أقدر أحمل وأشتغل مدرسة بالأوقاف؟ بنات ساعدوني

[Mrs.Q]

السلام عليكم ورحمة الله وبركاته
بنات بليز ساعدوني عندي سؤال مصيري ووايد مهم عيزت أبي ألاقيله جواب محدد ماني قادرة
بنات آنا هذا آخر كورس لي بالجامعة واذا تخرجت بقدم بالديوان على وزارة الاوقاف عساس اصير مدرسة بدور القرآن
المشكلة ودي احمل بس قالتلي وحدة من رفيجاتي ان الدولة ماتوظف الحامل الا بأول 4 شهور وعقب الرابع مايوظفون
وهالشي صار معاها
بنات حدي متحبطة سألت وايد ناس قالولي شكو اللي تقولي توظفت بالثامن واللي تقولي اختها توظفت بالخامس ووايد حجي واللي كلموني بعضهم مدرسات بالتربية وبعضهم بالاوقاف
رديت سألت رفيجتي واهيا موظفة بالعدل جنه قالتلي مو صحيح كلامهم وان فعلا في قانون يمنع الحامل فوق ال4 شهور من الوظيفة
بنات قررت انسى موضوع الحمل وأأجله بس قلبي محترق انا مالجة من شهر فبراير اللي طاف وعرسي صارله 8 شهور وريلي اول مرة يفتح وياي موضوع البيبي واثنينتنا نبي فحده ضايقة خلوقنا
اليوم كنت رايحة مؤتمر بالاوقاف وقعدت يم وحدة من رمان عنها وسوافت وياها فقالت انها توظفت قبل 8 شهور وكانت حامل بالثامن!
بنات هذي كانت ايدد وحدة متوظفة الباجين اللي سألتهم ناس من سنة 2005 وناس من 2000 اما هذي يديدة ومتوظفة بالاوقاف بالمحاسبة
ورفيجتي اللي قالتلي ممنوع متوظفة صارلها سنتين
بليز بنات


ساعدوني بعرف شسالفة هالقانون ودي احمل اليوم قبل باجر وبنفس الوقت الوظيفة من اولوياتي
وماقيني صبر اصبر حيل حيل ضايق خلقي

واذا ابي اتأكد وين في مصدر موثوق اكلمه عن هالسالفة؟؟
مشكورين واااااايد مقدما

 

[hazel eyes]

ماافي قانون يمنع بس لما تسوين مقبله بالاوقاف ويدرون انج حامل وواضحه بطنج ماينجحونج بالمقابله انا مدرسه بالاوقاف ومررت علي سوالف بالمقابلات انهم لما ينتبهون الموجهات للحمل يسقطونج عاد انتي وشطارتج خشي بطنج لان وحده من رفيجاتي كانت باخر الاشهر وبطنها مو باينه ونجحت واللي بطنها باينه تسقط ولله يوفقج ان شاءالله ونشوفج زميله

 

[شوقي]

وعليكم السلام ورحمة الله وبركاتة ..,
صراحة ماعندي فكرة عن الموضوع ومتمنية اساعدج والله :eh_s(22):

بس حبيت اقولج بالتوفيق والله يسهل امرج ان شاءالله
اذا عرفت معلومة اكيد بعلمج :eh_s(7):

 

[Mrs.Q]

ماافي قانون يمنع بس لما تسوين مقبله بالاوقاف ويدرون انج حامل وواضحه بطنج ماينجحونج بالمقابله انا مدرسه بالاوقاف ومررت علي سوالف بالمقابلات انهم لما ينتبهون الموجهات للحمل يسقطونج عاد انتي وشطارتج خشي بطنج لان وحده من رفيجاتي كانت باخر الاشهر وبطنها مو باينه ونجحت واللي بطنها باينه تسقط ولله يوفقج ان شاءالله ونشوفج زميله

اولا شي حلو انج تأكدين ان مافي قانون بس صج صدمتيني من صجهم ينجحون ويسقطون عالحمل؟
انزين حبيبتي ماتعرفين مكان رسمي اقدر اتأكد منه؟
مشكورة تصدقين ريحتيني

 

[Mrs.Q]

اختي شوقي يا حياتي انتي فديت قلبج الابيض الله يسمح دربج ويباركلج بيومج ماقصرتي


اب اب بنات يالله ابي مصادر رسمية وتجاربكم بعد

 

[hazel eyes]

اولا شي حلو انج تأكدين ان مافي قانون بس صج صدمتيني من صجهم ينجحون ويسقطون عالحمل؟
انزين حبيبتي ماتعرفين مكان رسمي اقدر اتأكد منه؟
مشكورة تصدقين ريحتيني

اي في مكاان رسمي التوجيه الفني اللي بسلوى لو تروحين لهم يقولون لج اللي لج واللي عليج

وهذا رقمهم 25615781

 

[Mrs.Q]

مشكورة حبيبتي وايد دقيت عليهم يا مشغول يافاكس


بنات ماتعرفون رقم ثاني او ماعندكم خبر عن هالموضوع؟

 

[سمسمة كويتية]

بس أتوقع حتى لو مارضو عشان حامل، يكون مكانج محجوز و عقب ما تولدين تتوظفين
هذا الي سمعته بس مو متأكدة

 

[Mrs.Q]

Up up