

[أم عنوبي]

السلام عليكم ورحمة الله
صح ماكو مثل حليب الأم سبحان الله
الدكتور عبدالله الدهام بمستشفى السيف قالي حليب إبتاميل قريب من حليب الأم لاحظي قلت قريب مو مثل
ودول أوروبا يستخدمونه بكثره
وآنا الحمدلله ولدي إرتاح عليه
ومتوفر بالتمويل
ربي يحفظ لج ظناج
​

 

[ام مريووومة]

انا بنتي كنت استخدملها حليب اس 26 بس ما احسه ضبط معاها ما كانت تحبه والحين استخدملها حليب ابتاميل الحمدالله احسن

 

[فرفوووشة]

رد : أقرب حليب صناعي لمكونات حليب الام

مشكوووووووووووووووريين على الردود و يعطيكم العافية

 

[ام التاريخ]

اس 26 استخدمه الحمدالله زين ولدي عليه

 

[الأميرة كيرارا]

يقولون أبتاميل الأقرب لحليب الأم
بس حليب الأم يعطي الطفل مناعة مثل المضاد الحيوي
سبحان الله

 

[حرم سي السيد]

مافي على حليب الام

 

[om Firas]

طيب بغيت اسالكم عن اذن صاحبة الموضوع حليب ابتاميل
طعه حلو والا زي باقي اي حليب لان ولدي مو متقبل ولا حليب
ومابقى حليب ماستخدمتع باقي ابتاميل شلوةن طعمه حلو اولا

 

[دلوووعة بابا]

اس 26 حليب ولدي توه عمره شهر ونص

 

[سوسو حبيبتى]

حبيبتى مافي شي مثل حليب الام مثل ماقالوا لك البنات سبحان الله

وانا عندي ليكي شرح مقنع جداا تخيلى شخص بياكل كل الاكل وشخص تانى بياكل نوع واحد بس مين بيكون صحته احسن؟؟

حليب الام بينزل فيه كل الاكل والشرب الى هي بتشربه وسبحان الله بيكون متنوع وطعمه كل يوم بيتغير حسب اكلك

انا مصريه وعندنا بمصر كل الامهات بترضع طبيعي تقريبا وقليل جدااا الى ترضع صناعي وللاسف شوفت بالخليج العكس تمامااا

رغم ان المفروض نسبه الستات الى ماتقدرش ترضع بتكون قليله صراحه بحس انهم بيدلعووا اسفه يعني ماحد يزعل مني

ع الاقل ترضع طبيعي لمدة 6 شهور ولو بتشتغل تقدر تحط من حليبها ف ازازة وتحفظه بالتلاجه عاادي زى اى نوع حليب

والطريقه دي بيتبعوها الاجانب على فكرة وعملوا بنك لحليب الامهات عشان الستات الى مابتقدر ترضع بس طبعا دة حرام

حاولى حبيبتى على اد ماتقدري والله اجر وثواب عند الله وصحه ومناعه لطفلك

انا رضعت بنتى سنه ونص والحمدلله
واسفه لو كلامى زعل حد مااقصد والله بس احب لكم الخير

 

[shahed]

:eh_s(16): اريدا حلا لو سمحتو , انا بنتي عمرها شهر و نصف و الحمدلله بترضع طبيعي و ما ناوية وقف رضاعة طبيعية بس مشكلتي مع بنتي انه رافضة تماما تاخد البيبرونة و ما خليت نوع الا و جربته من حلمات بس ما في فايدة ,اما الحليب انا عم اشفطلها حليب من صدري حتى ما يتغير عليها نوع الحليب بس مع هيدا ما اخدت القنينة.انا مضطرة اعطي القنينة لغيابي عنها 4 ساعات بحكم شغلي .

 

[ثلج ابيض]

رد : أقرب حليب صناعي لمكونات حليب الام

مافي عل حليب الام صحه وقوة مناعه والاطفال اللي يرضعون من امهاتهم ييون اذكى من اللي يشربون صناعي نصيحتي حاولي لو 6 اشهر الاولى تعطينه من حليبتج والرضاعه يبيلها صبر والله معتج

 

[_Pure_]

mafi shay greeb mn 7aleeb el om

fi organic infant formula bs mooo mawjood bel kuwait

 

[om al ghaleen]

مافي حليب صناعي قريب لمكونات حليب الام
وهالعلب كلها لغرض التجاره لااكثر

بس اذا ضروفج ماتسمح استخدمي اس ٢٦
لانه مستشفى الولاده تستخدمه للرضع

 

[سآسي آلحلآ]

انا استخدم ابتاميل الحمدالله لا امساك ولا غازات
احس هو احسن نوع
مع انهم معطينها سيميلاك بالمستشفى بس ذبحها بالامساك
والحين ماشين على ابتاميل زين
وموجود بالتموين